السلام عليكم ..
حوائيات اللي بتقرأ سالفتي تتخيل نفسها محلي وتعلمني كيف راح تتصرف
سؤالي للكل / لما وحده تتصل بزوجك وتكلمه شلون تردعينها وتخليها تحرم تدق مره ثانيه ؟!
انا يابنات دخلت الاعدادات بجوال زوجي وسويت تحويل المكالمات
طبعا في 3 خيارات
التحويل دائماً ولما الخط يكون مشغول ولما مايرد
حطيت الضبط في حالة عدم الرد
لي شهر ونا اشوف رقمها يجي بجوالي لما تدق على زوجي وهو نايم أو يتروش أو لما يكون الجوال بالشاحن
وصوت التلفزيون عالي ماينتبه للاتصال لكني اشوف جواله ينور وبعدها رقمها يجي على جوالي
حاولت اتفاهم معاها بالكلمه الطيبه
بالبدايه أنكرت بعدين قالت هذا خطيبي أكلمه متى ماابي وذلفي عني
بعدين غيرت رقمها وبرضو عرفت الجديد لأني شفت رقم كثير يجي على جوالي آخر الليل والفجر
تأكدت بطريقتي وعرفت انها هذي هي البنت نفس نبرة الصوت
خلال هالفتره قدرت ألقط الرقم السري لقفل الجوال تبع زوجي
وقت مانام رحت فتحت الجوال خشيت على تطبيق الواتس اب قريت كلام يسم البدن
كاتبه له وهي تضحك (قلت حق خبلتك اني خطيبتك)
يعني السالفه تصريفه والقهر يرد عليها ويقول آحسن
من الكلام اللي قريته واضح انها لاعبه براسه
للحين عندي المحادثات بالفيديو وصورها اللي راسلتهم له للحين محتفظه فيهم بجوالي
المشكله انها أبد موخايفه مدري كيف ابعدها عن زوجي
ابيها تطلع من حياته مثل مادخلت وسببت بينا خلافات كبيره
يابنات زوجي حتى لو نساها فتره هي من وقاحتها ترجع تدق وتدق وتدق لين يرد عليها
طبيعي الرجّال لما يشوف وحده متمسكه فيه وموراضيه تتركه راح يتعلق فيها
حسبي الله ونعم الوكيل فيها شلون تتجرّأ تسولف وتضحك مع واحد غريب
وصلت فيها الجرأه ترسل لي مسجات تغيضني تكتب ياغبيه ياخبله
مره اتصلت فيني فتحت الخط لكن مارديت سمعتها تقول يابقره ردي وتتكلم بغنج ومياعه
عطوني حلول لأني عجزت القي حل يوخرها عن زوجي
جربت اكثر من طريقه لكن مانفع معاها ولاجابت نتيجه
إلا زادت عناد وصارت تتمادى بالوقاحه :confused:
الموضوع مغلق