اسم مولودي بيفرقنا//قديم

ياستي هونيها وتهووون عادي تحصل كثيييير لاتكبري الموضوع واذا تحبي ناديه بالاسم اللي اخترتيه واذا على النقل هو زوجك وانتي مأمورة تروحي معاه وين ماكان في قرية ولامحافظة خليكي من المشاعر وحكمي عقلك راح تلقي الحق والشرع معاه في كل شيء استهدي بالله واتركي عنك الشيطان

قلتلهم بأسلوب حلو ، نفسي في الاسم هذا 
وقاله ابوي لابوه قال احنا مالنا شغل بينهم وهي مدري وش جاها تبغى الاسم هذا .. يعني واضح كل شيء بس هم اللي مصرّين 
بالنسبه للنقل انا معاه لو كان مضطر ينقل لكن هم اللي قالوا انقل وهو اللي طلب النقل من العمل .. 
ولو كانت مدينه كويسه ممكن لكنها مررره تضيق الخلق ولافيها خدمات 

راس ماله اسم الله يهديك أهدم بيتي واسرتي علشان كم حرف 
خليك أعقل منهم  وهالشي عندنا بمجتمعنا ومعروف اول ولد بأسم الجد ليش أكبرها 
وبخصوص النقل انتي تفاهمي معاه بطريقتك ولاتجيبي طارئ أهله علشان مايتمسك بالموضوع أكثر ويعاند 
وسالفه مد الايد اهلك يتفاهمون معاه 

انا كنت ناوية ارجع عشن الولد .
بس تفاجأت بالنقل وبالاسم 
يعني بعد الضرب يجي يكملها المفروض يعتبرها رضاوه .. 
النقل مو اول شيء يسويه عكس ماابغى 
يعني حتى واحنا ساكنين قبل كنا في شقه كويسه مره ومرتاحين فيها 
قام قالوا اهله غاليه مرره غيرها وفعلا نقلنا لشقه تجيب الهم اصلا مااسمها شقه من ضيقها .. 
مع ان راتبه كويس ولا جانا ضيق في المصروف ولا شيء 
بس كذا تنكيد سبحان الله 

شكل زوجك بين نارين مايدري من يرضي
انت ولا أبوه

  اذا تناقشتي معاه
لاتجيبي سيرة أهله لانه بيعاند اكثر
ويبين لك انه مقتنع لو ماعجبه

لكن بالسياسه جيبيه وين وعدك لي
بعدم النقل يابو فلان
الي هو ع اسم ابوه
وبعدين نص السعوديين الاسم الاول ع الأب 

يعني لازم تنازلين لاتمسكين 
بالاسم والمكان
وتشوفين ان ماغيروا رأيهم 


الله يكون بعونك ويكتب لك الخييييير