بنات مو عارفة شقول .. بكرة عازمينا ناس في عزيمة كبيرة وقلت بكشخ ياريتني قعدت على ماني عليه
قلت بشقر حواجبي وهذي مو اول مرة لي بس مدري ليش هالمرة صار لي كذا
اول حطيت فازلين على الحواجب بعدين حطيت صبغة الحواجب القزازة الصغيرة خلطت معها موية
اسمها بيجون اظن كذا اسمها >> استخفت
وحطيتها على رسمة الحاجب بعدين خلطت بروكسيد والمشقر من جولان خلطتهم مع بعض بس يالله
خليتهم يمكن ربع ساعة بعدين قمت اغسل حواجبي واطالع الا الشعر المشقر يتساقط مو يتساقط ياربي
يتقطع والله صار يتمغط مثل العلكة والله قلبي عورني وخفت مدري وش السالفة دايم اسوي هالطريقة وحواجبي مايصير لها شيء عادي ليش هالمرة ؟؟؟؟؟؟؟؟؟؟؟؟؟؟؟؟؟؟؟؟؟ وتذكرت اني شارية هالبروكسيد من محل ابو
ريالين تفووووووووووووووووو عليهم الله لا يوفقهم والله منقهرة بتأكد اذا العيب منه بتصل على وزارة التجارة
واسوي بلاغ تجاري والله يابنات حواجبي تقطعت وللحين احس قلبي منقبض مدري وش اسوي المشكلة باقي
الشعر بعضه ماتشقر بس خلاص طابت نفسي وش اسوي الحين بشعري الي تساقط ياربي ..
خايفة يكون علي اثم :( وانا والله ماكنت اعرف حسبي الله عليهم الله لا يوفقهم .....
والحين كل من بيشوفني بيقول ماشاء الله نامصة حواجبها ياربي وش السواة يابنات:09: ..
بنات قولولي وش الحل والله خلقي ضايق:( ..
شاركي في النقاش
سجلي الدخول لإضافة تعليق.
التعليقات
19- إقعدي في بيتكم لاتروحين عازمتك علا قهوة المغرب
أستهبل عليك الله يعينك والحمدلله على سلامتك ماتحسست بشرتك والباقي يهون أقصد كلام الناس - ماتشوفين شر ياقلبي
والله ضاق صدري عليك ان شاء الله بيطلع الشعر بس انتي اصبري ياقلبي الله يعينك على ماجااك.. - بعد ما تهدا بشرتج بردي عليها بثلج.. يمكن الشعر ضعف وما استحمل.. ترا المشقر حار ويهلك الشعر..
جربي زيت الخروع يقولون يغلظ الحواجب.. ولا تلعبين كثير فيهم.. خليهم شهرين يتربون.. - يا بعد قلبي يا رهوفه الله يكون بعونك لكن
من ترك شيئاً لله عوضه الله خيراً منه ما تدرين يمكن هذا تنبيه من الله
يقول صلى الله عليه وسلم " الحلال بين والحرام بين وبينهما متشابهات فمن اتقى الشبهات فقد استبرأ لدينه وعرضه "
صدقيني الله يحبك علشان كذا اغتنمي الفرصه وأقتربي منه أكثر واستغفري . - ياعمري بس صدق يمكن لان صار الشعر مايتحمل الصبغة
الله يعينك
مواضيع مشابهة
تابعي تجارب أخرى من هذا القسم.