السلام عليكم ورحمة الله وبركاته
هذا الله يسلمكن
حنا الحريم ماٲكثر من طلعاتنا وروحاتنا وجياتنا
والخبره تكتسب من التجارب والاختلاط مع الناس
والدنيا دقدقتنا وعلمتنا
ولازلنا باقي نتعلم
المطلوب من الموضوع
كل وحده تقول لنا وش الٲخطاء اللي تعلمت منها
وقالت توووووووووبه ماعاد اعيدها
نتعلم من تجارب بعضنا واغلاطهم قبل ان نقع فيها
نبدٲ بسم الله. .
وبعطيكم ابسطها
هذا الله يسلمكم مره شكيت لوحده من مشكله في حياتي الزوجيه
وابشركن انتشر الخبر وماباقي احد مادرا
وبعدها تووووووبه حتى خواتي وهن خواتي حرمت اشكي لاحد
احل مشاكلي ازين لي من التشكي اللي مايفيد ماغير يجر علوم ..
كملن واعلمكن بالباقي
تراني جايبتن العيد كم مره في غير وقته ..
انطلقوو
شاركي في النقاش
سجلي الدخول لإضافة تعليق.
التعليقات
76- الانسانة اللي تغلينها بزيادة وتخدمينها وتوقفين معها بأزماتها هي أول من يصد عنك وقت حاجتك
وممكن تتفاجئين انها تحسدك وتقابل احسانك بالاساءة
المفروض الواحد ما يندلق على الناس ويكون معتدل بمحبته ومجاملاته ويكون كل شي بحدود
الشي الثاني الانسانة الي تغلينها احرصي ما يكون فيه بينكم حاجتين
النسب
العمل
لأنهم يخربون العلاقات حتى بين الاخوة والاخوات
وياكثر ما جبنا العيد وانا اختك - امنيات
والله صادقه اهم شي كل حاجه بحدود حتى العلاقات .. وحتى في قولتك لايربطكم النسب بالفعل يخرب العلاقه.. العمل هذي جديده علي بس بحطها في بالي ..
وبالنسبة ل) ٲكره الوقاحه(
بالفعل فيه ناس تحب تصطاد في الماء العكر
لذلك كتمان الامور الحياتيه الخاصه افضل حتى ابسطها وٲدقها
شكرا لمروركم الراقي وجزاكم الله خير اضافات رائعه - أنا طيبة حتى مع أعدائي وأعرف انهم ضدي وأعرف كل الكلام اللي يقولونه
لكن أطنش لسبب واحد فقط , أبغى رضا ربي لاغيـــــــــــــــــــــر ومابغى القطيعة
عشان مافيه إنسان يستاهل ان اعمالي ماتُرفع بسببه
الله يعينا عليها دنيا
لكن تعلمت اني ماأحتك بالناس كثير - نوره حبيبتي ونعم بالله وكلنا ندور رضا الله
بس تعالي ياقمر المؤمن القوي خير من المؤمن الضعيف
اذا اعدائي على قولتك ليه اصير طيبه معاهم هذا ضعف
انا عارفه انها دنيا وماهي حرب بس كل واحد يعرف قدره واذا مايعرف اعرفه وش قدره
اما انها تهرج وتمرج وانا طيبه وآكل في نفسي من الهم لا والله الا اتخسي وتعقب ..
ع الجرح جيتي ..توني راده على وحده بخصوص هذا الموضوع مالي حيل اروح اجيب الرد خخخ. .
الله يسلم لي هاليدين يانواره نورتي الصفحه ياقمر - تعلمت اناااا الاقارب عقارب
حسبي الله ع كل وحده ظلمتني
نصيحه الي مايحترمك لاتحترميه والي مايقدرك لاتقدريه
يامااا سكت وبلعت بس للاسف ماحد جاب خبري
ولماا تكلمت صرت انا الخبيثه وام لسان طويل
حسبي الله وكفى
مواضيع مشابهة
تابعي تجارب أخرى من هذا القسم.