قريبتي ونشرها صور اخوي.. وش الحل معها ياحكيمات

مراحب بنات

في موضوع رافع ضغطي مو عارفه كيف اتصرف



اولا قريبتي هذي هي عمتي 
يوم كنا صغار وساكنين ببيت عمامي ماكانت تعترف فينا 
وكانت منحازه مع حرمه عمي الصغير وعيالها ضدنا 
والدلع والغلا كله لهم وحنا صفر ع الشمال .. وامي كانت شبه شغاله عندهم

ساءت العلاقه وبعد 18 سنه صارت مشكله ببيتهم وطلعنا عنهم(ابوي كان رافض يطلع عن اهله قبل هالمشكله)




المهم....
كبرنا والحمدلله اوضاعنا زينه
وبيت عمامي فاضي مافي الا الجد وعمتي هذي 

السالفه ايش
شفتها منزله صوره اخوي الكبير بحسابها بانستقرام بدون استئذان 
سكتنا

بعد كم يوم نزلت صوره ثانيه له ... ماحبيت اقولها احذفيها دخلت وعلقت ع الصوره قلت يالبا اخوي .. لعل وعسى انها تستحي وتحذفها


ماهمها الاخت

وقبل كم يوم حاطه صورتها الشخصيه بالواتس اب صوره اخوي دخلت عليها قلت من هالحلو قالت هذا اخوك
قلت شيليها وحطي هذا احلى ... (ارسلت لها صوره ابوي اللي هو اخوها)
حطت صوره ابوي بالليل وشالتها من بكرا 


وراحت انستقرام ونزلت صور لاخوي 
زي قوله عناد ومالك دخل وبنزل الصور

ملاحظه؛ اخوي هذا حلو لي اخوان غيره بس عاديين
وفيه عيال عماماي ماعمرها اتجرات تنزل صورهم ماادري خايفه من حريم عمامي والا ليش





لاتقولون المشكله سخيفه
انا وامي مانحب نحط صور اخواني نهائيا ك صور عرض وتجي هذي تمشي وتنشر بصورته

وووشلون اتصرف معها 

فكرت لاشفتها اقول نسيتي ايام زمان يوم تصكين بابك بوجيهنا وتطردينا من غرفتك لاتجمعتي مع خواتك وحريم اخوانك
ويوم كبرنا صرتي تكشخين بصورنا 
حطي صور عيال اخوانك الثانين الغالين 


وارجع اخاف تهاوش وتكبر السالفه 



علموووووني كيف اتصرف مع العلم انو الليله بقابلها بعشا ولي فتره عنها

27 تعليق 3,463 مشاهدة

شاركي في النقاش

سجلي الدخول لإضافة تعليق.

التعليقات

26
  1. @alohg11

    انتي عمتك انا عندي وحده بمتوسط ومن قرايب زوجي ومو عارفه كيف اتصرف معها المشكله تستغفلني وتصور وان تكلمت طلعت الشينه نبهتها اني مانعه ماش ماعجبهم الوضع وعطوني نظرة فولاذيه الله يعيني ويعينك يارب
  2. هذي عمتك احسني التعامل معاها لوجه الله ولاتسوين شي يزعلها هي وجدك منك
  3. @fy_hthn_zogy

    قوليلها معليش شيلي الصور عشان احنا مانحب صور اخواني تنتشر ادخلي في عينها . وش الناس هذول معد يستحون
  4. @ghyrlan

    بصراحة واضحة انتي قلتي اخوك احلى واحد حاطتها شوفو

    يعني طالع على عمته بس كذا فشخرة ودعاية لنفسها

    قوليلها مابغاك تحطين صورة اخوي اخاف تجيه عين


    خلصت الصور مالقيتي الاتحطين صوره
    دقيها بالانستقرام


    قولي من وين طلع هالحب . ومن هالكلام
  5. صاحبة الموضوع
    الوهج11
    انتي عمتك انا عندي وحده بمتوسط ومن قرايب زوجي ومو عارفه كيف اتصرف معها المشكله تستغفلني وتصور وان تكلمت طلعت الشينه نبهتها اني مانعه ماش ماعجبهم الوضع وعطوني نظرة فولاذيه الله يعيني ويعينك يارب
    الله يعين عليهن









    اولا عمتي بس تراها صغيره اكبر مني بخمس سنين
    انا محسنه التعامل معهم مو حب فيهم الا اتقاء لشرهم امي تطلقت بسببها مرتين حسبي الله عليها
    لاتقولين لاتسوين شي يزعلها هي وجدك انتي ماتعرفينهم ولاعشتي معهم ولااحب اقول وش جانا منهم



    انا طارحه مشكله الصور كيف اتعامل معها واخليها توقف تنزيل الصور
    عندها عيال اخوها الثاني اللي تحبهم ليش مانزلت ولا صوره له؟؟؟؟








    ردك حلو وكنت بقول لها كذا بس عارفه وش بترد
    بتقول اخوك ينزل صوره بالانستقرام وتويتر
    ..
    اخواني الثانين يحطون صورهم بس ماحطت الا هذا ( مع العلم انهم مايضيفون الا اصدقائهم عيال ) وهي منزله صورته كل اللي عندها بنات ومسوين لايكات ويعلقون ع الصوره
    وولد اخوها الغالي ولد الغاليه ينزل صوره بس ماتجرا تحط صورته تخاف من امه
    امي عشانه مسكينه كلن يتجرا عليها

تابعي تجارب أخرى من هذا القسم.