السلام عليكم ....
كيف اقوي شخصيتها اهي هاديه وخوافه ومستحيل ترد علي احد لو غلط عليها عمرها 10 سنوات ودي تكون لها شخصيتها تطلب مني وين نطلع او ايش تبغي من السوق كيف اتعامل معاها بالسوق ابيها تشتري اللي تبغي بس وراي وساكته وربي كانها شغاله ابيها فطينه وذكيه تنتبه لاخوانها انا اذا طلعت لاي مكان اخذ شغالتي لانها اذا قلت شوفي اخوانك تتعب بسرعه وبين علي وجها وتكسر خاطري مافيها عافيه مش شاده نفسها تحسينها نفس البنات النشيطه الشاطره السريعه لا جدا بارده كانها نعسانه تبي تنام فيها خمول ....
مدري اخليها واضغط عليها بعدين تتقوي مع الوقت ؟؟
وربي اشوف بنات شاطرات تلعب وعينها علي اخوها وياويل من يلمسه ما يهمها لو مره تاكلهم بلسانها ..:icon810:
ابغي نقاط اتبعها لتقويه شخصيتها ....ولاحظت بصراحه اللي بس طالعين برا سوق مطاعم حدايق يعني ما تجلس بيتها بناتها قووووووووويات ....
وللاسف مدينتي مافيها احد نعرفه الا جارتي وحده وبناتها يخرعون قويات ويضربون :06: وبناتي يحبونهم لان مافي احد يلعبون معاه ومع هذا متحملين ضربهم يقولون عادي المسامح كريم تضرب وتتعب مافي دفاع عن النفس:06:
شاركي في النقاش
سجلي الدخول لإضافة تعليق.
التعليقات
26- يمكن بنات جارتك صاقعات بنتك
صارت مسطوله وخوافه من كثر ماتنطق
خليها على راحتها كلها سنتين او ثلاث وتجيها العاده الشهريه وتسنع وتصير مره
الله يخليها لكم - لا تفهمينها انها ضعيفة
اعطيها اشياء خاصه لها زي ايبود و حطي لها حساب في منتديات أطفال بس برقابه أكيد
استشيريها بكل شي
امدحيها دايم قدام الناس
دايم سوي حوارات معها
اذا على خمول وغيره اكشفي عليها يمكن عندها فقر دم لان فقر الدم يسوي خوف
حاولي تطلعينها دايم . انتي نبهتيني على ان خروج البنات المتكرر يخليهم قويات وفعلا انا شايفه كذا .
يمكن انتي مو معطيتها مساحه من الحريه او دايم تسكتينها او تخصمينها .
الله يسهل لبنتك امورها ويحفظها - بنتك ماشاءالله كبيره وبتفهم اش تقولين لها انتي قوليلها تعلمي من بنات جارتك ينتبهون لبعض ويدارون بعض وبس لا تحسسينها انك مفضله بنات الجيران عليها يعني انتي حفزيها بالكلام وشجعيها ولما تكونون فالسوق مشيها جنبك وتشاوري معها سوي انك انتي تشاورينها فبلوزه لكي اول شي شاوريها فالالوان والي تختاره خذيه وامدحيها لما تلبسينه بتتشجع ومره على مره بتصير تبدي رأيها وبعدين قولي لها نبغى نتعشا طبعا وانتم فالمول قولي واش جاي فبالك يا عيوني سمعيها كلام حلو وان شاء الله مع الايام بتتقوى شخصيتها
- رفع
- بالنسبه للخمول والكسل لا تهملين هالنقططططه لازم تكشفين عليها
ويعملون لها تحاليل يمكن نقص فيتامينات أو نقص فيتامين د وهذا منتشر بهالوقت
ويسبب الخمول والكسل وممكن فقر الدم لا تتهاونين بفقر الدم لإن نقصه عن المعدل
الطبيعي له مضاعفات خطره ع الصحه ........
وحاولي إذا طلعتي للسوق تاخذين رايها بالشغلات إلي بتشترينها
وأصري تعرفين رأيها ...... إمدحيها وإثني عليها ولا تقارنينها بأحد
حاولي تقولين لها أي سالفه تخصك وأطلبي رايها قولي وش رايك وش أسوي
أبغاك تساعديني مو عارفه هالشي صح أو غلط
يعني نزلي تفكيرك لها وكلميها على قد سنها ما تتخيلين كيف يفرحون الأطفال
لما يحسسونهم أهلهم بأهميتهم وقيمة رأيهم
بعد فتره إذا إستشرتيها بشي قولي لها والله يا فلانه ماشاء الله عليك فعلا رااايك صحيح
ومن هالكلام إلي يزيد الثقه بالنفس
وقولي لها أنا أحمد ربي إنه رزقني فبنت مثلك تساعدني وتنتبه لأخوانها
مع الوقت بتحس بقيمتها وشوي شوي تتقوى شخصيتها
مواضيع مشابهة
تابعي تجارب أخرى من هذا القسم.