"" التجمع التاسع لاحلى حوامل التؤام ""

بنات مين من جده مش عارفه أتابع في اي مستشفى طبعا انا ما عندي تأمين يعني مستشفى خاص والحكومي صعب ما اقدر بليز دلوني زوجي يفضل الأطباء زوجة صاحبه كانت تراجع فيها وحتى ولادتها فيها بس انا خائفة علشان الحضانات والله كريم

مس بطرانة اخيرااا اقلقتينا عليك الموهم سلامتك دامك بخير الحمدلله

شكرا لكم طمنتوني 

روح امهم ماشاء الله الله يعينك يااااارب على الثلاثي متعب 

الدكتورة قالت لي جنسهم بنوتات وكل وحدة شكل لانهم بكيسين ما بينهم شبهه

وعطتني كالسيوم مع فيتامين دال وحديد وبستمر ان شاء الله على الفوليك والدوفاستون

ووزنهم وحده 92 جرام والثانية 90 جرام وبالاسبوع 15

السﻻم عليكم ورحمة الله
كيفكم ياصبايا والله يعينكم ويصبركم ... انا كنت متابعه لكم وولدت قبل شهر تقريبا الحمدلله وكنت في حاله صعبه لكن كنت اقرا ردود البنات واستفيد واتشجع والحمدلله ولدت بالسﻻمه والحين ابغى ارد الجميل واكتب لكم ايش صار معايا عشان تستفيدوا...
القصة تبدأ اني عندي اجهاضين سابقين اخرهم قبل سنه و6 شهور تقريبا وعندي ولد الله يحميه عنده 4 سنوات وكانت اﻻجهاضات غير معروفه السبب لكن مانقول اﻻ الحمدلله اخر اجهاض حسيت ان بعد عمليه التنظيف ان جسمي مو مزبوط الدوره متلخبطه واﻻﻻم غريبه وراجعت عند الدكتوره وكانت تقولي كل شي سليم لكن ماعجبني الكﻻم رحت ادور دكتور كويس ودلتني صحبتي الله يسعدها على دكتور استشاري ورحت عنده وسوالي نفس التحاليل  وكان كل شي سليم ولكن كان الدكتور غير مقتنع ﻻن التبويض كان ضعيف من غير سبب فكشف يوم على صدري وضغط بقوة وطلع حليب مع ان تحليل هرمون الحليب كان كويس واعطاني دوا حق الهرمون وجلست عليه شهرين بعدين تعدل كل شي الحمدلله وبدأ يراقب التبويض من غير منشطات وكان كويس واعطاني كلوميد وشربته شهر واحد بس وماصار حمل وخفت انا كمان من حكايه التوأم ﻻن حملي صعب بواحد كيف بأثنين وفي عيلتنا كثير يحملوا بتواءم فكنت خايفه وقلت للدكتور خﻻص ما ابغى منشط خليها على الله وبعد شهرين حملت وكنت لسى بتابع معاه ومن يوم ماحملت وانا حاسه نفسي مو طبيعيه تعب وارهاق ونبضات قلبي سريعه وفي الدوام بس معصبه ورحت للدكتور ولمن سوالي السونار صار يضحك وقالي انه في كيسين بس الثاني مرا صغير طبعا انا تفاجأت وقلت خﻻص ايش نقول غير الحمدلله . طبعا لغير اللي مايعرفوا ان حمل التوأم حمل حذر وصعب وفي احتماﻻت خطر على اﻻم  يعني طوال الحمل كنت خايفه على نفسي موعلى اﻻطفال بس طبعا مرا الحمل زي ما انتو تعانوا تعب  واجهاد ومع الشغل الله المستعان وقالي الدكتور ممكن نسوي عمليه ربط لكن في الشهر الثالث رفض يسويها وقال مانحتاج استمري على المثبتات وكانت تحاميل مره كل يوم الين الشهر التاسع وانا استخدمها .
كملت بعدين مع سحر مليودي في فقيه عشان التأمين وطبعا فتحت ملف في الوﻻدة واﻻطفال الحكومي عشان الطوارئ والحضانه ﻻسمح الله وفي الشهر الثامن انتفخت رجلي الشمال بالكامل وصرت ما اقدر امشي خفت ورحت الطوارئ وطبعا هما خافوا انها تكون بدايه جلطة ﻻن الرحم بيضغط على اﻻورده وكمان جسمي قبل الحمل نحيف ومع الحمل البطن صارت تضغط على القلب والرجل اليسار وكنت اسوي سونار على رجلي كل كم يوم عشان يراقبوها والحمدلله دخلت التاسع وانا ابكي من اﻻلم ماكنت قادره اكل لو انام او حتى اتحمم لوحدي وكنت افكر انا مو قادره امشى كيف حولد وكانت الدكتوره الله يجزاها خير تصبرني وتقولي تحملي عشان واحد من اﻻوﻻد وزنه اقل  وفي الشهر الثامن كان واحد فيهم معترض وقررت الدكتوره ان ﻻزم عمليه وكنت مره خايفه بس طمنتي على اﻻخر وانها سهله والله حيكون معاك ويوم العمليه جهزت نفسي ورحت والحمدلله كانت فعلا سهاله واول ماخرجوا النونو شفته وفرحت اني خلصت هذي التجربه على خير ...
اخواتي من باب اني احبكم وابغى افيدكم كتبت قصتي وارجو ربي انه يسهل لكل وحده فيكم وييسر لها امرها وترى كل شي باجره واذا كنت تتمنين الحمل بتوأم وربي ما اعطاك فﻻ تزعلي واعرفي ان ربي يعرف قدراتك فاعطاك على قدك ويمكن يحبك وجنبك ضرر انتي ما تعرفينه ودائما فكري في الناس المحرومين اللي نفسهم بولد الله ﻻيحرم احد من هذه النعمه واسألكم ان تدعوا ﻻبني بالشفاء  واي سؤال ان شاء الله ارد عليه .