مشكلتي غريبه من نوعها
السلام عليكم ورحمته الله وبركاته مشكلتي اني مااحب اهل زوجي اقصد امه بالذات وخواتي يعني اتقبلهم بعض الاحيان يمكن وحده تقول ماجبتي شي جديد اغلب الحريم مايحبون اهل ازوجهم بس الغريب بقصتي انهم طيبين معاي ماعمرهم تدخلوا بحياتي او بيتي او حتي بيني وبين زوجي والغريب بعد انا ساكنه فوقهم ومعاملتي معاهم حلو واسوي معاهم الغدا يعني مره عليه ومره عليهم واذا جاهم ضيوف نزلت عندهم اساعدهم واحيانا اقول لهم انا بسوي واذا واذا صار عندهم مناسبه يدي بيدي واذا ولدوا بناتها جيت عندهم واسوي لهم واهديهم بس مشكلتي مااحب اكلمهم مااحب حتي اسمع صوتهم بس يدوب اسوي غدا ونزل اتغدي معاهم وبسرعه اطلع لشقتي يقولون اي اجلسي ارفض بس كل هالاحساس بداخلي محد يدري عنه حتي امي وخواتي وزوجي بعد بس هالشي معذبني تصدقون اذا سافروا ارتاح نفسيا بس انا دايما احس ان اللي انا قاعده اسويه نقاق مع العلم ان كل هالاحساس بداخلي ماطلع عليه الا رب العالمين مدري ليه لي عندهم ثلاث سنوات عجزت اتقبلهم لو علي كيفي نقلت مع اهلي بنفس الديره اللي انا فيها لا حد يقول يمكن مسحوره لاني ولله الحمد اقول الاذكار واقرى القران واستمع لسوره البقره ولا يبدوا عليه اي علامه من علامات السحر وش الحل برايكم ولله حتي الدعا دعيت ان الله يحببني فيهم جزاكم الله خير ابغي حل بدون جرح للمشاعر