مشكلة بلوغ أبني<<أرجوا دخول صاحبات الخبره

انا لي ملاحظة ع اللبس 
السكيني وهالاشياء ي اختي ماتصلح للولد 
ولاتستشورين له خلي شعره ع طبيعته بس احرصي انه يحلقه 
مجتمعنا يخوف ، صاير الولد ينجذب للولد ، وصار اذا الولد تعود ع اشياء مايسوونها الرجال خلاص يصير يميل انه يسوي حركات بنات وهكذا 
ي اختي العصبيه والنرفزه شيء طبيعي 
خلي ابوه يكلمه افضل ، 

مو لازم تكلمينه اخواني بلغوا ولا قالت لهم امي شيء ولد اختي بلغ ولا كلمته هو مو بنت تعلمينه كيف يلبس الفوطه
وبعدين شيء طبيعي انه بيمارس العاده

حاسة بوضعك لاني جربته وكنت شاااايلة هم .. بس الحمدلله عدت على خير
انتي محتارة كيف تتكلمي معاه عن موضوع البلوغ .. تبغي نصيحتي؟؟
انتي لاتكلميه في شي .. دورك في شغلات ثانية ماشاء الله من خلال كلامك لقيتك واعية لها وماشية تمام
خلي ابوه يكلمه .. ولايفتح له سيرة انت صرت رجال ويستخدم كلمة بلوغ وصوتك خشن ويحرجه
فيه نقطة هي فقط اللي مفروض يكلمه فيها وماراح يلاقي صعوبة
ناحية الغسل عشان الطهارة .. ومن غير مايوضح له ..
مجرد تلميح وهو بيفهم السبب وعلاقة الاشياء الجديدة اللي بدأت تصير معاه بالغسل ..
اهم شي يفهم انه شي ضروري والصلاة ماتجوز لو صار معاه شي وما اغتسل
واتركي الباقي للوقت .. بيكتشف نفسه بنفسه وبتتغير اهتماماته وتتبدل وبيجننكم كل يوم له طلعة جديدة عادي جدا
بالنسبة للبس .. طبيعي يبدأ يرفض اختياراتك في لبسه وشعره
انا كنت في معارك مع اولادي على قص الشعر ابغاهم يقصوه وهم يبغوا يطولوه
قلت اوكي في الاجازة سوي اللي تبغاه .. تجي المدرسة تعدلك غصبا عنك
طول الشعر وصار حفلة .. يخليه على قولك ملولو بس احيانا يشتاق للترتيب ويطلب السشوار وانا اسشور
بعدين عشان مايتعودوا اني اتفضى لهم واسشور
قلت.. حبايبي ..!! اللي يبغى الشعر الطويل يتعلم يسشور بنفسه
مابقعد اتفضى لكم اسشور واعدل .. بكيفكم علموا نفسكم ..
وطنشتهم وانا مرارتي مفقوعة من مناظرهم
شوية شوية من نفسهم صاروا يتضايقوا من شعورهم منكوشة فصاروا يروحوا للحلاق من غير مناحلة قلب ولا نكد
انتي اتركيه يجرب ويقرر ويختار من نفسه لبسه وشعره واعطيه رأيك بدون أوامر وتهزيء
لمن تهزئي وتنتقدي اي شي يسويه يصير يسويه عناد حتى لو اقتنع برأيك
مساحة من الحرية في الاشياء البسيطة اللي مافيها ضرر ترى شي مفيد ويقوي شخصية الولد ويخليه يتعلم يقرر بعد مايفكر
ماينتظر احد يملي عليه ايش لازم يسوي ومتى وكيف
بالنسبة لخوفك من ممارسة العادة السرية .. حتى لو كان يمارسها انتي ماراح تعرفي
ليش سموها سرية ؟؟ لانها في السر ومايدري عنها الا صاحب الشأن
خلي ابوه يفهمه بطريق غير مباشر انها شي مو طيب وله اضرار كبيرة
ولازم يقوي نفسه ويمارس الرياضة عشان جسمه يصير حلو ..
الرياضة تهد حيله ويرجع تعبان مافيه حيل لا جسديا ولا فكريا من هذي الناحية ..
عندك مقاطع في اليوتيوب عن هذي المواضيع من ضمنها حلقة جدا رااائعة من برنامج ومحياي للدكتور وليد فتيحي عن الافلام الاباحية وضررها .. انصحك تتابعيها انتي وابوه
هي عموما موجهه للشباب بشكل خاص يعني ممكن ابوه يرسلها له بي سي على جواله يتابعها لوحده ويفهمها .. احنا سوينا كذا وشافوها ووصلتهم الفكرة وخلاص
هذي الحلقة ...
فيديو YouTube
ربي يخلي لك جنة وغالي ويبلغك فيهم ويسعدهم : )

الله يعين مريت بتجربتك و حاولت ف أبوه يعلمه يقول هو بيتعلم و المناهج ما خلت شي. المهم ف يوم جاني يقول لي إنه شاف ع نفسه شي لما صحي من النوم و مو عارف إيش هو و الله لقيت ربي معطيني جرأة و بديت قلت له عادي لأنك كبرت و لازم إذا شفت الشي ذا تغتسل و علمته صفة الغسل و أنت مكلف و محاسب أمام الله و لازم تحافظ ع نفسك و حتى ظهور الشعر و تنظيفه كلمته عنه بس كشكلتي صراحة خايفة من موضوع العادة من كثر ما أقرأ ف ذا المنتدى و شكاوي الأخوات. و خايفة أفتح معاه الموضوع و أنبهه لشيء هو غافل عنه و الله ما أدري شو العمل بس ما أقول غير الله يهديهم و يكفيهم شر أنفسهم و شر خلقه. ع فكرة وحده الله يسعدها قالت لي مرة إنها نبهت أولادها ( لا تلعبون ف أنفسكم بكرة بنات الناس يفضحون بكم في المحاكم يبغون رجال بمعنى الكلمة) بس أولادها كبار ف سن الجامعة،، 

سبحان الله نفس مشكلتي أنا بكثرة الحياء ما تكلمت في هذا الموضوع معهم

لكن جبتلهم كتيبات على البلوغ و عن الآفات التي يقوم بها المراهقون في هذا الوقت و يندمون بعدها حاولي تجيبين كتب و خليهم يقرأ وها أنا قراؤها و زال همي هههههههه و أحيانا ما يفهم فهناك قمة الأحراج لكن أفهمهم لأنهم هم اللي سألوني
والله أحيانا التهرب من الجواب لكن ابني يقولي هاذ سهلة كيف متعرفيها هههههه يعني عارف و يستهبل و في المدرسة يعلمونهم و أنا أحاول إدراج نمادج من صحابة رسول الله و تحفزه انه يحبهم و يكون مثلهم في لباسهم و شعرهم و كل شيء و عدم التشبه بالكفار في اللبس و،،،،،،،وأنا بردو في غربة ،،،أختي لا تنسي الغسل و أحكامه كي لا تضيع صلاتهم و دمت سالمة