♡صباح الرضا والسرور دبدوبه وسمراء والجميع♡
الجمارك مو تصادر لكن تفرض عليك رسوم إن كانت الكميات اللي تطلبيها كبيره مرة هذا اللي أعرفه إلا إذا كان فيها مخالفه زي رسومات جماجم ومعتقدات دينيه أو صور غير لائقه أو بضايع ممنوعه لكن إن كانت سليمه بس كثيييييره فيفرضون عليها رسوم.
مرة صارت لي أني جبت لمحل تجاري بضاعة فلأول مرة وققفوها ودقوا على زوجي بحكم أن البضاعه بإسمه وقالوا أنها كمية تجاريه فقال إني طالبها لمحل قالوا علشان تتفادى هالمشكله إذا طلبت لمحل تطلبها بإسم صاحب المحل ﻷن له سجل تجاري فتضمن ماتطالب بشي..وع فكرة تراها دخلت بدون أي مشاكل ووصلت المكتب الفرعي وهم اللي دققوا يعني تقدرين تقولين مسكت مع ذاك الموظف وإلا دايما تمر بسلام بس أنتي ماأعتقد أنك تبي تطلبي بكميات محل تجاري وإذا كانت من كذا بائع يعني تبي تجي كميات مو كبيرة لأن كل بائع يشحنها لوحدها وتقدري تدقي على مكتب البريد اللي تبعكم وتسأليه عن الكميات المسموح بها.
♡وبالمناسبة هذي فكرة حلوة♡
أنك تتعاملي مع محل تجاري كنت أظن أن أصحاب المحلات لهم موردين ولايمكن يشتروا من غيرهم فقلت أبجرب وصلحت كرت صغير فيه رقم التواصل وأننا نستورد بأسعار مغرية ووزعته على محلات الأطفال لأن أنا هذا مجالي وجتني طلبات وصار لي عملاء منهم والأرباح منهم حلوه بس أهم شي ماتكوني طماعه لأن هم لهم موردين وماراح يطلبوا منك إلا إذا أغراهم السعر مثلا قطعه تطلع علي ب30ونص أنا أجيبها ب31 يعني ربح ماينذكر بس لأن المحلات طلبياتهم كثيرة يصل ربحي أحيانا 1000ريال بالطلبيه الوحده وخاصة بأكسسوارات الشعر والقبعات وكذا .
بالنسبة للجودة مثل ماقلت لك بأول رد هذي تعتمد على تقيم البائع علشان كذا قلت لك مهما أعجبتك بضاعة وتقيم صاحبها أقل من 98%
لاتشتريها أبدا أبدا وراح تلقين تعليق الناس اللي أشتروا منه على بضاعته وراح تستفيدي منها كثير...وعلشان تعرفي الطريقة الصحيحة للإختيار تشوفي إذا لقيتي تقيمه 100% لكن عدد مرات العمليات اللي قام فيها مثلا 50 هذا مو دليل على جودته وأمانته لأن عملياته أصلا قليله لكن مثلا لقيتي بائع تقيمه98%وعدد مرات العمليات اللي قام فيها 3000 ااو 2000 هذا تعاملي معه بكل راحة لأنه راح يكون ثقة بإذن الله♡
وربي يفتحها لك ولكل أخواتي المسلمات ويجعل التوفيق والرضا والسعاده
هي دربنا♡
للتاجرات وذوات الخبره ..الله يفتحها بوجهكم افيدوني
متابعة النقاش، صفحة 7