وش السوات في عباطة ذا الزوج

شكرا يا غاليتي
واضح انك تنصحين من قلب
نصيحة اخت لاخت
لكن اختكم في الله صحتها لا تسمح لها بالوقوف الطويل ولا بالجهد
ياليت اذا احد عنده اجابه بخصوص فيزة الهند يفيدنا

شوفي حبيبتي اول شي تسوينه ارجعي بيتك و الشهرين اذا زادت معناها راح تلقين الدنيا مقلوبة اكثر و اكثر
2- عليك بالاستغفار و في اعتقد قول سبحان الله و الحمدلله والله اكبر واردة عن النبي بدل الخادم
3- اذا عند اهلك شغالة خذيها يومين وادفعي لها معليش هين قرشك ولا تهين نفسك
4- الزبالة يازوجك ياولدك الا في خامس خليه يكبها حاولي ماتخلينها لين تمتلي
5- الحمامات بعد ترويش البزران ادخلي انتي وتروشي و اغسليها مرة وحدة
6- المواعين اول باول لا تكثرن صحون و تحوسين الدنيا
7- الطبخ : اذا دخلتي المطبخ حاولي تسوين شي يتفرزن بحيث انه يفك ازمة شي ع السريع حتى لو اضطريتي انك تهملين يوم كامل او حتى وانتي الان ببيت اهلك قطعي خيشة بصل وفرزنيها اول مايجيب لحم اسلقي وحطي في الفريزر
سوي ادام حق اسبوع بلا خضار وتصرفي فيه مو لازم كل شي طازه عاد اكل المطاعم هو اللي طازه
8- ممكن تستفيدين من وحدة من اخواتك تساعدك ومشي حالها بقرشين ادهن السير يسير
9- لو اهملتي نفسك و مظهرك في البداية مو مشكلة بس لا تطولين ع الحال هذا
10 - اغلب الشغل خليه بعد دوام الاطفال ووجودهم في المدرسة مو تنامين تقولين سهرانة طول الليل فرصة مافي احد ينق على راسك والرجال مداوم
11- خلي جلستكم بمكان واحد وبلتالي البيت مايتوسخ
الغسيل خليه الصبح او اخر الليل تسحبي واغسلي شوي مو 24 ساعة مقابلة الرجال فكي عنه شوي يلحقك و طنشيه لا تتشكين مرة ماكأنه موجود
12- تذكري ان الشغالات وراهم مشاااااكل لليل و شغل البيت راح يحافظ على رشاقتك
ودمتي بود

الله يسهل امرك

ما ضاقت الا فرجت
الله يسهلها عليكي و على الجميع يارب

فلوس الشغالة حطيها في غسالة ملابس ومواعين اتوماتيك تساعدك وماتنحاش ..
للأسف الشغالات هالحين مو مضمونات .. يعني ممكن تدفعين دم قلبك مرة ثانية وتنحاش ..
الغسالات الاتوماتيك بتعينك كثير من تجربة ..
قفلي المجالس وخلي جلستكم في مكان واحد الصالة أو غرفة القعدة بحيث تكون الحوسة كلها فيها ..
الزيالة ولدك يرميها ولاتخلينها في كيس كبير .. كيس صغير يطلعه مرتين في اليوم ,,
الحوش خلي عيالك يكنسونه .. وكافئيهم عليها بشيء .. وإذا ممكن يكنسون بدون مقابل يكون أفضل ..
وغسيل الحوش مو دايم..مرة في الشهر أو الشهرين ويمكن أكثر .

الشكوى لله حاولي تمشين امورك ولا هو لازم كلش يتم في يوم واحد .