زوجي مايكلمني ولا يرا في جهي ولايعاشرني

الله يفرج همك
روحي الى ربك

اذا كان الوضع هذا جديد عليكم .. يعني كانت معاملته معاكي طبيعية وطيبة .. وفجأة تغير !!
معناته أغلب الظن الحكاية فيها سحر .. وسحر لك وله .. مو لك لوحدك ولا له لوحده
اصلا والله قبل ما اوصل لاخر كلامك قاعدة اقرا وصفك للوضع قلت بيني وبين نفسي شكلهم مسحورين!!
وصلت لاخر كلامك لقيتك جايبة سيرته
زي ماقلت لك .. لو اللي صاير هذا بينكم شي جديد وماكان موجود زمان .. ممكن جدا يكون سحر
واذا من زمان طبعه كذا وانتي طفح معاكي الكيل بعد هذي السنين ..هذا شي ثاني
اتوقع السحر معمول له انه يكرهك ولايقدر يفارقك .. مو معقولة كارهك لهذي الدرجة وماقرر يطلقك .. صح ؟
معناته اللي فيه سحر من احد يبغى حياتكم تستمر بس بعذاب
وانتي اللي اتعمل لك العكس برضه بنفس الاسلوب ..
تتعذبي في محاولاتك انك ترجعيه ومنتي قادرة تطلبي الطلاق منه ومستحملة وضع لو صار مع غيرك مهما كانت صبورة ماراح تستحمله
انتو الاثنين مربوطين مكانكم ماتقدروا تغيروا وضعكم نهائيا
والدليل انك تحاولي تكلميه وتقربي منه وهو رافض منك اي شي .. ومخلي تواصله معاكي عن طريق الاولاد
الحل بيدك يابنت الناس
جيبي ملح خشن ووزعيه في اركان بيتك في كل ركن حطي كمية قد نص كف يدك او اكثر شوية
وخذي كاسة مويه واقرأي عليها سورة البقرة كاملة وايات السحر بكل انواعه
وفرغي الكاسة هذي في جيك موية كبير
عبي منه في بخاخ موية ورشي على باب بيتكم والاثاث وسرير غرفتك وثيابه المعلقة في الدولاب واللي على الشماعة وانتي بالمثل
وياريت لو تقدري ترشي على زوجك وعلى نفسك ولبسك وعلى اولادك .. امشي وبخبخي في البيت كله
وحطي منها كمان مع موية الشرب وحتى في طبيخك
كل ماقربت تخلص زودي عليها لاتخلي الجيك يفضى ابدا دايما زودي عليه
واقرأي سورة البقرة كل يوم بصوت مسموع .. مو مرتفع .. عادي يعني كأنك تكلمي احد جنبك بشويش
ولو تقدري تقرأيها في الغرفة اللي ينام فيها وقت غيابه يكون احسن ورشي من المويه المقري عليها مكان ماينام
بتاخذي وقت طويل شوية بس لاتيأسي .. وداومي على صلاة الليل وتحسبي على كل من اراد بكم شر
وعليكي بالدعاء ان ربي يرد لك زوجك ويوريكي ثأرك في اللي ضركم وخرب حياتكم
الله يجعله ينشغل بنفسه ويدخل في مصايب مايخرج منها لين ربي ياخذ أجله
ربي يكون في عونك ياحبيبتي ويفتح لك في قلب زوجك ويرده ويسخره لك يارب ...

عفوا نزل ردي مرتين ..

الله يهديه ويسخره

الدعاااااء من طلب اللــــــه ما خاب