بنات الي حملت اطفالها ورى بعض على طول تدخل تفيدنا

رب لا تذرني فردا وأنت خير الوارثين

دعواتكم

صحتين وعافية الله يرزقك ويرزق كل محرومه..أنا حملت ع ولدي وعمره ثمانية شهور والحين انا في السادس ..الله يقدرني على تربيتهم التربية الصالحة..

لا يختي احس موت صعب ورا بعض ماتتهنى بحياتها وطول وقتها تعبانه وعصبيه والزوج يطفش
انا على ان بين الطفل الاول والثاني ثلاث سنوات بس تعبت والله عشان كذا طولت بالحمل الثالث خمس سنوات 

|انا لسة بكرية و عني افكر على الاقل بين كل واحد 4 سنوات لسبب من ناحية اخرى

انا امي حملت باختي لما كان عمري 8 شهور و تربينا مع بعض و كنا مثل التوائم و درسنا الجامعة مع بعض و هذا الي ما كنت احبه بصراحة ..

كان نفسي يكون لي غرفتي لحالي و العابي لحالي و اروح عند صاحباتي لحالي

اي شي يقولولي انتي الكبيرة و خذي اختك معاكي

اختي مررة حبوبة و انا مرة احبها و ما عمري غرت منها و لا غارت مني و الا اهلي قارنوا بينا او فضلوا وحدة على الثانية بس انا من صغري احب الخصوصية سبحان الله ما احب البس انا و هي نفس اللبس او تجينا نفس الالعاب و كذا

الثالثة بعدي ب 7 سنوات طبعا كان كل شي لها لحالها و كذا مثل ما انا كنت اتمنى بس الفرق بيننا انه هي كانت تبي احد قدها تلعب معاه و تتونس معاه و تجي تقعد معانا و كذا و نفس الشي الصغير بيني و بينه 17 سنة للحين يقولي تعالي عندنا نتسلى سوا هو 10 سنوات عمره و لحاله عند امي احنا الي تزوجت و الي تشتغل و الي تدرس في بلد ثانية

سبحان الله النفسيات تختلف .. عشان ما اطلع عن الموضوع - الافضل احس انه كل طفل ياخذ حقه و خصوصيته و يستمتع بها قبل ما يجي اخ يشاركه يعني ما يكون وحيد مرررة فترة طويلة بينه و بين الثاني و لا ينحرم الخصوصية بفرق بسيط بينهم

وبالنسبة للتجربة امي قالت انه مررة تعب و خاصة اذا الوحدة موظفة و الاطفال من النوع الحرك بيسووا عليكي عصابة ههه بس بترتاحين لقدام كثير لانه نومهم واكلهم و احتياجاتهم سوا ويروحوا المدرسة سوا و يناموا بنفس الموعد يعني اولها تعب و بعدين راحة مو مثل الي كل شوي مبتلشة هاذا بيرضع و هذا مدرسة وهذا جامعة و كذا

انا جبت ولدي وبنتي وراء بعض والله تعب في النوم وفي تتغيير الملابس والحفاظ وفي الحليب وكل شي حتئ صرت ماعاد اطلع لين كبرو شوي واللحين ماشاء الله بنتي بتكمل ثلاث وولدي كمل اربع وافكر ان شاء الله بالحمل قريب باذن الله