عالية كلامك صحيح القزاز افضل و انظف و ما تتفاعل مع السخونة مثل البلاستك بس البلاستك أءمن اذا طاحت لا سمح الله و هذه ممكن حلها بالجلسة على السرير او على الارض وفيه موكيت يحميها
اهلا فلسطين ايه حبيبتي ان شاء الله نوينا على اسم راكان بس اي حدا بيسالني من صاحباتي بقلهن لسة مافي اسم معين عشان ما ادخل في مناقشات ما الها داعي من انه الاسم حلو او مو حلو لانه هاد شي مقررينوا و خالصين منه و انا بصير اعصب هههه
دانييلا حبيبتي سمي الي انتي و زوجك عاجبكم انا بصراحة ما مر علي ولاد صغار و حبيتهم نهائيا بحب البنات اكثر بكتير من الاولاد ما عدا اتنين اخوي الصغير رامي و ابن جيرانا زمان كان اسمه راكان و كان كتير اموور و ما شاء الله وجهه مرسوم رسم و هني الله يحفظه فلما عرفت اني حامل بولد قلت مافيها غر راكان و استثنيت اسم عبد الرحمن بس عشان ما اصير ام العبد ههه.. لما اقترحت الاسم زوجي كتييير عجبه و قامت حماتي قالت انا ما بحب هالاسم طبعا انا حسيت دمي فار براسي و صرت بدي جكر سميه راكان لانه ابني شو دخلها عجبها و الا ما عجبها !! المهم حكيت لماما الاسم و عجبها و عجب الكل من ناحية اهلي و اهله الا فترة شي شهر و بدا كل واحد يتفلسفلي من جهة هاي تؤلي سمي مالك و هاي تؤلي يامن و امي تقولي كريم و بدا الهبل بتعرفي انا عادي بحب اسمع اقتراحات كتيير و بفكر فيها بس لما تيجي اختي تقولي و الله شو ما سميتيه رح اناديله فادي و صاحبتها تقولي اه انا كمان رح اناديله مالك و سلفي يقولي شو ماكان اسمه هو عندي حموده ايه زادوها كثير ! حتى مرة اضطريت افتح صوتي فيهم جميعا انه هاد ابني على فكرة بسميه الي بعجبني لو سميته عقلة ماحدا اله عندي لما تخلفوا سموا شو مابدكم اما انا الموضوع عندي منتهي ولو رجع انفتح رح تكون ردة فعلي جدا عنيفة ! ايه بوقتها ضبوا حالهم و اقتنعوا هههه
ايه فإنتي حتى لو ما عجب حدا لا من اهلك و لا من اهله المهم انتي و زوجك يعجبكم انتي الي رح تحملي اسم ام فلان مو هن و بعدين هم شو فارق عليهن ؟! رح يتعودوا مع الوقت بس انتي و الاسم الي رح تلزقوا في بعض طول العمر ! بنت حماي هيك سمت بنتها اليانا ماكان في حدا ف الاردن عاجبه هههه ايه و اتتعودوا عليه و اياها صارت 4 سنين و ابوها طبعا بنادولوا ابو اليانا و عادي مبسوطين
☆♡ التجمع السابع عشر لمواليد الشتاء ◆نوفمبر11◆ديسمبر12♥☆
متابعة النقاش، صفحة 389