:humm: السلام عليكم ورحمة الله وبركاتة
يابنات والله تعبت من ابني عمره 3 سنوات متعلق فيني بشكل فضيييع الله يكرمكم حتى لو اقوم لدورة المياة لحقني ووقف عند الباب مره مره تعبت حتى ابوه يتضايق منه للمعلوميه عنده اخوان اكبر منه واصغر بس هو غير حتى لما اجلس لازم جنبي لما اقوم اي مكان لازم يقوم يحضر قبل على الباب وقت النوم يجلس عند الباب يبكي الين ينام لان ماادخله غرفتي حاولت اخليه يتاقلم مع اخوانه مو راضي اعطيه حلاو واقوله اجلس عند تي في برضوا مو راضي بلييييز بنات اللي لها خلفيه تسعفنننني لاني تعبت معه
شاركي في النقاش
سجلي الدخول لإضافة تعليق.
التعليقات
48- يمكن يخاف تروحين وتتركينه تذكري يمكن مرة رحتي وخليتيه عند أحد أو ان فيه احد يتحرش فيه انتبهي عليه واقري عليه الاذكار
- بالعكس حلو انو يكون متعلق فيك
ولدك اتحمليه وشوي شوي هو من نفسه بيبعد عنك لانه اصلا بيحس انه مو مرغوب <<وتحملي عاد
ترا رفضك له بيدمره حاولي تسايرينه وتعطيه حنان - ماشاء الله عليه طيب كذا احسن بعض العيال الله يهديهم لاراحوا امهاتهم بيوت الناس يطفشوووووهم طالعين نازلين
لكن انتيحاولي تلعبيه وتشغليه بالتلفزيون او اي شي ترى بيبهذلك اذا عندك ضيوف وعشاء - يابنااات مو مسالة اتركه بس تعلقه فيني بشكل مو طبيعي حتى لما اخذ شاور ابي ابدل مستحيل يخليني ابدل بروحي يعني اصك باب علي وهو موجود مستحيييل لدرجه صار يكره ابوه اذا قرب مني يحقد عليه ماني عارفه ليه وانا ماعندي احد في بيتي بالنسبه للتحرش واولادي تحت نظري دائم بس هذا الولد غريبه حالته والله يابنات بعض الاحيان ابكي من كثر تعلقه فيني ابي انظف اشتغل مو قادره لازم معيي يحوس اشوف اطفال ماشاء الله دائم على تي في وهاديين الا انا تعبت اعلمه واعوده مو قادره
- الله يعينك والله ولد اختي زي كذا معذبها .. مالك الا انك تصبري وحاولي تجيبين له شيء يشغله اذا بتسوين شغله الاجهزه مثل الايبود بيشغله عنك صدقيني.. ربي يعينك ويلهمك الصبر
مواضيع مشابهة
تابعي تجارب أخرى من هذا القسم.