خرافات النفاس وخرابيط الدورة ومصطلحات مويات والصوت متى بتنقرض

اتفق معاك بالمبالغه واستخدام الأعشاب بطرق عشوائيه وخاطئه ...
اما باقي الكلام غير صحيح وتقليل من شأن الأعشاب ... ليش ماكانت امرض النسا منتشره في ذاك الزمان زي الحين ؟؟ ليش اذا رحتي لدكتوره اتطيبين وبعدين ترجع نفس الحاله وترجعين للدكتوره ؟؟؟ حريم زمان ما عندهم زي مشاكل الحين
لأنهم كانو يهتمون بنفسهم زين وقت النفاس وقت الدوره ....
وانتي جايه اتخربين البنات واتقولين لهم كلو عادي واكلي اللي تبين وسوي اللي تبين .... حرام عليك فيه بنات ما عندهم عجايز يعلمونهم وهالأشياء اذا ما اهتموا فيها بتوصلينهم اخر الطريق للمستشفى...
الله يهديك .... هذا ورث ثمين ما اتقدره اللي اتعرف قيمته ..
وكل المصطلحات اللي قلتيها تراها موجوده بكثره بسبب عدم تطبيق نصايح الكبيرات في السن واهل الخبره في هالمجال

موضوع أحشاء الذبيحه

قصدها الكرش والكلاوي واحياناً الراس
عادي كل هالاشياء تنوكل
المهم انها تنطبخ عادي وينحط معها اعشاب مثل ( كمون ، حلبه ، حبه سودا)
وطريقة التبخر انها تحطها وتتغطى ببطانيه
وتجلس عادي وتاكل منها ( مو تتبخر من تحت لا )
وبعدها تشيل الصحن وتتغطى وترتاح تنام ..

يمكن كثير يستغربون هذي الطريقه
لكن بالفعل اثبتت فعاليتها ..

الف شكر لك يا اختي الكريمة على التوضيح و فعلا هالموضوع جدا جدا يهمني

و مثل ما قلت من قبل المهم في العشبة نعرف كيف نستعملها و متى نستعملها مو نخبص الدنيا و نحسب انها سحر رح ينفعنا بدون دراستها الصحيحة .. مثل الي تاكل الاخضر و اليابس و تشرب شاي اخضر و الا خل و تقول بنحفني ! هنا نقطة الخلاف و هذا الي تحاول د. مشمش انها تقوله

جزاك الله خير

صادقه والله 

حتى أنا استغرب من بعض الردود والمواضيع 

احس فيها مبالغه مو طبيعيه 

لدرجة مره قاعده اقرأ موضوع لوحده تقول فيه إذا كنتي بالنفاس حطي مناكير على اظافر يدينك ورجلينك عشان مايدخلك هواء !! 

صدقيني إلى الآن افكر وش علاقة الظفر والمناكير  بدخول الهواء ؟؟!!

صادقه اختي اولا الاجنبيات ماتدرون هم وساع ولاضيقات علشان تقولون شوفوهم ماضرهم
ثانيا انا مره شفت برنامج اوبرا كانت تتكلم عن هجر الزوج لزوجته بعد الولاده والنفور منها
ثالثا هم ماعندهم حرام وحلال والخيانه منتشره للنساء والرجال وعندهم اماكن غير المهبل يمارسون معها


صاحبة الموضوع اختلف معك في بعض الشغلات
الرطوبه والاصوات ماتروح بالعلاج واسالي مجرب ولاتسالين طبيب
بعد نفاسي الاول جاني رطوبه واصوات وكنت مااقتنع بخرابيط النفاس وكنت مااشتهي ولااكل كثير بس معتمده ع الفيتامينات
ورحت لطبيبه وعطتني علاجات وتحاميل وكل شي ولافادت
الرطوبه والاصوات ماراحت الا بعد اهتمامي بدورات متعدده

طبعا اتفق معك بالكبو والتحاميل مستحيل اسويها

الاعشاب مثل الحلبه والقرفه والكمون وقشر القهوه وبعض هالشغلات ضروريه جدا لتقوية المراءه بعد الولاده وللتنظيف


لكن كثرت الخرافات والخرابيط ارفضها وبشده