خالتي و..يآرب عونك =(

سسلام عليكم
بنات بقول لكم مشكلة خآلتي واتمنى منكم تدعون لهآ
يمكن فيكم من لا يرد الله له دعوه ..
خالتي مطلقه تطلقت مرتين عمرها تقريبا 48 وسبق ان رزقها الله من طليقها الثاني
بـ ولد وبنت
المشكله انها احيانا ماتصلي وشكاكه وتتوهم بـاشياء ماصارت وتصدقها
مثلا قبل فتره تقول لعيالها ان ام عبدالعزيز *والدتي* هي سبب طلاقي
والشاهد الله ان امي مالها دخل بشي .
وانسانه ماتنتعاشر تسبك ب اسوءالالفاظ وبعد يومين تجيك ولا كانها اللي امس سبتك ومسحت فيك الارض
وعيالها يكرهونا كره الموت خصوصا الولد
مو بس حنا حتى خوالهم الباقين وغير كذا تعيش اكرمكم الله في كومة زباله
لدرجة ان المواعين تجلس ب الشهور ماتغسلت والقدور نلقا فيها بقايا اكل مليان دود ومحتفظه بحفايظ اولادها لما كانو صغار الولد الحين عمره 10
وامي ماتتركها كل فتره تكلمها وتشوف وش ناقصها ووش ناقص عيالها ومع هذا تشوفنا اعداء ولو نعطيها عيوننا ماتعتبرنا سوينا شي
وبنتها كبيره وماتصلي ولا تصوم وانا والله ماتركتها مسكتها وعلمتها بس مافي فايده
اقول حرام انتي كبيره تحاسبين قالت امها بنتي مابلغت والبنت واضح عليها كل علامات البلوغ
وولدها لما يجي والله حتى مايبتسم واحس عيونه شوي وتطلع من مكانها من كثر الحقد والكره
مافيه براءه زي باقي الاطفال ومايتروشون وولا يتنظفون وحياتهم الله العالم فيها
وترى سبق ووديناها لكذا شيخ وكلهم قالو نفس الكلام مسحوره وكمان وديناها لدكتور نفسي واعطاها علاج
وتحسنت حالتها بنسبه بسيطه جدا

عموما اتمنى منكم تدعون لها ب ان الله يشفيها ويشفي مرضى المسلمين اجمعين .