شاركي في النقاش

سجلي الدخول لإضافة تعليق.

التعليقات

70

  1. @aml_2013

    صاحبة الموضوع
    ياهلا ومرحبا بأخواتي وزميلاتي مرشحات ينبع

    باقي مافتح معي حجز المقابلة .. بحاول على العصر كمان والله يوفق للخير


    ولو إني أتمنى يأخرون المقابلة شوي .. عشان نلحق نجهز أمورنا


    وبسألكم أخواتي


    بالنسبة للكشف الطبي .. لازم نعمله في ينبع ؟ والا ممكن نطبعه من النت ونعمله في نفس مدينتنا ؟


    كمان نفسي أعرف ..


    فيه وقت بين المقابلة والمباشرة ؟ يعني نعمل المقابلة ونرجع مدينتنا والا على طول نباشر ؟


    ياليت اللي تعرف خبر ترد علينا عشان نجهز امورنا ..




    وبالنسبة للسكن .. بحثت كثير في ينبع للاسف مافيه الا خيارين


    الاول سكن في شقق مفروشة وهذا مايمدحونه ..


    والثاني اجتماع مجموعة من المعلمات واستئجار شقة مناسبة في وسط البلد وقريبة من الخدمات بواسطة مكتب عقار .. وهذا الافضل


    والتعاقد مع سائق للطلبات والمشاوير داخل البلد ..



    طبعا مرشحات ينبع كثير .. مانعرف القرى ولا المواقع للمدرسة اللي بناء عليه يتحدد موقع السكن



    فلو استطعنا الاجتماع في قروب واتس .. لكان أسرع في التواصل .. ومن الممكن تتعرف كل معلمة على زميلاتها في نفس القرية أو


    حتى القريبات في القرى .. ويكون السكن في شقة واحدة .. أو عمارة كاملة بشققها وملحقها تستأجر للمعلمات ..




    حاولوا تفكروا معي وتبحثوا عن زميلاتنا المرشحات الباقيات حتى نستقر مع بعضنا ونتعاون والله معنا .


    لأن المباشرة قريبة فلابد تجهز امورنا وتستقر احوالنا حتى نتفرغ للعمل وتهدا نفوسنا ..




    بانتظاركم اخواتي

  2. @thby_gnoby_2

    هلا يا غاليات أنا مرشحة في ينبع و اصلا لي 4 سنوات انتقلت لعش الزوجية و زوجي يشتغل في ينبع الصناعية و الحمد لله بعد عشر سنوات انتظار جات الوظيفة في ينبع و يارب تجيني في ينبع الصناعية و الله يوفق الجميع صح انا مو من اهل ينبع بس باذن الله أقدر اساعدكم بمساعدة زوجي باللي حابين تسألوا عنه كمان في منتدى ينبع الصناعية تلاقوا فيه معلومات عن ينبع انا تخصصي مكتبات
    و مواعيد المقابلة زي ما قالت الأخت أمل لسى ما فتح
    اللي حابة تتواصل معاي على راسي أتشرف فيها و الله يسهل لنا اجراءاتنا كلها و يسهلنا المدارس الطيبة و الدارة و الزميلات المتعاونات الطيبات

  3. @dody_am_aazozy

    أنا مرشحة في ينبع وتخصصي تغذية من جدة ولسا مافتح الموعد معايا ومحتارة في أمر السكن والمواصلات والله يستر
    أنا اؤيد أخت أمل بخصوص انو نسوي قروب بالواتساب أسهل وافضل وأي وحده عندها معلومة تكتبها مشكوووورة

  4. @am_ghla_albdry

    دودي ام عزوزي
    أنا مرشحة في ينبع وتخصصي تغذية من جدة ولسا مافتح الموعد معايا ومحتارة في أمر السكن والمواصلات والله يستر أنا اؤيد أخت أمل بخصوص انو نسوي قروب بالواتساب أسهل وافضل وأي وحده عندها معلومة تكتبها مشكوووورة
    انا كمان مرشحه في ينبع ومافتح معاي الى الان

تابعي تجارب أخرى من هذا القسم.