حبيبتي .. دخلت على ملفك وشفت كم موضوع من مواضيعك وفهمت منهم وضعك
زوجك كان يضربك ويقرصك على اسباب تافهة ويهينك ويجرحك
والمصيبة اللي رفعت ضغطي غلطه في ابوكي ورفضه للاعتذار ..
وكمان طلقك مرة بعد ماضربك
طلباتك مايلبيها بشكل طبيعي ويفتعل مشكلة من لاشيء ويعتبر الطلب أمر !!
من ضمن كلامك كمان عرفت انك كنتي ساكنة مع اهله
وكنتي مجبرة تستأذني امه لو بتروحي لاهلك في منطقة بعيدة
لسه الوضع مستمر ؟؟؟؟ اتوقع مستمر والله اعلم
ثاني شي علاقته ببنت عمه هذي عليها علامة استفهام وتعجب كبيرة !!!!!
طيب كان يحبها .. ليه ماتقدم لها وتزوجها من البداية قبل مايتزوجك ؟؟
والحقيرة كيف رضيت تكلمه وهي مخطوبة لواحد ثاني ؟؟؟
وهو كيف يقبل على نفسه يكلمها وهو عارف انها مخطوبة ؟؟؟؟
ماهي بنت من الشارع ... هذي بنت عمه !! عرضه وشرفه .. كيف كذااااا ؟؟؟؟
اسمعي يابنت الحلال .. انتي ادرى باطباع زوجك وشايفة تقلبات مزاجه معاكي
بصراحة وللأمانة .. لو انا مكانك ما كنت انتظرت واستمريت معاه لين اليوم بعد كل اللي سواه ..
انا اتكلم عن نفسي .. هذي قناعتي الشخصية ..
انا بعيش في الدنيا مرة وحدة .. ولي عمر واحد .. ماراح اضيع شبابي مع شخص مايحترمني
مجرد اهانته لي وضربه وجرأته على اهانته لأبوي
تخليني احط عليه علامة اكس قد الكرة الارضية واشطبه من حياتي
وكمان تجي فوق هذا كله الخيانة ؟؟ ومع مين ؟؟ مع بنت عمه ؟؟؟
فين الرجولة ؟؟ فين الشرف والنخوة والمروءة ؟؟؟؟؟
والله حتى لو اعترف واعتذر وجا يبوس على راسي ويديني .. ماراح اغفر له
اللي سواه يخليني اعتبره شخص ماعنده رجولة ولا شرف وعنده كمية نذالة مقززة ..
بالنسبة لي .. عديم الشرف والرجولة ما اقدر احترمه ولا اقدر اعيش معاه ولا بحس بالأمان وانا على ذمته ..
لاتزعلي من كلامي ...
ارجع واقولك هذا قراري وقناعتي الشخصية ... مو حقد ولا سواد قلب ..
هذي كرامة .. ولاممكن اسمح لمخلوق كائن من كان يلعب في ملعب كرامتي ..
ياعمري زوجك ماعنده ضمير ولا اخلاق .. وبنت عمه اوسخ منه
قطع علاقته معاها عشانها تزوجت .. لسه عروسة جديدة وفرحانة بحياتها مع زوجها
بكرة تتعود على زوجها وتبدأ عندها المشاكل العادية اللي في كل بيت .. وطبعاااا بترجع تكلم زوجك
امس قليلة الحيا كلمته بصفتها الحبيبة وهي مخطوبة لرجال ثاني
وبكرة بتدخل عليه من باب الفضفضة وانها محتاجة احد تثق فيه .. ويرجع الموال القديم
واحتمال يوصل لمواصيل ازفت واوسخ واسوء من اول ...
لانها حقيرة .. واللي عندك اصلا عنده استعداد فطري للحقارة ..
يا اختي .. الخيانة موجعة .. والخيانة اللي انتي تعاني منها خيانة على مستوى مخيف
خيانة مع وحدة ثانية + خيانة مع بنت عمه عرضه وشرفه + تركها عشانها تزوجت مو عشانه ندمان ويحبك
ماراح اقولك اتركيه
اقري كلامي تمام وشغلي مخك واسترجعي شكل حياتك معاه وشاوري اهلك وقبل هذا كله استخيري
والقرار راجع لك ..
لو طلبتي الطلاق مافي احد يقدر يلومك ...
ولو قررتي تكملي معاه خلي عندك استعداد للضرب والاهانات والتهديد بالزواج وبيجرحك كثير
وخلي عندك استعداد كاااامل لرجوعه للخيانة مع نفس البنت وبشكل اسوء من السابق
تراها بترجع تكلمه .. وبتضطري تشوفيها كثير لانها من الاهل
عندك استعداد تتحملي الضغط هذا كله ؟؟ بكيفك
الله يعينك ويرشدك للصواب
بنااات زوجي اعترف لي بخيااانته لي....وش اسووووي معاااه
متابعة النقاش، صفحة 4