حياتي ممله مره ومتضايقه منها..
متابعة النقاش، صفحة 3
شاركي في النقاش
سجلي الدخول لإضافة تعليق.
التعليقات
29- الله يرزقك بالزوج اللي يسعدك ويعيشك ملكه ... حبيبتي اتفقوا انتي وخواتك تحفظون القران وتسمعون لبعض ... وحاولو تقنعون الواالد بوقت يكون مروق ووضحوله الملل اللي عايشين فيه وان شاءالله مع الاقناع بيوافق ...لاتستسلمون الله ينولكم اللي ببالكم يارب
- اللهم امين الله يسمع منكم يارب ويعجل برزقي ونصيبي انا واختي
evoon نصيحة من اخت تحب لكم الخير شوفو اقرب مدرسة تحفيظ وادخلو فيها والله سعادة قلبيه مايحسها الا اللي التحق بها والله ان حتى المتزوجات يجيهم شعور الملل مو بس البنات بس الفطنة اللي تعبي وقتها بمردود لها في الدنيا سعادة وفي الآخرة أعمال صالحه وفقك…
شوفي ي اختي صدق ان الحياه صايرة ممله بشكل كبير
بس الواحد يسلي نفسه قد ما يقدر مو معقوله يضيع نفسه ومايستفيد من وقته
انتي محاسبه على وقتك
اشغلي وقتك بشي انتي تحبيه زي مثلا ماهره بالطبخ اطبخي و بيعي على جاراتك
يوم يومين الا يصير دخلك ممتاز و ويصير عندك زبناء كثير و تتعبي منهم زي المعاهد و الحفلات اعرف وحده ماشاءالله دخلها بشكل يومي 500
اتكلم عن ايام الدراسه فقط
ماعندك امكانيه سجلي بدار نسائي او حلقة تحفيظ القرآن مافيه حي مافيه دار نسائي او مسجد تحفيظ
ادخلي معهد تعلمي تجميل او لغه او حاسب لاتقولين ماديتي ماتسمح اطلبي اخوانك اذا الاخ ماهو سند لاخته مين بيكون سندها وخليهم يطلعونكم يودونكم لمطاعم و مولات ع الاقل مره او مرتين بالشهر
اذا دخلتي معهد تعرفي على البنات وخليك اجتماعيه اعزمي البنات في بيتكم او روحي لهم نفس الشي ليه ماتسيرين على حريم اخوانك و هم يجونكم ؟؟
و الوظيفه كلمي اخوانك يكلمون ابوك و مثلي عليهم دور البنت المسكينه صدقيني بيحسون بمعناتكم
اذا ابوك قصده الاختلاط ترى فيه وظايف بدون اختلاط و يكثرها عاد روحي لطاقات اللي بمجمع العثيم مول اللي بالربوه اذا انتي من اهل الرياض قدمي على وظيفه نسائيه مو مختلطه و اكيد بتحصلين صديقتي تقول تعاملهم جدا لطيف
اما اذا ابوك شايل فكرة الوظيفه من راسه اتوقع مو من حقه يمنعكم من حقكم
و واجهيه و الله يعين على هالدنيا و الله يرزقك بالزوج اللي يحفظك و يصونك
مابي منك الا دعواتك ان اللي فبالي يتم
و تتسهل اموري و يرزقني و يفرج همي ولك بالمثل- اسأل الله رب العرش العظيم بأن يرزقكِ أنتي وأختك بأزواج صالحين وأطفال يملؤا حياتكن فرح وسعادة .........
الرقم المميز! شوفي ي اختي صدق ان الحياه صايرة ممله بشكل كبير بس الواحد يسلي نفسه قد ما يقدر مو معقوله يضيع نفسه ومايستفيد من وقته انتي محاسبه على وقتك اشغلي وقتك بشي انتي تحبيه زي مثلا ماهره بالطبخ اطبخي و بيعي على جاراتك يوم يومين الا يصير دخلك م…
حبيبتي المشكله مين اللي يودي ويجيب ابوي مسكين تعبان ومايقدر اما الاخوان ع قولتك سند هم سند بس من بعيد لبعيد الله يخليهم لنا بس مايبون يكلفون ع انفسهم بيننا محبه واحترام وموده بس اكثر لا وهم اساسا ساكنين بمنطقه ثانيه عننا اما اسوي اكلات وابيعها مستحيييييييييييييل اهلي يرضون بيقولون انتي مو بالحاجه يعني كذا والا كذا مافي شي يعبي فراغي والحمدلله اقرا بالبيت قران بشكل مستمر الله يرزقك ويحقق مرادك بالقريب العاجل
مواضيع مشابهة
تابعي تجارب أخرى من هذا القسم.