اخباركم بنات ياحلوات
بالمختصر المفييد
صارت مشاكل في الفترة الي راحت بيني وبين زوجي
واضربت عن البيت لاطبخ ولاتنظيف ولاغسيل ملابس
وكبرت المشكلة وتدخل فيها الوالد وطلع الحق علي انا
لله دركم يانساء أمة محمد ذبححونا الرجال ونحنا تحتهم الله المستعان
لنا الجنة اي والله يامال الجنة الباردة الله يصبرني بسس
الزبدة في الفترة الي راحت زوجي مل مني وقال لأهله اخطبولي
بتزوج عليها واخواته وامه وقفو فوجههة ومنعو
وشوه سمعتي عندهم اني وسسسسخة فبيتي وما أقوم بواجباتي تجاه بيتي
وأهله قالوا. اصبر عليها ومن ذا الكلام
طبعا هو ماقالي إلا بعد ما اتصالحنا ورجعت المياه لمجاريها
وانا من يوم ماقالي وانا مفروسه منه ليش يقول لأهله ويفضحني وهو عارف اني مو وسخة بس عناد فيه
المهم علاقتي ف أهله سطحية لاني توي متزوجة لي ثلاث شهور
وامه ساكنه معي فنفس العمارة
بس ميته قهر انه محطوط فراسهم اني وسخة فبيتي
ولازم اصلح الوضع لأنه بصراحة شي يفشل ويهز ثقتي تجاههم
فكرت كل عصريه ابخر بيتي ويكون نظيف تنظيف من قلب
وانادي عمتي تنزل تتقهوى عندي ومطبخي أمريكي مفتوح عالصالة
يعني راح تبان النظافة أو أنادي اخوات زوجي اذا تجمعو عند عمتي واخليهم يأخذون راحتهم في البيت
ابي أي أفكار حلوة تثبت فراسهم انه انا ست بيت شطورة وسنعة
وانتم وش الشي الي تشوفونه فحريم إخوانكم وتحسونه شي مميز ونظيف فيها
عطوني رأيكم
شاركي في النقاش
سجلي الدخول لإضافة تعليق.
التعليقات
42- لو انا منك والله لانزل عند ام زوجي ةاقول لها
الله يسامح ولدك ضلمني وفشلني عندكم اني وسخه ومارتب بيتي
وهو اعترف لي بعد مارجعت المياه لمجاريها
لالالالالالازم وضرووووووري تقولين لها عشان ماياخذون فكره عنك - اسمعي اذا ام زوجك ماتنقل الكلام وضحي لها الامر
اما اذا ماتضمنينها يعني من النوعيه الي تسولف وتطلع منها الكلمه بالغلط فالافضل انك
مثل ماقلتي
تنظفين البيت وتخلييينه مررررايه تللللللمع
وابصم لك بالعشره انهم بيغيرون الفكره عنك للافضل
الله يوفقك ياارب - بما انك عروس جديده مهما كان بينك وبين زوجك غلط تسوي اضراب وترك البيت وسخ ازعلي بس موب بالطريقه هذي الناس مالهم الا الظاهر اكيد دامه قال انك وسخه بيصدقوه اهله واحمدي ربك مادخلهم البيت يشوفو بعيونهم
- معليش اختي لحظة انتبهاي انتي لشغلة تقولين مالي اﻻ ثﻻث شهور متزوجة
يعني اول شهر اﻻغلب يكونون نسافرين وعزايم وماتجلسو بالبيت الثاني بديتي تهتمي ونسميها فترة الطفه يعني مامداه يترسخ بذهنه انك راعية بيت ونظيفة... ومو مدة كافيه لتقولي تفانيت وصبرت الصبر سنين مو شهر وشهرين تووووك ماشفتي شي..
وخوذيها قاعده من اولها حتى اوزعﻻنه منه مايصير تخلي بيتك مزبلة معليش ع كلمتي بس حتى انتي في البيت ترضي تجلسي بمكان مغبر ووسخ وانتي لساتك تعتبري عروس
وﻻعاد تدخلي اهلك بمشاكلكم اﻻ اذا الشي كايد ﻻقدر الله سكر ظرب شي من هالقبيل..
الله يوفقك..
وبالنسبة ﻻهل زوجك عادي مصيرهم يعرفون نظافتك وسنعك .. - الصدق يااختي مالك الله يصلحك الا ثلاث شهور بس ووصلت الامور للاهل والرجال علم اهله وانتي اضربتي عن العمل وابوك اتدخل ليه كدا هدي حياتك وهدا بيتك نصيحة ترى الرجال مالهم امان والناس مالهم امان وبيتك ماله دخل بسوالفكم اليومية من مشاكل الله يوفقك ويصلح حالي وحالك
مواضيع مشابهة
تابعي تجارب أخرى من هذا القسم.