السلام عليكم ورحمه الله وبركاته
يابنات عالم حواء مالي غيركم استشيركم يااخواتي انا محتاره بشي دايم اسويه وحاسه بتانيب الضمير لاني ماادري هو صح او غلط متردده وقلت اشاوركم
انا بعض الاحيان اطلع مع اهلي سوق مثلا واشتري بعض الشغلات لبيتي مثلا اكياس بلاستك صحون اشياء نواقص يعني ولما اجي البيت واقول لزوجي اشتريت كذا وكذا ومثلا سعرهم كذا اقول له ابي قيمتهم لاني مو موظفه ولا عندي دخل غير المصروف الي يعطيني اياه وبعض الاحيان الاغراض يكونو ب100 او اكثر هو يقول لي ان شاء الله ومايعطيني وكل مره كذا
وبعض الاحيان مثلا نكون نقضي من السوبرماركت ويكون زحمه علي كاشير الرجال واروح احاسب عند الحريم وادفع 300 او اقل واقول له طلع الحساب كذا ويقول لي بس نوصل البيت اعطيك ومايعطيني
الي يصير اني بعض الاحيان اذا شفت البوك حقه مليان فكات وكذا اشيل 50 او 100 بدون مايحس هل الي اسويه صح والا يعتبر بوق والا ايش مع انه كذا مره قايل لي حلالي حلالك والبوك عندك خذي الي تبي بس احسه مجرد كلام وهو صراحه مايعطيني غير مصروفي فما اقدر ادفع شغلات علي البيت من مصروفي مايضل لي شي وكذا مره نطلع والعشا يكون علي او يقول ماعندي فكه ادفعي وبعدين اعطيك ياريت تنوروني الله ينور وجيهكم بالايمان يارب والله جالسه احاتي ماادري وش الي اسويه :44:
شاركي في النقاش
سجلي الدخول لإضافة تعليق.
التعليقات
19- يااختي لا تدفعين شي من جيبك اااابدا دام انتي موموظفة
عودية هو اللي يدفع ولا تشترين شي من مصروفك اشتري لنفسك وبس
وحركة انك تاخذين من بوكة عاااادي جدا
انا والله زوجي مايعرف يمسك القروش ااابد
وكذا مرة اخذ من بوكة والحمدلله جمعت مبلغ حلو
لان في النهاية القروش اللي تاخذينة من بوكة لك ولعيالك - هذي تعتبر سرقة
تقولين يعطيك مصروف
اذن ما فيه داعي تشترين شي خليه هو اللي يقضي
والاخت اللي تقول جمعت مبلغ حلو !! الله يعينك على الحساب - اسالي شيخ
اعتقد انه ما يجوز باعتبار يعطيك مصروفك - اتوقع عادي الحلال حلالكم بس ادا انتي اشتريتي للبيت شي وانتي مع اهلك مالك داعي تروحين له وتقولين عطني قيمتهم
هو ماقالك اشتريهم انتي بكيفك شريتي وادا ماتبين تدفعين للبيت ريال واحد لاتشترين شي للبيت ادا رحتي مع اهلك للسوق
حركة انك تحاسبينه ع اي شي تصرفينه من مصروفك مالها داعي وادا زوجك معك وبتروحين تحاسبين عند الحريم خدي فلوس منه قولي عشان احاسب وقولي لزوجك انسى ان معي فلوس لاتقول حاسبي وانا اعطيك دامه مايعطيك خلاص لاتحاسبين ولاتعطينه شي بس كل شي بالهداوه واحسس زوجك طيب وقايلك خدي من بوكي والحلال حلالك ليش تحااسبينه ع كل ريال لاتعودينه يصير مثلك ويحاسبك ع كل ريال تاخدينه ويقول انا عطيتك ذاك اليوم فلوس وين راحت اسكتي وخدي منه وانتي ساكته بس بالنسبه هل يعتبر سرقه الله اعلم بس هو قالك عادي خدي من بوكي
اتوقع والله اعلم مافيها شي بس اهم شي لاتخلينه يصير متلك ويحاسبك ع كل ريال - اللي يقولون عادي لا تحطون بذمتكم ترى فيه فتاوى بكونه شرعاً غير جائز ويعتبر سرقه دام احتياجاتك الأساسيه موفرها لك من مأكل ومشرب وملبس :)
مواضيع مشابهة
تابعي تجارب أخرى من هذا القسم.