افكر اعتذر عن الوظيفه ..شورو علي

السلام عليكم
بنات انا طلع تعييني في نجران:44: وانا من الرياض ومتزوجه وعندي بنت عمرها سنتين
بصراحه فرحت بالتعيين لكن اول ماعرفت مكان تعييني نجران انصدمت وقمت ابكي وابكي
تهت ماعرفت وش اسوي وخصوصا انهم قايلين لي انه المكان في قرى خارج نجران
وش اسوي في بيتي وزوجي وبنتي وماعندي احد يروح يجلس معي هناك ومااضمن انهم بعد سنه مثلا ينقلوني الرياض .... انا تعبت ونفسيتي زفت افكر اللحين اعتذر عن الوظيفه شورور علي يابنات مين مثل وضعي ومشى حالها

وبعد ابي اعرف مين اللي تعينت في نجران
وهل فيه احد كان في نجران ونقلت الرياض وبعد كم سنه بالضبط ؟

نسيت اقولكم انا تخصصي علومتعليم ابتدائي

اللهم اجعل لي من كل هما فرجا ومن كل ضيق مخرجا وارزقني من غير لااحتسب

38 تعليق 21,154 مشاهدة

شاركي في النقاش

سجلي الدخول لإضافة تعليق.

التعليقات

38
  1. @shoklath_12

    اول شي مبرووك التعيين
    وثانيآ استخيري ان ارتحتي رووحي وتوكلي على الله
    وفي حال مآرتحتي اعتذري
    مع انه من وجهه نظري انك تشيلين فكره الاعتذار من راسك نهائيا وتتوكلين على الله وتضغطين على نفسك شوي وتتحملين
    بكره بتتذكرين انك حاولتي تعتذرين وتحمدين ربك ان كنسلتي الموضوع
    اجلسي مع زوجك وتناقشي انتي وهو ودورو حلول من وجهه نظره ونظرك وان شاء الله تتيسر
    وفالك التوفيق
    %%مو لازم تنقلين للرياض اقلتها اي مدينه قريبه او محافظه %%
  2. @mi_do

    صاحبة الموضوع
    طيب اللحين لو رحت وسويت المقابله وسويت الكشف الطبي وباشرت وشفت المكان والمدرسه
    ومااعجبني الوضع يعني مستحيل اتاقلم معه ممكن بعد المشوار هذا اعتذر ولا يعتبر فصل
    الله يفرجها يارب
  3. والله نفس تفكيري انا جاني بالباحه
    وخاااااااااايفه وشايله هم مرررره

    لكن ثقتي بربي فوق كل شي انه مايكتب الا الاخير سبحانه
  4. @kaf_alaana

    انصصصحك ما تعتذرين
    مو بالساهل الوحده يجيها وظيفة فكري زين
    توكلي على الله كلها سنة بإذن الله ويجي نقلك

تابعي تجارب أخرى من هذا القسم.