تعالي اكتبي قصة عشتيها أو سمعتيها من اغرب ما يكون/ تعدى الحد المسموح له من االردود

حسب كلام الخادمة انهم بايد الجن بمكان محد يعرف يوصله باندونيسيا وعشان الجن يعلم بمكانهم لازم تتبول الام على المصحف استغفرالله بصراحه مادخلت مخي هالسالفه انا انقول احتمال قتلتهم واخفت جثثهم وحطت السحر عذر والله اعلم

موضوع رائع
راح احكيكم بقصص صارت لي بفضل الاستيداع
اول قصه عندي لاب توبي عزيز علي وعندي بنتي صغيره فكنت دايم اقول ربي استودعتك لابي من الخراب ومره كبت بنتي عليه القهوه وديته اقسم الصيانه بشركة سوني قالو يكلف تصليحه خمسه الاف وعليها ضحكة وقلت لهم انا اخذته باربع الاف رجعته وحطيته بالدولاب واشتريت واحد ثاني جلس تسعه شهور بالدولاب وفي يوم جا بنفسي اني استودعته الله وربي مايضيع وديعته ورجعت شغلته والله مافيه شئ والا ن اكتب لكم منه
القصه الثانيه مره بقى انا وبنتي الصغيره الصباح وقلت ربي استودعتك نفسي وبنتي وبيتي ونمت وماصحاني غير الدق على الباب والشقه سواده وحده من الدخان طلع حريقه بغرفة عيالي بالطراحه وربي نجانا منها بسبب انه غرفة النوم مسكره والغرف الاخرى كانت مفتوحه فتوزع الدخان

القصه الثالثه جبت لي خادمه بالعمره وكانت عادي تطلب من السواق اللي تبغاه من دون ماترجع لي وتعرفون اللي بالعمره ماتقدري تحكميهم وكانت جدا نظيفه وفرحانه فيها وفي يوم حلمت انه في بيتي حيه وشديدة النظافه فوقع في نفسي انها هي ويوم وانا بخرج قالت ابغى من راتبي ست مائه اعطيتها لها وقالت لي انه فيه واحد بيجيب لها اغراض وانه اعطيه الفلو س استغربت انها ماكلمت السواق قالت يبغى يعرف عنوان لمن كلمته طلع سعودي ومن رحمة الله ما اعطيته العنوان وقلت انا خارجه خلاص يقابلني بالطريق واخذالاغراض منه وفعلا قابلته واعطيته الفلوس واخذت الاغراض وكانت سلفتي معي قالت قلبي ناغزني فتحي الكيس قلت صعبه رحنا السوق واحنا راجعين قالت تكفين فتشيه وكان شرشف مطرز ولمن فتحته طلع جوته































مويه صحه لونها غريب بغى يغمى علي رحت بيت سلفتي وغيرت المويه ولمن واجهتهاا راحت تصارخ وتقول هذا لي عشان اصير سعيده وساعه تقول عشان شرطه مايمسكني
ومشيتها فالحمدلله اللذي لاتضيع ودائعه

اختي يتيمة الضحكة الحمد الله رئي نجاك

اللهم أستودعك نفسي والوادي وزوجي وأهلي وبنتي يامن لا تضيع ودائعه الحمد لله دائماً أردد هذا العاء

والشغالات مامنهم غير المصايب

القصص روعه وكل قصه فيها من العضه والعبرررره الكثيرررر،،،
نسأل الله السلامه والعافيه،،،،


قصتي يابنات عن خالتي وزوجها وولدها،،،،

طبعا خالتي عندها اولاد وبنات ،،،، وكانو هي وزوجها من النوع الغير شديد على ابنائه،،،يعني حريصين ،،،،بس معطينهم راحتهم،،،،وكل اللي يبونه يسوونه اولادهم اقصد،،،

في يوم طلب ولدهم وكان ترتيبه الثالث بين اخوانه انه يروح مع زملائه مشوار وماحدد،،،ومارفضوا وخلوه يروح ،،،
واكيد قضاء وقدر واللهم لا اعتراض،،،،

وراح مع زملائه الثلاثه وهو الرابع والله اعلم وين كانو متوجهين،،،،وصار عليهم حادث اسأل الله ان يرحمهم جميعا وكلهم توفو،،،،وكانو شباب في عمر الزهور ماتجاوزو 15 سنه،،،

المهم لما اخذوهم للمستشفى مالقو مع ولد خالتي عذا اي اثبات الا رقم في جيبه،،،،دقو عليه وطلع رقم اخوه الكبير،،،قالو له تعال للمستشفى الفلاني اخوك عندنا مسوين حادث،،،

لما وصل اخوه المستشفى كانت الصاعقه ،،،،خبروه انه مات وكل اللي معاه توفو الله يرحمهم،،،،

طبعا الولد ماحب يفجع امه وابوه ،،،،لان الكلام هذا الساعه 3 الفجر ،،،،وانتظر الصبح وعلم ابوه وفورا راح ابوه للمستشفى ع اساس يطلع ولده ويغسلونه ويصلون عليه ويدفنونه،،،،،

لكن المصيبه يابنات مالقو الولد،،،،

دورو ،،،،،ودورو ،،،،مالقوه،،،،

تفائلو،،،،قالو يمكن انهم غلطانين،،،،والله العظيم يابنات ان خالي هو والوالد جلسو يدورون في ثلاجة الموتى تقريبا ثلاث ايام،،،،يقول ابوي ربي يحفظه الثلاجات مليانه من جميع الجنسيات ،،،،،يقول ناس لهم اكثر من سنه،،،،يقول قربو يتحللون،،،والريحه يابنات اذا جاء ابوي تموووووت،،،،لا اله الا الله،،،،نننقع ملابسه بمويه حاره وكلوركس وانواع المنظفات والريحه لازقه،،،،نسأل الله السلامه،،،،

المهم يابنات ودورو وتعبو مالقيوه،،،،وامه ياقلبي عليها تقول على امل يدخل علينا فجأه،،،،

بعد كم يوم بلغو الشرطه على اساس المستشفى يطلع الجثه لانهم وصفوه لخالي وعرف انه هو،،،،وكمان خالي وابوي راحو لموقع الحادث وحصلو حذيانه تكرمون،،،،

المهم تدخلت الشرطه وقال ابوي الولد يطلع ،،،،،الجثه تطلع والا والله لنروح للملك نطالب بجثة ولدنا،،،،

تدخلو ناس كثيرين مرررره ،،،،حتى الجرايد تكلمت عن السالفه،،،،

شكو ان الولد مقتول،،،،وراحو لاهالي زملائه اللي كانو معه في الحادث وجابوهم كلهم،،،،،

المهم قالو لازم ننبش القبور يمكن فيه لخبطه،،،،،اعترضو اباء الاولاد ولا الومهم ابدا،،،،،

راح خالي لكل المغسلين اللي غسلو الاولاد اللي كانو مع ولده،،،،يسألهم ،،،،،سبحان الله ربي هداه ،،،،

لما جاء يسأل احد المغسلين الا سبحان الله يوصف ولده،،،،ويقول انه كان مجروح في رجله من تحت والجرح قديم،،،،وبالفعل طلع ولد خالي ،،،،

المصيبه يابنات ان هذا اللي اخذ ولد خالي طلع ولده باقي في الثلاجه ،،،،يعني معقوله ماشافه،،،،ولا سلمو عليه ولا ودعوه،،،،حتى ابوي يقول الفرق شاسع،،،،ولدهم بشرته فاتحه ومليان شوي،،،،وولد خالي اسمر ونحيف،،،،لا اله الا الله ،،،الله يجبر كسر قلوبهم يمكن من الصدمه مالاحظو،،،،

والحمد لله ارتاح خالي وخالتي وابوي وكلنا ارتحتا والله ،،،،،على الاقل عرفو انه مات ،،،،بدل مايقعدو معلقين ع وهم،،،،

واهل الولد اخذوه ودفنوه ،،،،وما اقول غير يارب تحسن خاتمتنا ،،،،،

والله يرحمهم كلهم ،،،،،