شاركي في النقاش

سجلي الدخول لإضافة تعليق.

التعليقات

49
  1. @ghayty_rda_rby_1

    الف ليله وليله جديد مرره هذي السنه او اللي قبلها فتح اعتقد

    بس الافضل تروحوله انتو يدخلكم ويفرجكم عليه روحوله وقت عصر
    وشوفوه واي شي مايعجبكم قولوله يغيره
    زي مثلا مفارش الطاولات اغلب القصور فيها كذاذ لون ويخيركم مثلا تبغو فضي وسكري او ذهبي وسكري وعنده كتالوج يوريكم وتختارو

    وطاولة الاستقبال تشوفوها وتقولوله ايش يحطلكم عليها مثلا

    وتشوفو هو يتعامل مع اي محل للحلا وتقولوله ايش يحط لكم ع الطاولات انواع الحلا وهيك

    وكمان الكوشه اذا من عندهم تقولو للعروسه تروح للقصر هي وتختار الكوشه الي تعجبها

    يعني لازم تروحو عشان تشوفو كل شي وتتفقو من بدري بدال ماتحوسو يوم الزواج

    واغلب القصور عندنا درجات يعني في ب ٥٠ الف او ب ٧٠ او ٩٠ ثلا وكل درجه فيها زيادات يعني مثلا زي اعلى درجه تختاروها يوزعلكم عقود فل ع الطاولات وبكل مكان وريحة القصر تطلع تهبل ومنظرها حلوو
    والبوفيه يزيدو فيه سخانات وهيك والدرجه اللي تحتها مافيها هذا كلو وزي كذا مثلا يعني انتو تختارو الدرجه على قد فلوسكم


    والله يوفقهم ويتمم عليهم بخير يااارب

تابعي تجارب أخرى من هذا القسم.