السلام عليكم ورحمة الله وبركاته
بنات علاقتي مع اهل زوجي مو كويسه السبب كله من اهله الله يصلحهم و زوجي اهم شي عنده اهله وانا صراحه حطيت فبالي اصير رسميه معهم بس مابي هالمشاكل تاثر على علاقتي مع زوجي وش اسوي ابي حلول عشان ماياخذ فكره اني انا االلي مابيهم او يتحسس من العلاقه لانه يبيني ادخل معهم وبقوة حتى لو غلطو يبيني انا اجي واسولف واضحك بس ماسويت اللي يبيه لانهم مايستاهلون وش الحل بنظركم
شاركي في النقاش
سجلي الدخول لإضافة تعليق.
التعليقات
13- ي قلبي روحي وسلمي وسوي الواجب وخذي معك قهوتك وحلاك
اقعدي ساعه حولها وامشي بس لاتقطعينهم عشان زوجك .. مهما كان أهله ومايرضا عليهم - ان تواصلت معهم سببو مشاكل وان قاطعتهم مشاكل ياربي مدرب وش اسوي
- عامليهم نفس اهلك واحسني لهم وبترجع علاقتكم حلوه
اذا بديتي معهم بالخير والاحترام صدقيني هم نفس الشي
أكيد زوجك يبيك معهم لانه مهما كان أهله
ولاتنسين هم الي خطبوك له لو مايبونك ماخطبوك
الأهل مايبون من زوجة ولدهم الا التقدير والاحترام وتكون معهم
الله يوفقك حبيبتي - نفس زوجي
والله ياختي لا يكلف الله نفسا الا وسعها
وحنا تزوجنا ندور اللي يحمينا ويسوينا لنا قدر
ما تزوجناهم عشان يهينونا لأهلهم
ما يمنع تحاولين تحسنين العلاقة
لكن اذا مالقيتي تجاوب عداك العيب
خلي زياراتك متباإدة وقصيرة ويكون معاك فيها
عشان لاتقولين قالوا ولا يقولون قالت
والمناسبات زوريهم وبس
وكفى الله المؤمنين القتال
انا جاريته
وجاملت
واهديت
وعزمت
وتحملت
وبلعت
وعديت
الين انفجرت
وقلت له خلاص
تبي تجبرني ازورهم تجبرهم يحترموني
والا اسفة انت من طريق وانا من طريق
وللصبر حدووود
حسبي الله ونعم الوكيل
مواضيع مشابهة
تابعي تجارب أخرى من هذا القسم.