تعالوا أقولكم اش اللي اكتشفت فيني.. وجعل ربي ما تشوف الحياة البئيسة الحزينة من تدعيلي

حبيباتي غالياتي أولا جزاكم الله خير على دعواتكم
والله كم أستعدتني دعواتكم حتى لو كانت كلمتين فهي عند الله عظيمة
وربَّ كلمة واحدة لا تخرج أثرها إلا بعد حين

اللي تسألني وشلون عرفتي عندك عين؟
يا الغالية عندي العين من عشرة سنوات، يعني أنا عارفة من زمااااان عندي العين بس ماكنت ممسوسة أبد
والعين والحسد والسحر لها علاماتها
وأنا علاماتي هي العين وليس مس ولا سحر
مثال: عدم التوفيق في عملي بعدما كنت شعلة نشاط معروفة بنشاطاتي وهواياتي بذات بعدما ارتقت وظيفتي كرهت العمل كره شديد جداً لدرجة اقدمت استقالتي، ولي الآن اربعة سنين قاعدة في البيت ومرتاحة ولا لي رغبة للرجوع
مثال آخر: عدم التوفيق في خطـَّابي رغم فودهم من كل صوب وحدب بل متمسكين بي
مثال آخر: الرؤيا والأحلام التي تفسيرها يدل على عين
وأمور اخرى تخص الحالة الصحية اللي تحاليلها تكون سليمة وإنتي مازلتي مريضة..

فهذه الأعراض انا اكتشفتها منذ عشرة سنوات وكنت اعالج ثم اتكاسل واعالج وارجع اتكاسل
لكن الأذكار وتلاوتي وصلواتي ولله الحمد لا أزكي نفسي
ما أقصده هو العلااااااااج
>> دخلنا في الفصحى .سيبويه :rolleyes:

عموما.. فاللي تعرف نفسها فيها عين تسسسساررررع في العلاج حتى لا يتطور وتصير مثل حالتي المفجوووعة :eek:
عنجد والله كانت صدمة لي في داخلي روح لعينة مؤذية قاتله الله أنى يؤفك

الله يشفيك ويشفى كل مريض . ابدي يومك بالاذكار وقراءة القران ولسانك لاينقطع بذكر الرحمن طول اليوم

وأما اللي تسأل كيف حسيتي بوجوده؟
والله من قبل أيام فقط..
وانا اصلاً مادري من متى هو موجود!!!
ما كنت احس بشي إلا قبل أيام
بداية كانت قبل شهرين من رمضان كنت وقت النوم وبالتحديد أثناء النعاس
أحس براسي ورقبتي تتحرك خطفة أو خطفتين سريعة ، وكنت أظن ربما من أثر الارهاق والتعب
والسهر عروق الراس تبي ترتاح وقت النوم فتعمل حركة في الراس
لكن الأمر مستمر عند كل نوم تحصل معي ذي الحركة حتى لو ماكنت مرهقة
فبدأت أسأل نفسي هذه الحركة ماكانت تصرلي زمان وشبها الحين تصرلي؟
وبرضه بررت حالي قلت اعصاب وعروق يبيلي أروح مستشفى واسوي اشعة
لكن يوم بعد يوم يتطور أكثر من يوم اللي قبله لدرجة صرت أحس أحد يمسك راسي ويهز يمين شمال
وكلما اتعمق في النوم يزيد في الهز والحركة يمين شمال بشكل سريع لدرجة أصحى
والمخدة من تحت راسي تتزلحق
وهذا هو هدفه ما يبغاني أنااااام.. والله ياجماعة لي يومين ما نمت كلما أجي أنام يهز راسي يمين شمال
عشين ما يباني أنام، وإذا طنشته يزيييييييييد في الهزززز
ألمهم .. صرت أقول لأخواتي المتزوجات أتصل عندهم وأقولهم االسالفة ياهوو اللي يصرلي شي مو طبيعي
وكانوا جزاهم الله الخير ينصحوني بسماع البقرة والصافات ويس أثناء النوم أحط السماعات بأذني
وعلى هذه الحااااال قبل الفجر أفصحت لأمي يصير لي كذا وكذا وأنا ماني عارفة وش هو بالضبط مابي أوهم نفسي!!
وبعد صلاة الفجر جيت أبي أنام طفيت الليتات وخليت الأبجورة مفتوحة وبدأت أحصن نفسي كالعادة وأقرأ أذكار النوم.
وأنا ياجماعة من النوع اللي قولوا ماشاء الله مشاءالله ما أخاف من الظلام إلا الدامس أكيد راح أخاف
بس ما أخاف من الظلام و لا أرتعب رعب من الجآن وقصص الجآن
لكن إلا هذه المرة حسيت برعب من الظلام وأحس كأن حولي وفوقي في أحد
وبدأت أدقق في السقف وفي الباب وفي كل حدة لأكون متوهمة
وإلا أشوف النور الأبيض يظهر منه شعاع ويختفي فجأة.. تكررت مرتين
قولت يمكن الكهربة تعبانة وبالفعل كهربة غرفتي تعبانة شوي
بس برضه حسيت مش طبيعي لأنه يظهر شعاع ويختفي مو يظهر نور..
في البداية طنشت مع خوفي الشديد وبدأت أقرأ المعوذات والآيات بس خوفت تجيني حركة هزة الرأس فيزيد الطين بله من الخوف، أخذت بطانيتي و ورورورورورو على الصالة ولاحفة البطانية حول جسمي:laughing:
هههه والله لو تشوفوني شكلي يضحك ويحزن وخاااايفة ومرتعبة
أمي شافتني في الصالة تقول وش فيك خرجتي من غرفتك، قولت ابي أنام هنا مرعوبة من الغرفة
قالت ياللا معايا أنا اقرأ سورة البقرة في الغرفة نشوف وش يصير..
رحنا سوا وقولت لأمي تراني مررررة نعسانة ولاحظي وشلون يصير راسي لما أدخل في النوم
وبالفعل راقبتني وإلا بعد دقيقتين هزاني شوي.. ثم هزاني هز شديد، وامي ببدأت تقرأ عليّ.. ثم هزاني هزززززز مو مس يمين شمال بل حتى روا، يعني راسي رايح لوراء وشعري الطويل يتطاير يمين شمال وأنا بكاااااااامل وعي، وأمي تسألني انتي اللي بتسوين؟ أقول لا مهو أنا بالعكس أحاول أمسك نفسي بس ماني قادرة اتحكم
وإلا شوي رجولي تتحرك، ثم أرادفي يرقصها رقص كأني أرقص، ثم وأنا واقفة انط بس ما ارتفع من الأرض، رجولي ثابتة على الأرض وكأني أنط وارتعش وفخوذي تتصك
رحت على طول فتحت اليوتيوب وعلى الرقية الشرعية بصوت عالي أول مابدأ سورة الفاتحة وإلا جسمي بدأ يرقص، أقول لأمي تراني مش أنا اللي احرك جسمي هو من حاله يتحرك
وعاد شوفوني قامت عليّ قهري عليه وبدأت أقرأ الأيات العين وأخذت المصحف وفتحت على الصافات واقرأ بصوت عاااالي وأقوله اخرج من جسدي لعنة الله عليك، وهو يزيد علي الحركة كل شي في جسمي يتحرك ، وأقوله إما أنا وإما انت ياللعين، بل أنا اللي راح أكون عليك قوية بقوة الله الجبار وما أنت إلا شيطان ضعيف
وجلس اردد بصوت عالي ( وكان الشيطان ضعيفا.. وكان الشيطان ضعيفا.. وكان ااشيطان ضعيفا)
يا جماعة لحظة .. أهه شوفيني الحين وأنا جالسة أكتبلكم حاسة بقشعريرة وبرودة في جسمي وأطرافي
شكله حاسس جالسة أشكيكلم لعنة الله عليه..
ألمهم أخسروكم منه... خلصت سورة الصافات، وكلما أمر على كلمة المارد يزيد يزيييييد
ولما أمر على آيات السحر يهدئ ما يسوي شي.. فأنا تأكدت هذا مهو سحر بل هذا عين والدليل
لما أردد آيات العين يزيد ويرقصني ويرعشني..

الخلاصة: وبكذا عرفت إنه في جسمي والحمدلله أنتصرت عليه
قالولي أخواتي وأمي نوديك الشيخ.. قولت مابي شيخ انا راح أوري شغله

بس تدرون بيني وبينكم والله أحس إني أخاف من نفسي بس ما أحسسه إني خايفة حتى لا يتسلط عليّ

بالله كل من تقرأ تدعيلي يخرج عاجلا ما يطول في الجلوس
وإن شاء الله قصتي هذه تكون فائدة إذا حصل لأحد فيكم بعيدين الشر .. تكون عارفة وشلون تتصرف ما تتركه هو يتصرف فيها، لو أعطته انطباع الضعف من أول لحظة يتقوى عليها.. لكن لو ورته قوتها من أول لحظة حيقول ووووه طلعت مهي هينة

لا تنسسسسسسسسسسسون تتدعوووووون لي

اسال الله العظيم رب العرش العظيم ان يشافيك !! شفاء لا يغادر سقما(نفس الحاله !!)