انا اهم توقيت عندي قبل الولادة ولانه سبق لي ولادات بالشهر السابع تلاقيني أحرص أهم شي على النظافة والترتيب والكوي وتنظيم أغراضي وأغراض أولادي والمطبخ وتنسيقه حتى لو كنت بجيب شغالة بنفاسي أفضل أنها تجي وتفهم ان البيت لازم يلمع ٢٤ ساعة
كذلك حتى لو كان احتمال ذهابي لبيت اهلي ١٪ اجهز لي شنطة فيها لبسي ولبس المولود من إلى أما باقي أولادي فأكون متطمنة اذا احتاجوا ملابس أكون عارفة مكانها وممكن أبوهم يجيبها
اما شنطتي فعادي اتركها لان أساسا لبس النفاس ولبس المولود يا دوب يكفيه شهر بعدين يكبر عليه وبعد النفاس افرغها
أسوأ شي في نفاسي عند اهلي الضيوف ما اقدر اتحكم في توقيتهم وأطفالي وهوشاتهم مع اولاد اخواتي كل هذا يتعبني ولا تعودت اعتمد على احد ينتبه لعيالي ما احد فاضي لهم
وأحسن شي عند اهلي اني ما اضطر اشرف على الاكل واكل عيالي لان الوالدة الله يشفيها تتكفل بالموضوع
يعني افكر لما يكون نفاسي ببيتي احدد اوقات الزيارة خاصة ان زوجي غالب شغله بالبيت واهله في ديرة ثانية ولو بيطلع يطلع بعد العشاء وانا ما احب استقبل احد بعد العشاء خاصة وقت الدراسة لان اولادي يدرسوا
من سبق لها وارسلت رسايل تحدد وقت الزيارة وكيف كانت النتيجة مع العلم ان زواري اخواتي وحريم اخواني فقط
هل تعبتي في نفاسك ايش كان السبب ؟ وايش تمنيتي يكون عندك ؟
متابعة النقاش، صفحة 4