شاركي في النقاش

سجلي الدخول لإضافة تعليق.

التعليقات

32
  1. طنشي و لا تاخذين المانع و إن شاء الله تحملين و تكملين دراستك عمر الحمل ما كان عائق يا ما بنات معنا فالجامعة كملوا و هم حوامل ما شاء الله عليهم 
  2. purple flower1
    الله يفرج همك
    يا حبيبتي خيره لك موضوع الحمل مع اني مررررره حاسه فيك كيف قلبك متشفق عليهم

    اولا لاتبينين لزوجك انك مهتمه في انك تجيبين عيال منه ولا تبينين له ابددد انك خايفه انه يتزوج عليك لأنه شكله لاحظ فيك هذا الشي وقاعد يطقطق عليك كل شوي

    انتي ياحبيبتي عندك تجربه سابقه واكيد تعبتي فيها وتعبتي بعد طلاقك كمان لا تزيدين على نفسك هموم بالعكس قولي جعله خيره ان شاء الله ولاااااا تفكرين بالطلااااق ابددددددد

    لاتقصرين على نفسك بشي ولا على زوجك ,, طيعيه بالمعروف بس لاتخلينه شغلك الشاغل اعطيه مساحه يطلع كل اللي فراسه وبنفس الوقت استودعيه الله واستودعي سمعه وبصره

    استقلي بحايتك عيشيها واستمتعي فيها خلي اخر همك الدنيا سوي لنفسك مساحه وعالم تعيشينه مع نفسك وتنبسطين فيه كملي دراستك وخليها شغلك الشاغل

    صدقيني اذا انشغلتي عن زوجك بيجيك هو بنفسه ويحاول يعرف شفيك وليش تغيرتي وماصرتي تقابلينه اغلب الوقت

    نصييييييحه خليك غامضه مع زوجك لا يعرف ردة فعلك خليه تايهه مايعرف ايش وراك وصدقيني راح يطلب منك تحملين ويجي يغثك في كل مكان تروحين له

    الله يوفقك يااارب ويسخرلك زوجك ويرزقك الذريه الصالحه يارب
  3. @klb_alaaasf

    صاحبة الموضوع
    مشكورين و الله يجزاكم كل خير وحده وحده
    والله اني احس انكم اقرب لي من اهلي و اراءكم افادتني جدا و رفعت روحي المعنوية
    بنات بالنسبه للخوات الللي نصحوني بوقف اخذ مانع الحمل ترا هو الللي يستخدم طريقه منع الحمل و هي الواقي مو انا فما اقدر اتحكم بهذي النقطه
  4. @plum_and_pear

    حبيبتي .. انا قريت مشكلتك وقريت كل الردود..
    كل وحدة من الاخوات قالت رأيها من وجهة نظرها 
    وانا بصراحة اشوف كل الردود منطقية وفيها كثير من الصحة ..
    اللي نصحتك بالانفصال عندها اسبابها المقنعة ..
    واللي نصحتك بالاستمرار ومحاولة حل المشكلة بالنقاش والالتفات لنفسك واستغلال فرصة انه يشجعك على الدراسة برضه اسبابها مقنعة ..
    انا بوقف في منطقة الوسط بشوية ميلان ناحية الرأي الثاني
    عندي لك احتمالين ممكن تختاري الانسب لك من بينهم ..
    وبطول في الكلام شوية عشان اعطيكي كل الجوانب اللي فكرت فيها ..
    رأيي لاتفكري في الانفصال بسهولة .. 
    اذا بتستمري .. ضروري يكون الاستمرار في مصلحتك ..
    وتضمني انك بتعيشي حياة قائمة على اساسات سليمة ..
    واذا قررتي تطلعي من هذي القصة ..
    لاتطلعي وانتي مهزومة وخسرانة ..
    اجلسي معاه جلسة صراحة ..
    قولي له خليك واضح معاي .. ايش اللي يدور في راسك ؟؟
    تدور ورا الخطابات وشاغل بالك موضوع المسيار
    وتتبجح بحديث الرسول عليه الصلاة والسلام عن الزواج والتكاثر ..
    وفي نفس الوقت رافض اني احمل !!
    فسر لي بوضوح وبكلام منطقي انا ابغى افهم ..
    عذرك اني لازم اكمل دراستي وكأن الموضوع يخصك لوحدك
     ترى هذا الموضوع بالذات المفروض يكون قراري واختياري انا !!
    والطبيعي اني انا اللي الاحق وراك عشان ترضى اكمل دراستي 
    مو انت تفرضه علي فرض وتخطط مستقبلي بالشكل اللي يناسبك !!
    تعطل مشروع الأمومة اللي هو اهم مشروع في حياتي بسبب مايعنيك لامن قريب ولا من بعيد ليه ؟؟؟
    انت على ايش مخطط ؟؟ فهمني !! 
    خذي منه الكلام ولاتردي وتجادلي 
    الهدف من السؤال هو انك تعرفي في ايش قاعد يفكر.. 
    لاتخليه يعرف تفكيرك وخططك الجديدة ..
    سوي نفسك مقتنعة وعطيه مجال يسترسل براحته ..

    شوفي انا اقول لك تفسيري والله اعلم ..
    وطبعا مو غبي يقوله لك  .. 
    زوجك مخطط انك تكملي دراستك وتتوظفي وظيفة حلوة ويستفيد من وراكي .. 
    خصوصا ان عينه فارغة ومشاريعه في الزواج تحتاج دعم مادي ..
    وهو حاطك مصدر دخل مستقبلي مضمون قاعد يحاول يجهزه باستماته احسن تجهيز ..
    لو مشيتي على خطته .. ياسلااام
    بتلاقيه يتنطط لك بعدين كل يوم بقصة شكل ..
    مرة اقساط .. ومرة ساعديني ..ومرة سفريني على حسابك ..
    هذا غير فكرة المرافقة لك لو انقبلتي في الابتعاث 
    طبعا بيستفيد سفر ومصاريف تجيه على طبق من ذهب ..
    واكيد بتمر السنين والوحدة فينا كل ماكبرت صار موضوع الحمل صعب عليها من كل النواحي 
    بيجيكي بعد كم سنة بيقولك انا ابغى اولاد
    انتي ماعاد تنفعي للخلفة ..
    هذي توقعيها 100% 
    انتي بالنسبة له مصدر دخل لا اكثر ولا اقل ..

    انا لو مكانك بفكر بخباثة شوية طالما الموضوع خباثة في خباثة .. 

    لو عندك مجال تنقبلي في الابتعاث في هذي الفترة .. لاتتأخري
    اسكتي عن موضوع الخلفة وانسيه شوية ..
    قدمي وخلصي امورك وسافري وخذيه معاكي .. استفيدي منه ..
    اعتبريه وسيلة لتحقيق اهدافك 
    ولا تبيني له هذا الشي .. شوفي شغلك وانتي ساكتة .. 
    قدامك كم سنة؟؟
    بالكثير ثلاث سنوات او اربعة لين تخلصي صح ؟؟ 
    خذيه بالمسايسة وطنشي ايش ماشفتي منه هناك لين تخلصي دراستك ..
    بيكون عمرك صار في الـ 34 
    لسه فيه فرصة للحمل والخلفة ..
    وقتها حطيه بين خيارين ..
    يا اما تخليني احمل واخلف واعيش حياة طبيعية مع زوج مسؤول عن زوجته واولاده وبيته ..
    والا الله يسهل عليك ..
    كمل في العاب المسيار حقك بعيد عني ..
    انا ماراح اكمل واضيع وقتي معاك ..
    وراي مستقبل بعيشه بالطريقة اللي تناسبني ..
    اذا وافق على الخلفة وشفتي حاله انعدل ..
     حلو .. محد يكره الاستقرار ..
    كملي معاه وخلفي وخليكي حريصة ونبيهة 
    لاتتنازلي عن الوظيفة ..
    اتوظفي وجمعي فلوسك لنفسك .. 
    يصرف عليكي وعلى اولاده وعلى بيته غصبا عنه .. 
    خليه يخبط في الارض من البهذلة ومايفضى لنفسه ابدا .. 
    ولاتعطيه هللة وحدة لو يموت ..

    اما لو موضوع السفر محتاج وقت ..
     معناته لازم تكملي دراستك في بلدك ..
    اصحك تتنازلي عن مستقبلك ..
    في هذا الزمن مايفيدك الا تعليمك ووظيفتك ياحبيبتي .. 
    اختصري على نفسك وجع الراس والوقت .. 
    وعطيه الكلام على بلاطة ..
     منتي مضطرة للمسايسة واللف والدوران ..
    قولي له انا كملت ماجستير وانا عند اهلي 
    وتزوجتك عشان اكوّن أسرة ... 
    مو عشان استنى حضرة جنابك متى ماتبغى ومتى ماناسبك وعلى مزاجك !!
    حكاية انك ماتبغى شي يشغلني عن دراستي
    هذي ماهي راضية تنبلع لي لا ناشفة ولا بمويه !!
    لو ابغى اكمل دراستي وانا حامل والا وانا اربي اطفال صغار بكملها ..
    المسألة ارادة ورغبة ..
    انت يظهر لي انك واحد ماتبغى تنربط بمسؤوليات بيت وزوجة واولاد 
    وقاعد تدور ورا قصص المسيار واللعب والاستهبال ...
    ماحسيت بالمسؤولية بزواجك مني 
    ولا حبيت يكون لك اولاد مني .. 
    الاستنتاج الوحيد اللي ممكن اطلع به من كلللل الحوسة هذي ..
     انك ماتحبني .. ولاني مالية عينك .. ولا حسيت بالاستقرار معاي ..
     انتهى ..
    لاتقعد تحلف وتسوي على راسي افلام التضحيات وانك تفكر في مصلحتي ..
    مصلحتي انا اعرفها تمام .. 
    دراستي ووظيفتي والسنين اللي بتمر علي كلها في مصلحتك انت .. 
    مخطط اني انكرف في الدراسة
    وانكرف في الوظيفة
     واكبر في العمر وتضيع فرصتي في الخلفة ..
    وانت بتجي بعدين تحمّلني جميلة
    وبتلعب على وتر انا ساعدتك وانا ضحيت وانا سويت وعملت لمصلحتك ..
    كله عشان تستفيد من وراي استفادة مادية كبيرة
    واكيد بتستغل اني ما ابغى الطلاق وانا في عمر كبير وماعندي اولاد يسندوني في كبري ...
     وتكمل مشوار الدون جوان المرغوب اللي كل يوم والثاني متزوج ومطلق 
    وبتحتفظ ببير البترول اللي هو انا على الرف .. 
    متى ما احتجت مادة ..
    تجي ركض وتغني لي موال التضحيات !! 
    لا حبيبي .. انا لسه صغيرة والعمر قدامي .. 
    وماراح اكمل في وضع زي هذا ..
    الله يسهل عليك مغامراتك 
    وانا الله يسهل لي اللي يستاهلني .. 
    بكمل دراستي وانا في حضن اهلي 
    ان جاني نصيبي الطيب الحمدلله بتزوج واخلف واتوظف واعيش حياتي ..
    وان ماجاني برضه الحمدلله  ..
    الله يخلي لي بنتي ودراستي ووظيفتي
    اعيش حرة نفسي عيشة ملكة
    اصرف على نفسي وعلى بنتي من غير ما ابلش بواحد عديم مسؤولية زيك ..
    معليش اعذريني طولت في كلامي
     بس قصتك متشعبة كثير محتاجة تخططي لها وتفكري في كل الاحتمالات ..
     ربي يوفقك ويفتح لك ابواب الخير وينور بصيرتك ياقلبي ..

تابعي تجارب أخرى من هذا القسم.