زوجي طلب من ابحث له عن مسيار

يا عزيزتي النوعيات اللي ذكرتيها ( اللي عندهن ظروف ) تقبل المسيار بمعناه الشرعي وهو التنازل عن بعض حقوقها برضاها لكن ما تقبل أنه يكون مثل الزوج أعلاه يكون سري ويطلقها متى ما يبي أتحدى أي واحد يشترط على امرأة إنه يطلقها متى ما يبي وترضى وأساسا غير مباح الزواج بنية الطلاق !

المرأة أي امرأة هدفها الأهم من الزواج هو الاستقرار النفسي وزواج المسيار قلق نفسي إذا فقد شروطه الشرعية

وعلى فكرة قلت بنجد منتشر أنا نجدية وفي نجد ما عندنا هالزواج ولا سمعت لا قريب ولا بعيد بالعكس اللي سمعته سخط على هالنوع من الزواجات وفيه قصة قصة معروفة صارت في الرياض واحد طلب يتزوج أخت واحد مسيار وهو صديقه وكان عنده قهوجي هندي قال لصديقه لو طلب هذا يقصد الهندي أختك تزوجه ؟ قال يخ ... ي قال هو عندي أرجل منك

استغرب من بعض الحريم يقول لها زوجها تدور له زوجة وتفكر كيف البس واكشخ له
هو أصلا ما احترمك بدال ما تفكرين باللبس والحركات والاغراء فكري كيف تخلين زوجك يقدر مشاعرك ويحترم انك مثل أي أنثى تغارين
وقصه انه يمنعها من الحمل هذا مو بيدك ولا بيده وقصه الطلاق هذي النوعيات من الرجال يطلق اذا شبع مو اذا قلتي له طلق والمفروض لما قال كذا قلتي له لا أنا ما أعينك على ظلم احد
الله يصرررررف زوجك عن الفكرة

مع الاسف بعضهن فعلا عندهن ظروف وتقبل يكون سري
وقولك ماسمعت بنجد بزواج المسيار
لانه سري فكثير مايعرفون الناس عنه
البعض يتزوج من بلدان عربية يروح كانه رايح يصيف او يقول رحلة عمل وهو رايح لزوجته
ولبعض يكون عنده اعمال بمدينة ثانية فيتزوج من تلك المدينة الثانية ولما يروح يبيت عند زوجته الثانية
فيه مقطع باليوتيوب عن هذا الزواج
وحده بمدينة جدة تقول متزوجة مسيار
ويجيني زوجي كل فترة وزوجته واهله مايدرون
وفيه وحدة زوجها متزوج مسيار وهو له مزرعة ويقول لزوجته الاولى بروح مع ربعي وهورايح مع زوجته
فكثير من الرجال عندهم حيل فمااحد يدري عنهم
الله يبعد أزواجنا عن هالزواج

الله يعينك بس

بالله كيف منتشر وفي نفس الوقت سري ما يعرفون الناس عنه !

الزواج لما يكون مسيار ممكن يكون سري عن الزوجة الأولى وأهلها مو عن كل الناس ! وأصلا من شروط صحة الزواج إشهاره !

سري معناها يختلف عن معنى مسيار !

مسيار يعني تتنازل عن حق السكن وممكن المبيت لكن مو معناه ما أحد يعرف !! لو كان سري يكونوا موضع شبهة

فرق بين سري ومسيار !