انا وبناتي وابوهم وعذابي

شوفي حبيبتي ,,


ابوهم طبعه ماراح يتغير ,, بس حلوة الحياة ترى

لانك شادة عليييهم كثير ,, ترى بكرى لما يكبرو راح يكون ابوهم صديقهم ,,

وانتي الا ماتحبيهم ,,


للمعلومية لانهم في سنة طفوله خليهم يكبرو شوي 9 او 10 سنوات ,,[تشوف انهم راح يبدأو يخجلو من ابوهم

فاقول خليهم على راحتهم ,,وبالنسبه للجهاز ,,ترى الطفل لين ينعطى الثقه يكون قدها

افضل من تعطيها اياه وهو كبير بيكون يحب يستكشف اكثر ,,بس تحتاجو مراقبه

وتنظيم وقت ,,

امي كذا مانتجرأ نزعجها لانها دوم تصارخ وتضرب وتسب
لكن هذا مو يعني اننا نحترمها! لا لاننا نخاف منها
نصيحه خلج مرحه مع عيالج
لاتقعدين تصارخين اربع وعشرين ساعه
استانسي خليهم ينططون عالسرير وشفيها؟
حطي لها اغاني اسلاميه للاطفال وطولي عالمسجل واستانسي
الحياه حلوه لاتعقدينها
بصراحه زوجك جداً رائع
صعب تلاقين حد مايعصب اذا حد قومه من النوم
وبناتك يدخلون ويطلعون ويزعجونه واهوا بعد يبوسهم ويحضنهم ويدلعهم
ماشاء الله
صدقيني بكره بناتك راح يحترموا ابوهم كثيييير
احنا تقريباً كنا نفس وضعكم
امي كله معصبه وابوي يدلعنا ويضحك معانا
واحين كلنا نحب ابوي ونحترمه ونتهاوش من ابوي يحبها اكثر
اما امي دايم نتهاوش معاها

عندنا وعندكم خير كانك تتكلمين عني

انتبهي الدلع الزايد ممكن يضر خاصه البنات لانه مهما كان المغريات كثيره حولنا تخيلي تجيهن رسايل اباحيه من الصديقات
احنا في زمن يخوف 

طفله في12 سنه وجدتها والدتها تكثر من العاده السريه وتجاهلتها وفكرت تفتح الايباد وتفاجئت بصور اباحيه ومتعرفه ع شباب في عمر15 20 

المشكله انها اخبرت زوجها بكل شيئ وتحول الدلع والدلال الى قسووه شديده منه لدرجة ان الفتاه مرضت ....

اذا كان مافي فايده في زوجك انتي كثفي التفتيش دون ان تشعريهم بعدم الثقه

من اللي بيقول غيرانة


لا حبيبتي انتي صح وكلامك صح

التربية مو كلها دلع
ولا كلها شدة


الوسطية والاعتدال بكل شي هو.الصح

الله يهديه صراحة

ناقشيه دايما واساسا الطفل لمدلع بزيادة يطلع اناني اذا كبر ولا همه الا نفسه

يعني حتى ممكن يطلع غير بار لأنه ما يشوف احد احق من نفسه بكل شي


لا تسكتين ناقشيه دايما بس مو.قدام البنات

واذكري له امثله كثير انحرفوا الله يحفظ.ذرياتنا بسبة الدلع لأن من أمن العقوبة اساء الادب

شي يضرهم ما اسويه عشان يستانسون
وين دور التربية
الله يهديه وينور بصيرته


ويرزقك برهم.وصلاحهم