حالتي الغريبة

زي ماقالت الاخت ام لأحلى بنت سوي تحليل فيتامين د أعرف وحده نفس حالتك واسوأ وضلت تعاني فتره الى مااااااهداها الله وسوت تحليل فيتامين د وطلع عندها نقص حااااااااد وتعالجت والحمد لله الحين بصحه //عسى الله يشفيك

الي معك اسمه وسواس الموت

انا مريت فيه بعد وفاه جدتي

لاتهملين نفسك ترا يزيد

نصيحتي لك

اطلعي كوفي ولا هيئي لك جو هادي وجيبي ورقه وقلم واجلسي مع نفسك
كل نقطه من النقاط وفيها بحقها من الوقت ولا تنتقلين للي بعدها الا بعد اقتناعك التام فيها حتى لو اخذ اقتناعك فيها ايااام !!!!!!!


اقنعي نفسك وريحي ضميرك كيف ؟


١- اعرفي ان الموت حق وان محد بيعمر في الدنيا هاذي
كل الناس بتموت - (مافي احد بيعيش حياه ابديه )


٢- قولي انا اصلي و انا اصوم و و افعل الخير المفروض مو انا الي تاثر فيني الفكره هاذي
الافكار هاذي تاثر لوحده عاصيه ربها - تغني - راعيه شباب - عبايتها تفضح اكثر من انها ساتره
وهكذا ( لو كان عندك اغلاط في حياتك صححيها اولا مرضاه لربك ثانيا اريح لضميرك يعني تسمعين اغاني
بطليها - راعيه نميمه وغيبه بطليها ) شعور البكاء والخوف الي فيك -- خوف من الذنوب الي انتي تسوينها لانك عارفه انه حرام بينما لو كنتي ملتزمه و تقرين قران ومحافظه على صلاتك بتقولين عادي واذا جاء الموت الحمد لله بقابل ربي وانا مرتاحه ( توبي عن ذنوبك ) و بدخل الجنه


٣- فكري فيها هل بكاك و ضيقه صدرك راح تاثر على وقت موتك تقدم ولا تاخر -
كل التاثير الي بيصير هو افقادك لطعم الحياه الفرق بينك وبين غيرك انه لما يجي الموت لهم ببيعيشون لحظته بينما حياتهم السابقه عاشوها بطولها بعرضها & اما انتي نكدتي حياتك ودخلتي في اكتئاب و بعدها متي !!

الفرق بالمختصر هم عاشو ماضيهم و انتي موتي نفسك الف مره باليوم بسبب نظرتك التشاومـيه




٤- سوي لك خطط تغير
تقربي من ربك
مثلا ماتصلين في وقتها لا ( صلي في وقتها و تسنني بعد )
مثلا ما تقرين قران الا كل ثلاث ايام عشان ماتدخلين من ضمن الهاجرين له لا ( اقري وجه بعد كل صلاه )
وانتي في السياره اقري في اي وقت اقري
مثلا انتي متعوده ماتصومين ال ٦ من شوال لا ( صومي ٦ و صومي اثنين وخميس و البيض )
اكثري من ذكر الله


٥- خالطي الناس
اجلسي مع الناس وسعي صدرك انا كان تعبي في الصيف ايش سويت
الصبح في تحفيظ مع اني انسانه عاديه موب مطوعه
ارجع اتغدا اريح شوي اروح معهد كورس انقلش ساعتين
ابدل واطلع اتمشى بسوق - ازور قرايبي - اطلع اتعشى

فيه كثير دورات تقدرين تسجلين فيها
انقلش - كمبيوتر - مكياج - نادي مثلا

اقري اذكارك - اشربي مويه زمزم بنيه شفاك - اقري على نفسك او شيخ او اي احد يقرا عليك يوميا


اانا ادري انه لو مشيتي بكلامي في اقل من ٣ شهور بتكونين انسانه ثانيه
كل الي ابيه منك بس ابي دعوه بالزوج الصالح وان الله يجعلني له كما يريد و يجعله لي فوق ما اريد

برضوا فيه كتاب لعايض القرني اسمه لاتحزن اقريه

والبقره لا تخلينها

حللي فيتامين دال

اااااااااااااااب