انا و صديقاتي و الحش

السلام عليكم

ابتكلم عن شي مضايقني أولا انا ثقتي بنفسي ضعيفة جدا و لا اعرف أتكلم و لا شي و لا اعرف امزح أحس انه عقلي فاضي

و أشوف البنات من الشلة اكثر بنات محبوبات و الكل يهتم فيهم و يبي يمشي معاهم و حقات فله و وناسه هم البنات الي يحشون بالناس و يحشون بطريقة لبسهم و شعرهم و أحيانا شكلهم او تصرفاتهم
و ما اكذب عليكم لو قلت لكم انا بعد أحس أنهم وناسه و احب اقعد معاهم بس بنفس الوقت أغار منهم لانه عندهم هذي الجرأة و عندهم خفة الدم و الثقة بالنفس و الكل يحبهم و مهتم فيهم و أحس اذا الواحد كان فله و خفيف دم لازم يحش
و ما احد يحب يمشي معاي و يحسوني سخيفة و مملة
و عششان هذي الأسباب نفسي اكون مثلهم حاولت مرة بس أصلا ما عرفت أنكت و كنت سخيفة و دمي ثقيل ، بعدين قلت الحش حرام و الحين انا حايسة بتفكيري أحس اني متضايقه
ريحوني بكلامكم تكفون