مواقفكم قبل وبعد الـرجيـم ..

وحده من البنات الله يسامحها وانا رايحه اختبر قدرات شافتني قالت صايره دبه كنك فيل شكلك زايده 30 كيلو وانا سمنت بعدها بعشره والي يقهرني بزيادة مره وانا طالعه من المحاضره الا بنات يأشرون ع شكلي وبطني مع اني البس واسع :06: ويتضحكون ويأشرون عيني عينك بس سويت نفسي ماشوف وبعدها سويت لهم خزه لين شالو عيونهم يارب انحف ولااطفش الله ينحفنا ع خير امين :redface:

انا سمينة من يوم ماانولدت كنت الطفلة السمينة الوحيدة في الحارة والكل يعلق علي حتى اخواني ماينادوني الا دبة وكنت كل ليلة انام وانا ابكي لدرجة صرت انطاوئية وحساسة جدا وماعندي ثقة بنفسي ومرة وانا في سادس كنت جالسة مع صديقاتي يسولفون وضحكت الا فجأة وبدون سبب صرخت فيا وحدة : انت دبة ليش تضحكين معنا مستحيل انسى هالموقف وكرهت هالبنت ومن يومها وانا احاول في الرجيمات ولما وصلت لاول ثانوي صارلي موقف كنا في رمضان وطالعين من باب المدرسة الداخلي وكان زحمة وضاغطين البنات على بعض الا وحدة من فصلي قالت يافلانة تقصدني انحفي زحمتي علينا ورجعت البيت وضليت ابكي وبعدها باسبوعين بديت رجيم قاسي ونحفت مرة ولما رجعنا للمدرسة اللي تشهق مستغربة نحفي واللي تجي تسأل بس ياحسرة رجعت سمنت على ثالث ثانوي ومن يومها لهاليوم وانا احاول وافشل وصار الموضوع مسيطر على تفكيري حتى كل شي في حياتي مأجلته حتى انحف ولما اتزوجت زوجي عاجبه جسمي بس انا من كثر ماني تعبانة من جسمي وعملت دايت ورياضة سير واوربت تراك ومانزل وزني واكتشفت انه بسبب حبوب منع الحمل ساءت نفسيتي ماقدر استمر على رجيم حتى التخفيف ماقدر التزم اول النهار واخرب في الليل وبعد الولادة سمنت كثير ودايم يلقاني زوجي ابكي ويسألني وللأسف وهذا الشي ندمت عليه قلت له : جسمي مو حلو جسمي سمين وصار للاسف هو بعد ماكان راضي عن جسمي صار يذكرني ويقول : مرة سمنتي خفي على نفسك بالاكل ومرة رحنا للملاهي نلعب الاولاد وجيت اجلس على كرسي خشب الا قال انتبهي تكسرينه واحيانا يقولي قومي امشي بالحوش خففي هالشحوم واخر موقف امس كنت في سيتي ماكس ووالطابور عند المحاسبة طويل ولما جا دوري وتجي وحدة نحيفة طلبت مني بذوق احاسب لها معاي عن بلوزة وحاسبت وكان باقي لها فلوس معاي ولا في صرف ورحت سألت زوجي واعطاني الفلوس وطبعا شاف جسمها ولما روحنا قلت يالله نسيت اعطيها الفاتورة قال لا ماعليك النحاف مايحتاج يبدلو ... يارب ينحفني وينحف كل سمينة على خير ويشفيني من هالمرض يارب

كل مارحت للجامعه في بنتين عصاقل الله يسامحهم يمسكون جنوبي وينقزون يقولون لي اضعفي والا عطيني شوي من هذا مايدرون ان المتين هو ابو الاحساس بكبره عاد انا حساسسسه مرررره ودموعي اربع الي يقهرني زياده البنات الي معي في الباص يتكلمون جسمي وجسمي عاجبني وانا حلو علي اكون كذا ووحده منهم قالتلي انتي جسمك حيللل صعب :redface: مايحسون بالي يقولونه حرررام مثل ماهم بشر حنا مثلهم محنا بكائنات غريبه يارب انحف واتخلص من السمنه واكون بصحه وخير يااااارب وانتو معي:kiss2:

ماشاء الله أهنئك على إصرارك وعزيمة أن شاء الله دوم رشيقه

رفع