موضوع خاص لعيوووب الاجهزة لكل وحدة خسرت فلوسها باجهزة منزلية عل الفاااضي ^^ ^^

روعه الموضوع. جزاك الله خير يا صاحبة الموضوع
بالنسبة للاجهزه بأكثر ماطحنا بالمدح والخرط الفاضي بس خسارة فلوس
عجانة السيف الكاملة فااااااشله بمعنى الكلمة اللي تجي معاها فرامة اللحم وخلاط عصير
وبعد القلايه فعلا صرف زيت وعند التنظيف تتمني انك ما اشتريتها
بس اشتريت قلاية فلبس بدون زيت روعه
اله المصابيب حلوه بس رجعت على الصاجه اللي على الغاز أحسها افضل في النتيجه

رووووووووووووووووووعة مشاركاتكم الله يسعدكم
استفدت كثيرررر

موضوع جميل

بالنسبه لي خلاط مولينكس ابو القطع الكثير خرب من ثالث استخدام
غسالة ال جي الاتوماتيكيه ماتنظف ابدا ابدا صرت احط فيها عباياتي والملابس اللي فيها ريحه بس بدون بقع
تشيل الروايح لكن ماتنظف البقع
قطاعة نايسر دايسر دعايه كذب بكذب شفراتها مو حاده والخضره تنشب فيها وتتعبني بالتنظيف

حبيت الموضوع

بالنسبه لي في الصداره قلايه مولينكس
زيت كثير وريحه وتنظيف صعب مركونه من 8 سنين وكل ماناظرتها اقول بطلعها

محضره الطعام مولينكس لونها اصفر انا ماشريتها كانت بتجهيزات بيتي وقت الزواج

استخدمتها مرتين وكان فيها عيب الحوض مجوف اذا شلته انكب كل الخليط وطلعناها

غساله الصحون لسبب الماركه اللي عندي ما اشوفها تذكر مع انها كانت غاليه
انا حجزتها قبل زواجي ويوم راح زوجي يستلمها قاله هذيك خلصت واعطاه نوع ثاني
وانا كنت جاهله بهالامور اني ابحث عن افضل شي وكذا فماعرفت اختار للاسف تطلع لي الصحون بوصخها
وخيارات التنظيف محدوده

غساله ملابس ال جي جننتني بمعنى الكلمه بس قديمه قبل 8 سنين وطلعتها
الان كمان شريت غساله جينيرال الكترك مره قطعت لي ثياب زوجي وبعض الغسيل يطلع بوصخه
بس ما ابي استعجل عليها اكيد انا مو عارفه لها

وأنا مثلك رجعت للممسحه الدواره افضل منها وتنظف
والممسحه بعتها وارتحت وتوبه اصدق الدعايات