وين الحريم. . وينهم. .؟

الله يرزقك من واسع فضله

يا بنات. . اول شي بس حابه اوضح بعض النقاط المهمه :
انا متربيه فبيت حشمه وادب وذوق وعزة نفس وشموخ. ماتعودنا على الطراره او الشحاثه او التسول ابدا. . . ابوي كبير قبيلتنا وكلمته ماتصير كلمتين من قبيلة حرب العريقه وابوي من ملاك المزارع وخلايا العسل في الجبال والغنم ولكن الظروف تتغير فيوم وليله سبحان اللي حاله الدوام. . اليوم ابوي كبير بالسن وطريح الفراش بسبب جلطه وكبر السن والله يختم له ولي وللجميع بحسن الخاتمه .. وماله الا الضمان اللي يصرف به على من يعول. .. ارجع لموضوعي اللي عمرها صغير ماراح تفهم إحساسي ابدا واللي ماعندها اطفال ماراح تحس بمعاناتي. . كل الوظائف تشترط العمر من 18/35 طيب وينهم فيه لما كنت اصغر من كذا ،،،!
كانوا يقولون لازم خبره ولازم خريجه ووووو. . وكل فتره يطلعولنا شروط ماسمعنا بها في الاولين والاخرين كل الدول توظف الكبار وماتعقدها فوجه اي محتاج او مضطر وشوفوا دول الخليج حتى اللي معاه المتوسطه له وظيفه. ..كلا على حسب شهادته. ..تخيلوا الان انا في مفترق الطرق. . اي وظيفه ماتقبلني لاني بلغت الاربعين ونا مازلت بحيويتي ونشاطي وشبابي. . كن هالعمر عمر النهايه رغم انه عمر النضج والركاده. . الحرم قدمت فيه وقبلوني ولما قلتلها عمري اربعين قالت ممنوع قلتلها يعني فين نروح كل من وصلت للاربعين مالها حق تتوظف تخدم بلدها وتخدم نفسها واولادها. . قلتلها الرجال انتم حاطين شروط العمر إلى خمسين قامت تشرح وتقول الرجال مو زي الحريم. .ومن هالخرابيط اللي مالها داعي بينما لو جاتها وحده معها واسطه لو عمرها ستين راح يقبلوها. .؟
طيب الحين لما انصكت كل الابواب فوجهي اش اسوي احرق ملفي وشهاداتي. . الابتدائيه والمتوسطه والثانويه وحتى دورة المعارف ،،ووو احرقها افضل اش استفيد لانهم حكموا ع هالعمر ب الفناء وانتظار قطار الموت. .!
لما اطلب مكافأه من الملك اشوفها اقل شي يقدم لفئتنا المنسيه لا امل في وظيفه ولا حافز ولا اي شي. حتى ابواب الرزق يبغالها راس مال كبير. . ووجود الاجانب قلل فرص العمل ..

الله يصلح الحال والعباد ويرزقني واياكن المال الحلال

اشتبين بالوظيفة تنعمي بحياتج مافيه احلى من الراحة .. تزوجي غني وافتكي اشتبين بالشقا ..

ههههه ضحكتيني .. شكلك ماقريتي هذرتي. .:icon33:
تزوجنا وانتهينا :44:

نورة
اعرف وحدة والله العظيم تعينت العام الماضي وعمرها خمسين او اكثر بشوي
بالنسبة للتعليم ما يشترط فيه العمر بالنسبة للوظايف
انا احس الوظيفة لو تجيني الان او باخر الثلاثين جدا حلو اوقف انجاب واتفرغ لعيالي وتربيتهم واطلع كل يوم معاهم وارجع البيت معاهم
اشوفها شئ طيب لو يصير لي كذا
لكن مشكلتي ابدا زوجي مو مقتنع اروح بعيد عن مدينتنا ابدا وهذا قلل فرصتي في الوظيفة
وغير سلك التعليم مايبغى عشان الاختلاط وانا ما ابغى
احس العمل في التعليم هو البيئة الصحية لبنات مجتمعنا وديننا
بالامكان جدا انهم يخلون الصحة مثل التعليم وباقي الدوائر الحكومية لكن مايبغون

تصدقين وظائف ديوان المظالم جدا مناسبة لمؤهلاتي معي بكالوريس عربي ودورات حاسب الي وقدمت بس زوجي خلاني اكنسل يقول ماتعرفين الدوائر الحكومية وايش يصيرفيها

انا تعبت ابغى اتوظف عشان اغير جو بس لا اكثر لو راتب قليل مو مهم