مشكلتي محرجة شوية ومعقدة .. أفيدوني الله يجزاكم الجنة

مرحبا بنات عالمي االجميل

أنا في بداية زواجي تأخرت بالحمل
لوجود تكيس وصغر حجم البويضات وبطانة خارجية وترددت كثير على مراكز طبية وعيادات
والحمدلله بعد صبر الله رزقني بأول طفل
وبعدها بكم شهر حاولت أجيب طفل ثاني والله أكرمني
الحمدلله كما ينبغي لجلال وجهك وعظيم سلطانك يارب

الآن أبغى أمنع الحمل
استشرت طبيبتي قالت أحسن شيء لك حبوب أو لولب
حبوب منع الحمل جربت كذا نوع ياسمين ومارفلون وجنيرا وديان 35 تسمني
وتنفخ بطني وشعري يتساقط وأنا مو نحيفة فيني سمنة شوي ومو قاصرة
وزوجي أصلا يبي عيال ومستحيل يتقبل فكرة الإنزال بالخارج
صرح لي من قبل إنه يتضايق جدا ويتضايق من العازل كمان ما يرضى يستخدمه
وأحس لو حملت الآن بظلم نفسي وزوجي وعيالي يحتاجون اهتمام

اللصقة ما ودي أستخدمها لأن فيها إشكال شرعي مع الغسل
ما بقى أمامي إلا اللولب وكمان خايفة منه

والله مدري وش أسوي انصحوني كيف أمنع الحمل بأفضل طريقة؟؟

24 تعليق 4,060 مشاهدة

شاركي في النقاش

سجلي الدخول لإضافة تعليق.

التعليقات

23
  1. لا لا انتبهي مافي شي اسمه ايام امان في تبويض مبكر وتبويض متاخر بس ما اقدر انصحك بالباقي لاني ما افهم في موانع الحمل انا بجرب العزل وماشي معايا
  2. @bayaa_almsk

    مافيه شيء اسمه امان لانه اغلب اللي حملوا هنا بطريقة الامان والعد ومدري كيف

    انتي استخيري الله صلي صلاة استخاره
    وشوفي الله ايش يوجهك له عشان ماياثر عليك بعدين
    والابر ابعددددددي عنهم لانهم ينفخون الجسم ومستحيل ينزل وزنك واثارها الاغلبيه يتاخرون بالحمل بسبب الابر وبعضهم يتعالجون بسبب الابره هي اشد مدمشاكل بين الموانع لاتفكرين بالابر

    عندك اللولب وحبوب
    صلي استخارة وشوفي الله ايش يوجهك عليه

تابعي تجارب أخرى من هذا القسم.