الزيارات

أكثر شئ ماحبه ..

يكونون الأطفال بنفس الغرفه مع الحريم .. يزعجني جداً

م تعرفين تقهوين ولاتسولفين زين كله صياح وحوسه ..

الافضل يحطون الأطفال بغرفه ثانيه يأخذون راحتهم ب اللعب واحنا نأخذ راحتنا ..


ويزرعجني بعد .. سوء الاستقبال يعني تجين احد تحسين انه مو مرحب بك ولا يرحب فيك ولايحسسك انه نبسط بشوفتك ..

عكس لما تدخلين على احد وابتسامته شاقه وجهه ويرحب ويهلي ونفسياتهم زينه وحلوه هذول يجيبون السسسسسسسسسسعاده ..


🌹❤😘

يزعجني الرسميه والتكلف احنا نجي نسولف وننبسط مو نجي نستعرض على بعض وصاحبه العزيمه تمد سفره من اول الغرفه لآخرها وتلاقينها يومين تكرف فيها ويوم العزيمه مايجي الا وهي مهدوده من الشغل احب البساطه بكل شي تقديمات وغيرها يعني احنا نظامنا لو بنجتمع صاحبه البيت ماتسوي غير نوع حلا او مالح والباقي كل وحده بتجي تجيب شغله معاها

اللي يضايقني التجريح في جسمي لاني دبا وكل جمعه لازم يتريقو فيني وفي شكلي بس الحمد الله اهم شي اني مرتاحه بشكلي ومتفبلته لاني ماني ناقصه ولا فيني عيب ربي خلقني كذا اللهم لك الحمد يارب ع فكره ترى وزني بالثمنينات وفيني طول بس تعرفون الحريم اذا شافوك مرتاحه وكاشخه لازم يعيبون انا حظي في الغرباء احسن من الاقارب عندي صديقات وجارات انبسط معهم بس مع الاقارب نادراً وبرضو يزعجني الهياط انا زوجي يجيب لي وانا رحت المكان الفلاني وانا اشتريت من الماركه الفلانيه ترى كلنا نعرف نلبس ونعرف نطلع ياهووووه ههههههه وبس

اول شي الطفله اللي ترتز عند ركبت امها وت سمع و تندمج مع سوالف الحريم .. (( يا حريم نصيحه اللي بنتها كذا تقومها ))
انا عن نفسي صراحه اتضايق و اصير مالي نفس اسولف و اتنرفز ..

اللشي الثاني لما يدخلون البزوره و يقشون كل اللي ع السفره < حركه تفشل
و المصيبه انهم اهل البيت (( حلو انك تأكلي اطفالك من اللي بتقدميه للضيوف عشان اذا جو ما تتفشلين ويكونو هم خلاص جربوه )) ..

اللشي الثالث لما تقعدين و تقومين و انتي غاثه اللي بالجلسه بالسوالف عن زوجك وولدك و الا بنتك خلاص يا بنت الحلال فكينا ..

وووو ايش كمان مممم بس هذا اللي يحضرني الان اذا افتكرت بجي اقول


ياليت كمان كل وحده تقول نصيحه للي تستقبل او للضيفه تنبيه يعني زي حركة اللي بناتهم الصغار يقعدون يسمعون سوالف الحريم