مصلحات غريبه في هاتف زوجي

بجد بجد انتي مكبره الموضوع حبتين..تعوذي من الشيطان ...و بعدين وين المشكله اللي تبغي لها حل...مافي شي ثابت عليه..و لا تفتحي هالموضوع معه لانه بيقلب عليك..و الشي الثاني اذا الرجال فيه خير معك..انتي بتكرهينه فيك لو بينتي له شكوووكك...و بيتغير عليك للاسوا و خلي الامور زي ماهي..لا تقعدي تفسري و تسوي فيها محقق...لو في شي..بينكشف قدامك بإرادة رب العالمين مهما خبا و تحايل عليك..و بيكون انكشافه قدامك بشي ثابت و قوي..فانتي ريحي دماغك..و اهتمي بنفسك..و لا كانك شايفه شي...لا تفتحي على نفسك باب الشك تراه ما حينقفل بسهوله..و بطلي تفتشي الجوال حتى لو نيتك سليمه ..مع الايام يمتلي راسك افكار سودا من كل مسج يجيه او يرسله..نصيحه لك حتى تعيشي حياتك..و الا انتي اللي بتدمري عيشتك معه

البنات اللي يقول ..عادي التفتيش و مدري ايش و الا فتشي...ترى التفتيش في اي شي يخص الزوج و العكس يعتبر نوع من التجسس و الله لعن المتجسسين..ثانيا اللي يتوكل عالله ما يخيب..و ثالثا اللي تكلم و قال عادي التفتييش و انهم عادي كشخص واحد...يا انها باقي جاهله..او ما قد جربت و دخلت في مشكله بسبب التفتيش ذا
و يا حبيبتي صاحبة الموضوع انا اقولك.عن تجربه و كان عندي اثباتات..بس على مشكله من نوع ثاني...و كان زوجي برضو مسوي مثل زوجك معطيني الباس و جواله بيدي باي وقت..لكن عشت 5سنين مشااكل و هم و غم ليين تركت التفتيش . و كانت في حركات ترفع الضغط لدرجه انها تراكمت بقلبي عليه..ليين حصل موقف زي ما يقولو هذي القشه اللي قصمت ظهر البعير و كان تافه الموقف..و رحت لاهلي..و نشرت غسيله الوسخ و تفهامو معه اهلي..يمكن يكون عندك مثل صبري و يمكن لا...بس انا كان عندي اثباتات عليه..مو مجرد شكوك..و لكن اول اتصال جا له من وحده كان مشكوك فيه و لما تكلمت عليه من بعدها تغير..و الا الرجال..ما كان في احسن منه و ما يقصر علي باي شي...بس من بعد ذاك اليوم تغير..و انكسر شي فيه..فلو كنت ما فتشت..يمكن ما حصل شي..يمكن حس بذنبه و الا انفضح بين خلق الله و طلعت انا منها..و يطلع هو الغلطان ميه بالميه..و الا كان سكتت و غضيت النظر...لكن لا ذا و لا ذاك..و ما عاد رجع مثل اول..صاير زي اللقمه اللي بحلقي لا هي تنزل و ارتاح و لا هي تطلع و ارتاح..بسبب اسلوبي الخاطئ معه..انصحك زي اختي..و انتي بس شاكه..ما عندك اي دليل..و على فكره ..الاثباتات اللي حصلت عليها ترى ما فتشت وراه..ربي يفضحه قدامي و ما عاد يقدر يلف و يدور و الا حتى يكذب..والله يهديك و يهدينا يختي للحق

لاعاد تفتشين جوال زوجك ترى بتجيبين المشاكل لنفسك

ماعندي علم بالمصطلحات

بس ان شاء الله مايكون راعي سوالف حشيش وخرابيط مثل ماانتي شاكه

الله يهديه ويسخره

حبيبتي صراحه م فهمت شي بس انتي لا تحطين شي يمكن هو مو في باله و انتي تدخلينها و تجني ع نفسك ,, و اذا م شفتي الشي بعيونك او سمعتيه باذنك مالك سبب ,, كل كلامك ظن و شك مافي اكيد.. استودعي الله زوجك و لن يصيبنا الا ما كتب الله لنا