***أعلن فرحتي بأحلى خبر وأبشركم بقدوم أغلى البشر.. تباشير مواليد سبتمبر و أكتوبر6***

متابعة النقاش، صفحة 103

شاركي في النقاش

سجلي الدخول لإضافة تعليق.

التعليقات

1,990
  1. منايل الشرقيه
    الكشف اذا كان الرحم مفتوح ومع الأسترخاء مافيه الم 
    الله يجزاك خير يارب والله يتمم لي ولك ولكل البنات لكن الدكتورة تقول لي لاتعتمدي على السونار اللي اللحين وخليك على اول سونار سويته لك واول سونار معطيني آخر موعد 23 شهر 10 ميلادي شكلي مطولة لين ادخل التاسع
    الله يسهلها من عنده
  2. @hbobh10

    مبروك طيبتي ظلمتني والحمدالله على سلامتك

    انا نفسي اولد هاليومين او ما اولد الا لما اتم التاسع زوجي بيسافر الجمعه ومره شلت هم شكلي بوقف مشي ومارح اجهد نفسي ابد
  3. السلام عليكم ورحمة الله وبركاته



    الف الف الف مبرووووك للي ولدو الله يجعل مواليدكم خير عليكم ويجعلهم من عباد الله الصالحين يارب ويجعلهم ممن يبر بأءباهم





    اعذروني الفترة اللي فاتت كنت مشغوله بأستقبال الضيوف و البيبي الجديد





    راح احكي لكم قصة ولادتي



    التاريخ المحدد لولادتي في 1/11

    شهر 11

    لمى رحت للدكتورة في 20/10 قالت لي الجنين مقعد لازم تحددين " نعمل لك عملية تدوير للجنين "لف الجنين ، أو توقعين على عملية قيصريه ، أو تغامرين بولادة طفل مقعد وطبعا قالت لي عواقبها خطيره

    قالت لاااااازم الحين تقررين الحين

    قلت وش احسن شئ طيب قالت التدوير "تقليب الجنين"



    قلت لو وافقت عليها متى بتكون قالت بكره جاني رعب وقتها قلت طيب خليني افكر قالت ما تطلعين من عندي لين تقريرين :icon33:

    لأن خلاص فاضل لك 11 يوم قلت طيب بس لا تخلينها بكره ابغى على الأقل بعد بكره الخميس ابغى استخير الله :(



    ووقعت على ورقه فيها أني موافقه على تدوير الجنين وقالت ممكن أنك ما تجي الموعد وتكنسلي علشان كذا وقعت



    رحت البيت و جلست احبي واحبي واسجد وفتحت اليوتيوب وشفت مقطع لدتوير بطن حامل اشوفها تضحك والدكتور يدور بطنها بعدها فتحت مقابلة لطبيب اردني يتكلم عن هذي العملية تطمنت واستخرت الله ووكلت أمري لله

    ولمى جاء الخميس " كان موعدي الساعه 8 ونص الصباح في مستشفى الحرس الوطني قمت واستحميت و توكلت على الله سبحانه وصلت المستشفى على الساعه 8 وربع ولاقي قدامي كذا وحده في الأنتظار اللي مطوفه معوشره واللي مثلي واللي طلقها بارد :06: المهم وانا جالسه على الساعه 9 حسيت بالام خفيفه مثل الشد العضلي تجي وتروح خاصه على جنبي اليسار :eek:

    المهم جهزوا لي السرير وركبوا لي الحزام حق نبضات الجنين و كل مره تشتد التقلصات شكيت أنه طلق بس كان خفيف مو مره قوي لمى جاء الدكتور ومعاه 3 ممرضات سعوديات و2 فلبينيات جاني رعب على كثرتهم وقامت الدكتورة كشفت أول على الرحم قالت عندك طلوق خفيفه لازم اشوف الرحم يمكن فاتح الا لقته مقفل قالت لي يالله تو الحين لفينا لوحده زيك ومشت بيتها إن شاء الله انت كمان قلت إن شاء الله ربي يسهلها لي

    المهم بدت لف الجنين بيدها والله حسيت كأنها تلف حجر مو طفل:icon33: بغيت امووووووت الم فضيع واقلها وقفي وقفي وهي مستمره الأخت الله يسامحها والله ندمت على اني وافقت على اللي المهم قامت بعد ما طلعت روحي وقفت شوي ولفت وانا اقول الله يرضى عليك خلاااااااااااااااااااااااااااااااااااااااااااااااااااااااااااااااااااص:o ما عاد ابغى قالت استحملي قربنا نخلص وهم يشوفون وضع الجنين عن طريق الجهاز المهم لمى الدكتور مسك بطني الله يرضى عليه وقام يلف قال لا كيف تلفي وهي عندها شد في بطنها و الطلوق بدت تزيد وقال الطفل رفض يستجيب لعملية اللف سبحان الله والرحم مشدود عندك

    قال عموما يا اختي ما راح نزيد عليك اكثر من كذا لأن عندك طلوق وإن شاء الله يفتح الرحم راح نجيك بعد ساعتين ونشوف إذا فتح الرحم وتركوني من ساعتين لساعتين وكل بعد ساعه ساعاتين يشيكون على الرحم تقولي باقي ما فتح ابداً وانا في نفسي اقول لعله خير يارب وادعي والله ما خليت احد حتى انتوا يا بنات المنتدى ادعيلكم كل ما جاني الطلق



    وكل شوي يزيد الطلق وفجاءه اسمع صوت وحده تصرخ بقوووووووووووووووووووووووووووووووووووووووه والله خفت ارعبت المستشفى تقولون شفطتها كهرب ولا انحرقت الله لايبلنا و ادعيلها ربي يسهل عليها مسكينة واشوف من بين الستارة كل المستشفى متجمع عليها وشالوها لغرفة الولادة مسكينة بعدها صابني الرعب والخوف و تمنيت اني ما حملت ولا مت قبل
    ولا اعيش هالرعب والخوف



    اللهم لك الحمد على كل حال يارب

    المهم على الساعه 5 العصر قالوا لي خلاص الرحم عيا يفتح معك ابداً الحين عمليتك وقعي " قلت اوكي وما صدقت اوقع خلاص ابي افتك من هم والم الطلق بعدها دخلوني غرفة العمليات و اشوف كم دكتور و دكتوره وممرضات والله إحراااااااااااااااااااااااااااج بس خلاص وقتها وش نسوي والحمد لله طلعت على الساعه 6 من غرفة العمليات وجبت ماجد ربي يخليه لي ولا يحرمني بره يارب



    طبعاً عندي ولدين من قبل

    الأول جبته واعطوني ابرة ظهر ما حسيت بالولادة

    والثاني ولادة طبيبعية بس سبحان الله ميسره وسهله ما امداني اروح المستشفى الا جلست يمكن 4 ساعات وولدت الحمد لله

    والثالث مجووودي طلع روحي الله المستعان بعملية قيصرية
    بعد ما خلصت ولادة افتكرت مقطع اليوتيوب اللي شفته لعملية التدوير والأمريكية اللي تضحك أشك أنه مركبين لها شئ أو مأكلينها شئ مو معقول انها ما تحس باللي حسيت فيه والله موووت مع العلم أن طريقة لف بطنها غير عني
    والله لو قالوا لي عيدي تجربة التدوير مستحيل اعيدها توبه إن شاء الله



    حبيباتي عسى الله يهووون عليكم ويسهل أمركم وولادتكم يارب

    نصيحه مني لا تنسون ادعية الولادة و لا تصيحين وقت الطلق والله ما يفيدك استحملي ووكلي أمرك لله وكثري استغفار وادعية

    ما راح يفيدك كثرة الصراخ



    اسأل الله العلي العظيم رب العرش العظيم أن يخفف على كل من تطلق في هذه الساعه ويسهل عليها يااااااااااااااااااااااااارب



    هذي قصة ولادتي

    اللهم لك الحمد حتى ترضى ويرضى وجهك الكريم

تابعي تجارب أخرى من هذا القسم.