عروس في ازمه السنعات تعالو

السلام عليكم بنات انا عروس جديده متزوجه لي شهرين الشهر الاول قضيته في رمضان الاكل كلو علي اهل زوجي اتفطر عندهم والشهر الثاني سافرت شهر العسل ورجعنا اسبوعين. اكلنا كالتالي :
الفطور : من مطعم / الغدا : من اهله /العشا : من مطعم :09:
من رجعنا من السفر وهو مفلس وماشرينا للبيت اكل بس كاكاويات وعصاير وشبس وكوفي وشاي وجبن كرفت وهو اصلن متحسف يجهز البيت من اكل لان عسكري مرابط دوامه كل الاسبوع وما اشوفه الا خميس وجمعه والسبت يرجع لدوامه وانا طول ايام الاسبوع اجلس في بيت اهلي :06: وبيضل دوامه كذا لين شهر مارس يعني ما اشوفه الا اربع مرات في الشهر :dry:
اللي ابيه منكم الحين تعلموني كيف اتجهز له كل نهايه اسبوع لازم اطبخ شي علي الاقل فطور وعشا مابيه يجي ويروح واكله كله من المطعم والغدا اهله ومايسون الا رز ودجاج يوميا مافي تغيير في الطبخه وان نفسي ملييت. مطبخي ماجهزوه لي ابد ومافيه شي انا شريت ملاعق وشوك وسكاكين وكاسات ماء ومطاره شاي وقهوه وسكانات شاي واكوابه /:09::44: ناقصني مقلي وجدور ودله للقهوه وصواني تقديم والخ يعني يبيلي اجهز مطبخ متكامل كلمته قالي اصبري اسبوعين وعلي الراتب نشتري / الحين ابي لسته لتجهيز المطبخ من جدور وصحون مدري ششتري ويومين پالاسبوع هذولا لازم اجهز لهم مقاضي ليومين فقط عشان مايخيس الاكل في الشقه يعني بصير مثل اخوانا المصرين اشتري اكل باليوميه مدري احس اني ضااايعه وبصييح ساعدوووني :09: :09:

13 تعليق 2,951 مشاهدة

شاركي في النقاش

سجلي الدخول لإضافة تعليق.

التعليقات

11
  1. @taanatk_kfayh

    اولاً الف مبروك ياقمر ان شالله تتهني ومنه المال ومنك العيال بالنسبه لاغراض المطبخ انصحك تاخذي طقم سفره كامل في اشكال والوان واسعارهم حلوه وتوفر عليك بدل ماتجيبي كل قطعه لوحده وتتعبي في التنسيق وبالنسبه لاغراض الطبخ قرري ايش بتطبخي قبل ماتروحي بيتك واشتري تلطلبات ع قد الطبخه وروحي بيتك قبل يجي زوجك من العمل وجهزي طبختك واستقبليه باحلا طبخ والله يسعدك ويهنيك
  2. @roh_mghlyha_10

    حبيبتي بما انك عروس ولسى جديده مايصلح شيل وحط لاحقه عليه و دوام زوجك أغلب الاسبوع حاولي تستفيدين بتجهيز حلو وبسيط
    اخذي طقم جدور واحد ولاتسرفين واخذي تجهيزات طاوله السفره
    بحيث تستقبلينه بأكل بسيط ولذيذ موفقه خير حبيبتي
  3. @pink_rose_11

    صاحبة الموضوع
    شكرا علي الردود بس انا ابي رد استفيد منه انا جاهله باغراض المطبخ والطبخ

    ابي لسته مشتريات لمواعين المطبخ
    عطوني اكلات اسويها للعشا
    عطوني افكار للتقديم
  4. @raboob22

    اول شي الف مبروك

    ثانياا حنبدا بالفطور اشتري مقلاة صغيرة علشان تسويين له بيض عااد زي ماتحبيين بيض مقلي او شكشوكة او امليت او بيض عيون اللي يريحك وتحطي معااها جبن وزيتون وقطعي طماطم وخياار حلقاات ومربي وحلاوى طحينية وزبدة

    والعشااء اشتري طقم صياني تيفاال او بايركس وسويله صينية ايداام المنتدي ملياان صيااني ايداماات وحطي معااهاا رز ابيض وسلطة كماان المنتدي بسم الله ما شاء الله ملياان انوااع من السلطاات وحطي معااهاا عصير

    اليوم الثااني حطي علي الفطور فول سويه انتي في البيت وحطي معااهاا من الاكلات اللي ذكرتهاا فوق ومعااهاا شاهي

    والعشااء سويله مشااوي فيه دجااج تجيك مبهرة وجااهزة انتي بس اشويهاا وحطي معااهاا طحينيه مقااديرهاا علبه زباادي وملعقتيين طحينيه و اعصري عليهاا ليمون وحطي ملح وقطعي معااهاا شوي كزبرة وجيبي خبز من برا وباالعاافيه واذا ماتحبي الدجااج المتبله الجااهزة فيه في المنتدي طريقة تتبيل الدجااج

    *** بس قبل كل شي فكري في الاكلات قبل ماتروحي بيتك وسويلك فيهاا قائمه علشاان ماتشيلي هم وش تطبخي واكتبي في ورقه ثاانيه الطلباات اللي انتي محتااجتهاا وكماان فرفري في هذا المنتدي رااح تستفيدي منه كثييير


    والمواعيين اللي تحتااجينهاا ** طعناات كافيه ** اشتري طقم سفرة كاامل راح تلاقي فيه كل شي هو صح غالي بس بيوفرلك كل شي تقريباا والبااقي اشتري خلاط او فيه خلاط ماركه مولينكس فيه كل شي تقريباا يجيك فيه اجهزة كثيرة
    واشتري صواني تيفاال وبايركس واشتري طقم جيك عصير قزاز بكااسااته وملاعق خشب علشاان الطبخ وكماان اشتري قدور بس فيه قدور لمن تمسكينهاا مره خفيفه هذي مو زينه يحرق فيهاا الاكل بسرعة خذي اللي لمن تمسكينهاا تحسيين انهاا ثقيله هذي النوعيه حلوة فيه ماركه القدور مرة حلوة اسمهاا سته اكتوبر صنااعه مصرية مرة جنااان اناا عندي منهاا واشتري علب حقت السكر والشااي والقهوة وفيه بكس مرة حلو للبهااراات مجموعه كامله تجيك وصحوون تقدييم للقهوة والشااي يجيك طقم كاامل فيه احجاام كبير ووسط وصغيير و اشتري صحنيين او ثلاثة تكون وسط علشاان تقدمي فيهاا الاكل وكااساات للحلا وحاافضاات للاكل خذيهاا من السيف مرة حلوة وخذي حاافضاات بلاستيك علشاان اذا زاااد عندك اكل تحطينهاا فيهاا



    هذا والله اللي قدرت افتكرة وانتي اذا نزلتي راح تشوفين حااجاات تفتكرينهاا والله يعينك وييسرهاا لك ياارب

تابعي تجارب أخرى من هذا القسم.