شاركي في النقاش

سجلي الدخول لإضافة تعليق.

التعليقات

77
  1. @thf

    انقليه وجيبي له مدرس للبيت يأسسه ...
    ولو ما تقدرين موب لازم ... أهم شيء ولدك ومستقبله الأخلاقي ..
    ماتخافين عليه يتطور الموضوع لشيء أكبر !!!! ماجاء في بالك ان هذي مقدمات للإعتداء عليه ؟!!

    ياشيخة لو ولدي ومافيه غير هالمدرسة في الديرة فصلته ... ولا خليته يتعرض لهالتحرش .
  2. @thar_althkryat

    صاحبة الموضوع
    أسعدتني نصايحكم ودعواتكم الله ييسر لكم كل عسير ويحفظ لكم أحبابكم ،وبالنسبة للي تقول مدرسة أهليه ماعندنا إمكانية للأسف وبرضه ماحس انه حل جذري عموما راح أنقله مدرسة بعيدة شوي إن شاء الله وراح احاول انه مايطلع من البيت وراح أفهمه بالطرق اللي قلتوها بصراحة أستفدت منكم جزاكم الله خير الجزاء وبالنسبة للي تقول حلقي شعره والله إني أحلق له عشان الحر يتضايق منه وملابسه ماألبسه ضيق أبدا لانه نحيف وبالنسبة لموقف جيراني ف البداية أنصدموا مره وبعدين ضربوهم ووحده ارسلت لي صورة ولدها واتس وهو يبكي 😔كأنها تقول هذا اللي تبينه !!عموما شاكرة لكم نصايحكم ودعواتكم وراح اذكركم بدعوة في ظهر الغيب 🌹
  3. @kh_yal_anth_1

    اختي تبين ولدك يتأسس صح ؟ تبين معاملة حلوه يتلقاها من المعلمين ؟ تبين تطلع مواهبه ؟
    دخليه مدرسة تحفيظ نصيييييييحه يا اختي دخليه تحفيظ حتى لو كانت بعيد عن البيت ولدك أولى وحمايته أولى
    أنا جربت ودرست في التحفيظ والله اني ليومك هذا احمد ربي وادعي لاختي الله يجازاها الجنه اللي دخلتني تحفيظ تدرين اني ختمت القران مرتين وأجر الختمه لي ولها ؟
    اذكر بأولى ثانوي البنات طلعوا من التحفيظ بحكم يبون تخصصات علميه والتحفيظ فقط ادبي
    اغلبهم اذا مو كلهم راحوا ورجعوا من اليوم الثاني يقولون من اول مادخلنا طارت عيوننا ماصدقنا على الله نطلع
    لا تعامل البنات ولا حركاتهم الشاذة ولا تعامل من المعلمات ولا ولا ولا .........
    لدرجة لما رجعوا صرررخوا : الحمممممدلله رجعنا لـ ( جنّة ) التحفيظ !! ❤️
    تخيلتي معي ( جنّة ) لدرجة قالوا حلو اننا طلعنا عشان نعرف قدر التحفيظ ()
    ياخيتي والله نصيحه مجربه اذا تحبين ولدك طلعيه من مدرسته ودخليه تحفيظ حتى لو لو ( لو ) رفضوا يدخلونه السنه هذي وش فيها يجلس أخلاقه اهم وسجليه السنه الجايه على خير ..
    أنا بإذن الله عيالي مستقبلا ماراح ادخّلهم غير التحفيظ ، حتى لو نوى يقدم على معصيه يكون فيه رادع وهو القران والمحاضرات اللي تُقيم ..

    * نصيحه بسيطه ياحبي لقلبك لاتضربين ولدك كثير ؛ لاتضربينه الا بالاشياء الكبيره زي كذا عشان يعرف ان اللي صار شي مو سهل .. عكس لو كنتي تضربينه كل يوم مثلا وعلى كل خطأ بيحس انه عادي يعني خطأ مثله مثل غيره ، فهمتين ؟
    واننننتبهي تهاوشينه قدام الناس هالاشياء تأثر على شخصيته كثييير ..
    والله يوفقك عيوني .. ارسلي لي رساله خاصه وش قررتي بتسوين ..
    شلت همك مررره :(
  4. @thar_althkryat

    صاحبة الموضوع
    مشكورة خيال أنثى فعلا كلامك صحيح أنا مره طبقت في مدرسة تحفيظ ولاحظت الفرق ،بحاول ان شاء الله ومشكورة ع ذكر تجربتك وربي يوفقك ،معليش ماقدرت أرسل رسالة خاصة أنا توني مسجلة ف المنتدى ماادري ليش 
  5. @alfrashh_alasyrh_1

    خلي زوجك يهددهم بالضرب ..وبالنسبه لابنك خليه يختلط مع غيره من الاطفال اللي تثقين فيهم ..وقوي شخصيته بالتفاهم مو بالضرب ...
    الله يحفظ ولدك واطفالنا جميعا من هذا الزمن المرعب

تابعي تجارب أخرى من هذا القسم.