السلام عليكم ورحمة الله و بركاته
:)
هذي أول مشاركه لي في قسم البشره و إن شاء الله ما تفشلوني ... و أشوف ردودكم :42:
بنات ممكن كل وحده جربت تقنية ال Soft Light لإزالة الشعر إتحط لنا تجربتها و هل فعلا إستفادت أو لأ ....
وأنا أول وحده راح أكتب تجربتي المريره مع ال Soft Light :( ....
أنا كان عندي شعر في وجهي ... و كنت أحس إنه كثيف و مسمر بشرتي وايد ... مع إن كل حد قال لي إن شكله عادي بس أنا ما كنت متحملتنه ... فسرت عند الدكتوره و قلتلها أبا أشيله بال lazar .. بس قالت الدكتوره ال lazar ما راح ينفع معاي لأنه الشعر إلي في وجهي ناعم وايد و يمكن يزيد بدال ما يقل ... فنصحتني بال Soft Light ... فتوكلت أنا على الله و سويته ... و ياليتني ما سويته ... خرب بشرتي :( .. طلعتلي حبوب في ويهي و أنا إلي ما كانت عندي و لا حبه .. و حرق لي تحت شفايفي و بعده معلم مكانه ... :06: ...
ما شاء الله كاتبه قصة حياتي أنا :22: ..
ناطره ردودكم على أحر من الجمر .. بس لا تحبطوني ...
إختكم فرمولاااااااااااااااااااا :bkh:
شاركي في النقاش
سجلي الدخول لإضافة تعليق.
التعليقات
10- فعلا انا زميلتي تجرب اللايت بجسمها وظهرها وكله احمرار ومثل الحرق وماحس له ذاك التأثير وانا استخدم اللايزر بس الحمد لله فيه فرق واضح
- نسيت أقولكم إنا الدكتوره قالت إنا الشعر راح يطلع بعد شهر و نص أو شهرين ...لكن طلع بعد إسبوعين .. كأنك يابو زيد ماغزيت :44: ...
- موجه زرقاء ..
مشكوره حبيبتي على الرد ...
:) - معقوله 66 مشاهده و بس وحده إلي ردت ؟؟؟؟؟
الصراحه أحبطوني وايد .. شكلها هالمشاركه آخر مشاركه لي :( ... - ويش دعوى الصراحه عن نفسي انا ما عندي اي فكره
ولا تزعلي انشاء الاخوات ما بيقصروووووووووووون وياك
مواضيع مشابهة
تابعي تجارب أخرى من هذا القسم.