ياليت كل وحده تعطينا أسم المستشفى الي ولدت فيه >> يوجد موضوع مثبت

:(

مرحبا:

الله يجزاك كل خير على الموضوع....

بس زي ما قالت أحد الاخوات لازم نخلي أعتمادنا على الله قبل أي حاجة ، لانه اللي بتتسهل ولادتها أكيد بتمدح المستشفى اللي هي فيها ، أما الله بتتتعسر أو تصير لها مشاكل بتسب في الدكتورة و المستشفى مع انه اللي صار لها مكتوب لها و في أي مستشفى و مع أي دكتورة...



بالنسبة لي:

ولادتي الثلاث كانت في مستشفى خالد الجامعي ... و مرة حلو و نظيف و ممرضاته كل اللي مروا علي حبوبات...
بس ما حبيت المتابعة فيه لانه في كل مرة دكتورة شكل ، و أحيانا كلامهم مختلف عن بعض ففي حملي الاول حددت لي أول دكتورة موعد ولادتي ، و لما كنت الشهر التاسع دخلت على دكتور غير فهبل بي و جلس ينافخ انتي الى الآن ماولدت المفروض قبل أسبوعين ن عاد انتم دوروني بس هالركب تتنافض و شوي يغمى علي مع انه بقى يومين على موعدي ، و قال لازم تنويم و فعلا دخلت و لما جاء الدكتور المناوب أستغرب و قال مين اللي دخلك هنا انتي باقي عليك أسبوعين بكرة راح أكتب لك خروج، ابلشوني.. بس رحمة ربكم أوسع جاتني الولادة في الليل و طلعت من عندهم ببنتي..

و حاجة ثانية مو حلوة عندهم التكييف في غرف الولادة جليد ..

بس الغرف مرة نظيفة ، و كل الحاجات اللي تبغينها موجودة ، و الممرضات اللي صادفتهم كانوا حبوبات ، بس تراها حظوظ .. و بعد اذا لغتك زينة و قعدتي ترطنين عليهم صارت قمة عندهم و كانوا يقولون لزوجي لما يجي يزوروني هاذي نمبر ون ، شافوني سويكته و ما أتطلب عليهم و أرطن عليهم...

بالنسبة لولدك صح يجبونه عندك بس علشان يبغونك ترضعينه و تتعودين ، بس لما تعبت من ولدي و صياحه جاءت الممرضة و أخذته عني و قالت لي أنا بنومه...

الغرف كان معي فيها حريم ثانيات الا ولادتي الاخيرة كنت في غرفة خاصة يمكن لانه بنتي ولدتها ميته فرحموني بس بصراحة انا ما عرفت أنام لحالي ، خفت بصراحة...

أنا الحين اراجع في المستشفى السعودي الالماني عند الدكتورة هالة جمعة مرة حبوبة و كثير مدحوها لي ، بس لسى ما جربت الولادة ، و لا شفت غرفهم ، لما أجرب بقولكم.. أن شاء الله..


و الله يتمم علينا كلنا بخير و عافية..

كيفكم يابنات
ابي استفر عن اسعار الولاده في مستشفى الحمادي ودله والمملكه..
الله يوفقكم:26: :26: :26: :26: :26: :26: :26: :26:

انا ولدت الاول في العسكري
بس الله يسامحهم اشد ما اتعبني فيهم طريقة قياس ارحم جابولي وحده سمينه من جنوب افريقيا
عطوني طلق ثم ابرة ظهر ويوم قربت من الموت سوو لي عمليه قيصيريه بتخدير موظعي
شفت الموت بعينه والخوف الحقيقي
بس ماهو كل من شفت يسبه لان التسهيل من عند ربي بلا شك
وهذا مجرد رايئي الشخصي فيه

اختي بالنسبه للحمادي انصحك بالدكتوره ريما الحمادي واذا دله انصحك بدكتوره اسمها(ممتازه)
واذا بمستشفي التأمينات دكتوره شاهده وبالنسبه للمملكه ماعندي خبر والله يسهل عليك يارب ولاتنسينا من الدعاء وقت الطلق