غرفة النوم للمتزوجين يعني اثنين يناموا فيها .. الزوج والزوجة ...
اللي مسوي فيها الحساس الرقيق اللي ينزعج من الهمسة
الله لايهينه يشيل مخدته وبطانيته ويفرش في المجلس ينخمد براحته ..
اما يطردك وانتي تسمعي الكلام وتخرجي من الغرفة زي الشطار المؤدبين !!! خير ؟؟؟
ماتعرفي تدافعي عن حقك وتتكلمي .. ؟؟؟
اليوم الرقيق حقك ينزعج ياحياتي ويتضااايق ياحرام من وجودك في الغرفة
بكرة يقولك اقعدي في المطبخ عشان منظرك مطفشني وانتي تمشي في البيت ..
وانتي بكل انكسار ودمعتك على خدك بتروحي المطبخ
اقولك ... قووومي امسحي دمعتك قطيعة تقطع اللي ينزلها من عينك يا امي
روحي غرفتك وفكي الباب بقوة افجعيه خليه يطير من مكانه وريه الازعاج على اصوله
وارمي نفسك على السرير ونامي
وان قالك اطلعي برا قولي عسى عمرك مانمت
تقدس خصوصيتك ومنت قادر تنسى سريرك ايام العزوبية ..
محد ضربك على يدك وقالك تتزوج !!
جايبني من بيت اهلي عشان اتشرد في بيتي ما اعرف انام في غرفتي ؟؟؟
تعرف تناديني وقت مزاجك ذيك الساعة يحلى لك وجودي على السرير !!!
وطنشيه ونامي خليه يخاصم من هناك لبكرة ..
صحيتي من نومك وتبغي تروحي الحمام ؟؟
حطي تحت السرير شبشب مزعج والبسيه وانتي رايحة الحمام
صرقعي ابو الدنيا فوق راسه بمشيتك على البلاط
وفكي الباب بقوة .. اتعمدي الازعاج وريه اللعانة كلها ..
وكل يوم ادخلي غرفتك وان كثرها في الكلام اليوم اللي بعده قفلي باب غرفتك على نفسك
خليه ينام عند الباب ..
عندك واحد قليل حيا يبغالك تنسي الحيا والادب معاه ...
لاتجي وحدة تقول يمكن عين ويمكن سحر ويمكن شعوذات وتدور له اعذار ..
هذي اسمها قلة حيا وانعدام رجولة وانعدام شهامة .. قرف لابعد حد ..
حتى لو عين والا سحر والا زفت الطين ...
بإمكانه يلاقي حل لنفسه ينقلع ينام في اي داهية في البيت من غير يطرد زوجته من غرفتها ..
الله يقطع سخافة بعض الرجال وثقالة دمهم ..
دمعي علي خدي معندي احد غيركم اشكي لها
متابعة النقاش، صفحة 3