&&" احلى تجمع لأمهات الصف الاول ابتدائي 2013-2014"&&

سلام اخباركم خواتي

ايش رايكم يا بنات كل يوم نقول الماده والدرس الي اخذته بنتك وايش المهم الي تحفظي ياه مثلا

ماده العلوم : درس المخلوقات الحيه والغير حيه المطلوب حفظ تعريف المخلوقات الحيه والغير حيه وفي هذا الدرس اعطوها واجب انها ترسم في ورقه0
فهمتوا يا بنات بالله عليكم ضروري انا انتفاعل مع بعض عشان عيالنا وان كون متاكدين كل درس ايش المفروض ايش يحفظ
ادري بربرت كثير بس والله اني في حاجه لكم وانتو كذلك صح
راح ابدا انا :
القران : حفظ سورة الفاتحه و سورة الناس واليوم اكيد بتسمعها لها الابله 0
رياضيات : التصنيف وفق خاصيه هذا الي اخذوه امس وبنتي تحل مع الابله في الكتاب بصراحه ماني عارفه ايش المطلوب انه احفظها او افهمها 0
العلوم : مثل ما ذكرت فوق.
يا بناااااات نبي تفاعل واكشن المايك لكم

الله يعافيكم ساعدوني بارائكم واقتراحاتكم 

سجلتها ف انترناشونال فيه احد مسجل نستفيد من بعض ياليت تجي خاص 

اشراقة المجد
غلط كبير ان الباص يرجع الولد اذا صاح وما رضى ينزل المفروض ينزلونه غصب ويستدعون المدرس وينزله مو يرجع البيت
كذا بيتعود كل مره بصيح لحد لما يرجعني الباص
اذا كان ابوه يقدر يروح معاه يوصله يومين ويخليه يتعود على المدرسه يكون احسن
وانتي بالبيت خليه يحس بهتمامك فيه وانك تحبينه اكثر من اخته على شان تخف الغيره عنده وحاولي تشجعينه بالكلام والالعاب وان شاء الله يتقبل المدرسه ويحبها

ملح الحياء
فكرررررره روعه لاني انا نفس الحاله ماعطوني الخطه الا نهايه الاسبوع يعني شنو استفيد منها!
المفروض تعطيني ايها مع بدايه الاسبوع على شان اعرف شنو اخذوا
بالنسبه لبنتي
العلوم: الطريقه العلميه (حفظ) ،، المهارات العلميه ( الاستاذه مأشره على 4 منهم بس ومو كاتبه عليهم حفظ ما ادري احفظها اياهم او لا)،، تعليمات السلامه اخذوها ولا ادري احفظها او لا والله اني ضايعه مع معلمة العلوم

القران : سورة الفاتحه كامله والتقيم اليوم

التوحيد : مايجب معرفته

الفقه:تعظيم القران (حفظ)

التربيه الاسريه: بنتي نست الكتاب وان شاء الله تلاقيه اليوم وترجعه معها

لغتي : من البدايه الى الوحده الخامسه بس كلمات (ابي امي اخي اختي......) احفظها اياهم ولا لأ؟ انا حاليا احفظها الحروف اللي اخذتهم في الوحدات

الرياضيات: حل ص 6، 7، 8 في كتاب النشاط

ياليت القى تفاعل منكم ياحلوين

اشراقه المجد

والله غلط يرجعه انا زوجي رجع بنتي لانها تصيح وعصبت قلت ما ترجعها نزلها عند الحارس وخلها

هو يدخلها وصرت انا اروح معاها ادخلها واطلع وهي تصيح ما علي الحين كانها هدت شوي الحمد لله

بس باين اللي فيه غيره لانك ابتعدتي عنه فتره حاولي انه يكون دايم بحضنك ويجلس معاكي سولفي معاه

لا تقولي صغير تراه يفهم بهالسن فتره ويرجع مثل ماكان اذا نام اقري عليه


الحفظ كل درس حفظيها من البيت عشان تتشجع وتشارك مع المعلمه واذا كتبت حفظ عليه حفظيها ما كتبت

معناته مو حفظ وتحت اسفل الكتاب تلاقي تعليمات المفروض كل اسبوع روحي الخميس واسالي المعلمات

عن بنتك وقولي الاسئله اللي عندك منها ترتاحي وتتطمني على بنتك وتاخذي فكره الحفظ وكل شي

او اكتبي رساله وثبتيها على الكتاب او بملف انا اكتب واحط بالملف وهم يردون علي