:::ّّّالى كل ام لديها طفل يحتاج رعايه خاصه:::ّّّ

بنتي مافيه مدرسه قبلتها تعبت ابيها تتعلم

كله كوم ونظرة المجتمع كوم ثاني

ربي أهداني طفل توحدي والحمدلله وهو في مركز الفكريه في الرياض للأسف هذا المركز زي قلته يحتاج إلى تأهيل اما بنسبه لجلسات النطق فهي مره كل ثلاث أشهر في مستشفى العسكري ولا يوجد أهتمام في صحة أسنان الطفل التوحدي لان غالبية المستشفيات لايوجد لديها الغاز الضاحك وحسبي الله ونعم الوكيل

انا اخوي معه فرط حركة وتشتت بلانتباه بالتالي تأخر نطقه والله اني احزن عليه كل عيال جماعتنا يوم يشوفوه ينادونه بالغبي وهو يا حبيبي مو فاهم كلامهم ما يقدر يتواصل مع اللي بعمره او يلعب معهم ، يلعب مع اللي اصغر منه او اكبر بس اللي بعمره لا
حنا اهله نفهم عليه لكن اللي برا لا
وعمره اللحين 7 سنوات وما نعرف وين نوديه او كيف تتحسن حالته
اللي تعرف تبلغني تكفون

أخواتي الغاليات افيدوني جزاكم الله خيرآ مالحل مع طفل من ذوي الاحتياجات الخاصة عمره 10عشر سنوات ويخجل دائما لأن البلل يتسرب إلى ملابسه وقد غيرت نوعية الحفاصات بانواع كثيرة بس للأسف نفس شيئ ساعدوني اثابكم الله ....