معلومات تفيدك عن هرمون الحليب حبيت اشارك كل من عندها هرمون حليب

@hlatk

السلام عليكم


اولا الحمدالله علي كل حال واسال الله ان يرزقني ويرزق كل اخت تقرا موضوعي وتشارك فيه


هرمون الحليب

اتمني من سيده تراجع فحص هرمون الحليب ان تنتبه قبل قيام بالتحليل بالمختبر
تتبع الاتي

وهذا ليس كلامي
كلام



دكتورتي حبيت افيدكن واسال الله ان ينفع فيني امه محمد ولو بالقليل



هرمون الحليب 1/ من الخطا القيام من النوم مباشره والذهاب لمستوصف او مختبر لقياس هرمون الحليب معروف وشائع لدي الاطباء النوم يرفع معدل هرمون الحليب لدي اجراء التحليل مباشره من النوم



الحل / الاستيقاظ قبل اجراء التحليل بالمختبر بساعتين او ثلاث ساعات بعدها الذهاب للمعمل لتحليل الدم



خطا اخر 2/ عند سحب عينه الدم عليك الانتباه ان لاتخرج الممرضه الابره وترجع الابره لسحب عينه الدم
معناه هالكلام بعض الممرضات توخز اليد بالابره وترجع توخز لمره ثانيه وتسحب الدم هو خطا وارد لكن ماياثر بنتائج الهرمونات الاخرى ويؤثر فقط بهرمون الحليب
الحل / اعطيها اليد الاخري تسحب العينه ممكن بعض الممرضات ماتعرف هالمعلومه والخطا وارد وشائع وماله لزوم تصرخي علي الممرضه وتشتمي فقط اعطيها هالمعلومه علشان تفيدي غيرك وتفيدي نفسك قبل كل شي


3/ النوم ساعات طويله بالايام العاديه سواء عطله او دوامات غيري هالنظام وفكري عندك هرمون حليب ولازم تجاهدي حاولي نومك يكون 8 ساعات كحد طبيعي للانسان الطبيعي

وشكرا



بنات ادعوا لي بتيسير اموري

وان ربي يفرج همي عندي مشكله بحياتي وهو ابو زوجي يدخل في حياتي انا وزوجي وسبب عدم الانجاب مشاكلي مع زوجي كثير والسبب ابوه
الله يسامحه الا يبغي يشوف التحاليل بعينه علشان يصدق كلامنا له انه من رب العالمين وماقسم لنا لسه


اكره الفضايح واحس هالامر لازم يكون بين الزوج وزوجته عندي مشكله هرمون الحليب واتعالج وانا ساكته لكن ابو زوجي والله غثنا انا لو ضامنه انه يستر علينا كان تكلمنا لكن راح ينشر اخبارنا بين الناس طالع لي هالايام


انا وزوجي نلعب ومانتعالج ادعو لي بالصبر انا تعبت ومشاكلي مع زوجي كثرت زوجي متضايق من ابوه وابوه كثير يضغط عليه ويجي يتفشش فيني وانا ماعاد اقدر اتحمل تعبت صبرت وفوت بما فيه الكفايه اكثر من 7 سنوات وانا اكتم وهرموني يرتفع بسبب هالمشاكل

9 تعليق 2,178 مشاهدة

0 0

شاركي في النقاش

سجلي الدخول لإضافة تعليق.

التعليقات

9

  1. @hlatk

    صاحبة الموضوع
    انا انظر للموضوع ان تاخر الانجاب ومشاكل التاخر بالانجاب فقط من حق الزوجين ماله داعي الواحد يمشي ويقول لناس حتي لو اهلي واهله احنا نتعالج وفينا كذا وكذا انا اشوف كشف عورات والله ساتر علينا وصابره وزوجي صابر ومقتنعين ان اذا ربي كاتب لنا خلفه راح نخلف والحكمه بالتاخير بيد ربي ولا اني معترضه

    ادري فيه اخوات راح تدرعم وتقول من حق ابوه اوكي من حق ابوه بيشوف عياله بس ليش الناس الن ماترحم وتدوس عالجرح وهي عارفه انه جرح والله لو المشكله فيهم انخرسوا محد بيفتح فمه ولااحد فيهم راح يفضح بزوجته زوجتي فيها وفيها والله احس بضيقه وغصه وحرقه
    ليش كذا الناس ماعاد تخاف الله
    مااتكلم انا وزوجي وساكتين ومانقول وش السبب ليش مايحترمون هالشي ويبعدون عن طريقنا وين المشكله لا تركونا لوجه الله


    مانتكلم مانهرج نشوفه شي شخصي ومن حقنا كزوجين اهلي ساكتين ولا يسالون
    لكن اهل زوجي يطاردونا
    تقربت احسنت اهديت لعل وعسي الناس تستحي يتركونا بحالنا
    زوجي كتووووم واشوفه يتعذب باليوم 100 مره ومن اقرب شخص له يجي بكل بساطه انتم ماتتعالجون انتم تلعبون تبغوني اصدق بشوف تحاليلكم بعيوني
    وين واحنا بندخل الثلاثينات الان اعمارنا ونجي كنا بزران خذ شوف انا وزوجتي مافينا شي

    كثره زن ابوه وتعب زوجي النفسي اثر حتي علي هرموناته تعبنااااااا اعطوني حل وش السوات مع ابو زوجي والله اني كرهته استغفرالله يارب سامحني بس غصب عني يابنات

  2. @froooh_alshmal

    الله يجزاك خير ويفرج همممممك ويرزقك الذزية الصالحه
    حتى ابو.زوووووجي مره شايل همي انا وزوووجي بس ماقد سألني ابدن ولايفتح هالموضوع معاي بس ام زوجي تقولي عمك يقول خليهم يشوفو وضعهم يروحو دكاتره ربنا خلق الداء والدواء ...بس ياختي مو لهالدرجه حتى حت  التحاليل يشوفها ...انتم سوو اللي عليكم والباقي على رب العباد انا اعتبرها خصوصيه والواحد يتعالج بالكتمان احسن انا خلاص صرت اتعالج انا.وزوجي بالكتمان مالي خلق وش سويتي وش ماسويتي ....والله كريييييييم ويرزقك وتبشرينا بحممممملك يارب 

  3. @braaa_atfal_1

    الله يجزآك خير على المعلومات
    وعسى أن تكرهوا شيئاً وهو خيرُ لكم ، وعسى أن تحبوا شيئاً وهو شراً لكم ..
    طيب فيه حل
    وريه ورقه أي تحاليل أصلاً ماراح يفهم وش تعني الأرقام بس عشان تسكتيه
    والله يرزقنا ويرزقكم بالذرية الطيبه

  4. @aaashk_alhya_2

    الله يجزاك خير على المعلومات

    وبخصوص عمك الله يعينكم اذا هو مررررره يعني ضاغط عليكم عادي وروه التحاليل وايش فيه يعني لاصار عندك هرمون الحليب عالي

    اغلب الي هنا هرمونهم عالي وهالهرمون يزيد وينقص بالحاله النفسيه ومع العلاج يتعدل ويصير تمام

    بصراحه انا اول مره سويت تحليل لهرمون الحليب كان عالي وعادي مافي احد مادرى ان هرموني عالي ههههههههههه

    حتى ابو زوجي يقول هذا كله من الدجاج الي تاكلونه ودايما يقولي بطلي اكل دجاج

تابعي تجارب أخرى من هذا القسم.