فزعتكم.. ثلاثينية وجايني شخص أصغر مني!! مشورتكم

سلام عليكم خواتي



شخباركم؟



أبغيكم تساااعدوني في موضوعي .. وأنا متحيرة جداً لدرجة أني ماني طايقة أفكر ..



أنا فتاة ثلاثينية ولك يسبق لي الزواج ..وحالياً كلمني شخص عن الزواج .. ومواصفاته كلللللها اللي اتمناها وأبحث عنها .. لدرجة حتى الأمور البسيطة اللي انا أحبها هو يحبها .. وكان مبتعث وخلص ورجع .. لحد هنا متفقين .. بس للأسف فرق السن بيننا !! .. أصغر مني ؟؟؟؟؟ بست سنوات ؟؟؟



هالأمر مو مبين بيننا .. أنا شفت صورته هو شكله أكبر من عمره .. وأنا الحمدلله شكلي أصغر من عمري ماشاء الله .. لكن يبقى هالأمر عائق بيننا !!



أحسه بالنسبة لي شي مهم .. يكون الرجل أكبر من المرأة .. وأطول منها .. وهي أحلى منه .. أنا هالنقاط الثلاث جداً مهمة بالنسبة لي ..



طبعاً هو أطول مني .. وأنا أحلى منه .. بس العمرررررر !!!!



من ناحيته عادي عنده .. يقول أنا عشت بلندن وشفت هناك إن هالشي عادي .. أهم شي التفاهم والإنسجام بين الطرفين ..



بس خبركم إحنا العرب العمر مهم بالنسبة لنا .. أنا حساسة وما أبي أسمع كلام يضايقني!! مثلاً قصت عليه وأخذته بس لأنها تبي تتزوج.. أو طالع هاذي ماخذه لها جاهل !!!



شراااااااايكم؟؟ هل أتغاضى عن العمر؟؟ بس أخاف في المستقبل يسبب لي ضيق وأرق وأخسر حياتي!!



أنا للحين ما خبرت الوالدة .. طبعاً رايها يهمني جداً بشوف معاها الموضوع اليوم ..



بس أنتوا شرايكم؟؟



المشكلة العمر يمشي .. ومن بين اللي تقدموا لي قبل ولا شخص عجبني أو لاقيت فيه اللي أبيه ..



من ناحية ثانية .. مثلاً لو صار إتفاق بيننا .. هل يصير ما نخبر الأهل الفرق اللي بيننا؟؟؟



((( إللي زوجها أصغر منها .. أو تعرف وحدة زوجها أصغر منها تعطيني رايها)))

شوروا علي رحم الله والديكم
:confused::confused::confused:

59 تعليق 10,049 مشاهدة

شاركي في النقاش

سجلي الدخول لإضافة تعليق.

التعليقات

57
  1. دام هو عارف فرق العمر وراضي وين المشكلة توكلي على الله العقول ما تقاس بالأعمار ولد عمتي تزوج وحدة اكبر منه بعشر سنوات وعندهم أطفال وآمورهم على ما يرام موفقه ..............
  2. @nkhl_mthmrh

    محتاجة ومشتاقة
    موفقة
    اتركي عنك الجنون وخذيه اذا هو شاريك مافيها شي صحيح كلامك انه الرجال يكون اكبر منك حلو
    بس اذا جا الزين في المواصفات مافيها شي
    الناس بيتكلمون خلهم يكلمون بطقاق فكري اني في لحظة الي يتكلمون بتكونين قاعده معها تحت سقف واحد ومبسوطه ومنسجمه وهيمانين في بعض
    انا عارفه ايش تفكرين فيه عشان انا في عمرك وكل مانكبر كل مانعرف اهمية الانسجام بين الحرمه والرجال
    صدقيني الانسجام والتوالف والرغبات ماتجي دايم يمكن ياخذك رجال اكبر منك بس من البدايه مايعجيك ولا يكون تفاهم بينك وبينه

    يابنت الحلال لاضيعين الفرصه اذا الولد متعلم وفاهم وحيوي وجذاب وجذبك تراها نعمه كبببيره
    ماعليك من كلام الناس

    انتي في الثلاثين ماتدرين يمكن يجيك واحد اقل منه ولا واحد متزوج ومع كبر عمرك بعدين تظطرين تاخذينه

    هذه الايام الحرمه ماتكبر بسرعه بسبب المكياج والبس والدلع والغنج وخفة الدم واكيد هي متوفره فيك
    الله يوفقك وان شاء الله تبشرينا بالخير
  3. @akht_ahmd_3

    استخيري الله والخيرة فيما يختار الله
    وفارق العمر لا تفكرين فيه ولاتحسسي ان هذ الموضوع مزعجك واهتمت بنفسك وشكلل
  4. الزواج هو عقد ديني و روحي و جسمي بين شخصين
    شخصين فقط لا ثالث بينهم
    مع الاسف البالغ الزواج عند العرب هو الزواج بين عائلتين او مجتمعين و اخر همهم هو الزوجين
    حبيبتي خير البشر تزوج من امراءة احبها و هي اكبر منه بسنواات
    و القران يقول لقد كان لكم في رسول الله اسوة حسنة
    بصراحة عارفة ان الشي وايد صعب عليج
    بس بعد جدا واضح ان الريال فاهم و عاقل و وواعي
    و هذا اهم شي و اعرف وااايد حالات تكون الزوجة اكبر من الزوج
    و لا تخبرين الاهل و لا الناس اذا الشي يضايقج وايد
    صلي استخارة اكثر من مرة
    و الله يسهلج

تابعي تجارب أخرى من هذا القسم.