الله يخلف ع العزابيات

الحياة الزوجية لاتخلوا من المشاكل ادا الاخوان من بطن واحد ومتربيين في بيت واحد وتحصلين الحرب بينهم فمابالج بزوج وزوجة كل واحد متربي في مكان اكيد لازم يكون اختلاف بينهم وهو ملح الحياة اما عن الي يكتبون مشاكل يفضفضون والله يريح يالهن ولو ان في مواضيع تاافهة ويوم اقراها اقعد اضحك اقول من صدقهم الحين جاية وفاتحة موضوع لاجل شيء تافه وتسبب لنفسه قلق وارق وماترقد وتسبب مشاكل كبيرة والموضوع تااافه اما عن الي مايقولون عن حياتهن السعيدة ياختي الي لاحظته لو وحدة كتبت في ردها شيء عن زوجها انه جابلها او سفرها او فاجاها بهدية او او او من الايجابيات تحصلين تحت ردها 100000 تقييم سيء ؟؟؟؟ يعني البنت شو كتبت لاجل تقيمون ردها ديس لايك ؟ ف لاجل جي تحصلين الاغلبية محفضين وفي نوعية الي تخاف من اعين والحسد والننوعية هاي اشفق عليها عندنا وعندكم خير ولا اعرفج ولاتعرفيني كيف بصيبج بعين ؟ انا يوم دشيت المنتدى وبالخصوص القسم هدا حاولت استفيد من الاجابيات والسلبيات اخليها حاافز لي لاجل ما اطيح في نفس المواقف ولاجل ادا طحت فيها تكون عندي ردت فعل واهمممم نقطة اني ما الغي شخصيتي واتبع اراء بعض العضواة وفي الاول والخير هاي وجهة نظري وتقبلي مروري
والسمووحة

البنات هنا يكتبوا مشاكلهم من باب فضفضة او من باب انها تلاقي حل
اما المواقف السعيدة ما يكتبونها مو لانهم خايفين من العين زي ما تقولوا
لا بس تخيلي اكتب موقف اليوم زوجي طلعني واشترالي طقم الذهب اللي نفسي فيه وجاب عشان من برا ورجعنا
اغلب البنات رح يردوا (طيب؟؟ احنا ايش نسويلك)

والردود اغلب الاحيان العضوات يحاولون يخففون عنها
لكن زوجها يضربها ولا يقلها الفاظ تدخل في قائمة القذف ايش تبغين نقلها ( اصبري وادعي يتغير)
لا طبعا في مواقف لازم ننبها ان زوجها تعدى الخطوط الحمراء وانها اذا ما حطت حد من اللحين راح يستمر الموضوع ويتطور


اما عاد اللي تصير تشك بزوجها بسبب الي تقراه فهذه امعة والغلط مو على العضوات اللي يكتبون مشاكلهم ولا على اللي يردون
الغلط على الي مسكها لاب توب وهو عارف انها مالها راي ولا فكر خاص فيها..

انتي ماوضحتي هالشيء بنطاق محتوى الموضوع محتوى الموضوع تكلمتي عن المتزوجات ونصحتيهم وعنوانك الله يخلف على العزابيات يعني العنوان بجهه ومحتوى الموضوع بجهه اخرى

ولا ياحبيبتي مايتعقدون بالعكس يكون عندها وعي وتفهم اكثر انا اعرف كثير بنات كانوا ميتات على الزواج ونفسهم يتزوجوا ليه لان على بالهم الزواج بس دلع ورومنسيه وخرجات والحين بعد ماتزوجوا يقولون ياليت الزمن يرجع والله ما افكر بالزواج ولا تقولون علشان تبعد عنها الحسد والعين لا والله تلقينها مهمومه حتى بالجمعات والعزايم الناس تسولف وتضحك وهي بركن مهمومه ومتضايقه والوجه اللي كان قبل الزواج منور ومشرق الحين اسود وهالات حول العين ليش لانها قبل ماكانت واعيه ايش معنى زواج وانصدمت بالواقع ف صارت ماتعرف تتعامل صح مع زوجها والمشاكل اللي تواجهها انا بالنسبه لي لسه ماتزوجت بس استفدت كثير وصرت اعرف ايش اللي على الزوجه وايش لها يعني هالشيء بيفيدني إن شاء الله لمن اتزوج اكون واعيه واعرف حقوقي وما اسمح له يتجاوز حدوده ويدوسني ويذلني مثل كثير حريم ماكان عندهم وعي لمن تزوجوا وهذا سمح للرجل انه يتمادى

الله يسعدك عطيتيني اامل .. جزااااااك الله خييييير